ആ​ല​പ്പു​ഴ ജില്ലയിൽ നെൽകർഷകർക്കുള്ള പ്രതിഫല വിതരണം നിലച്ചു

ആ​ല​പ്പു​ഴ: ജി​ല്ല​യി​ൽ സം​ഭ​രി​ച്ച നെ​ല്ലി​ന്​ നെ​ൽ​ക​ർ​ഷ​ക​ർ​ക്ക്​ ന​ൽ​കേ​ണ്ട പ്ര​തി​ഫ​ല തു​ക​യു​ടെ വി​ത​ര​ണം നി​ല​ച്ചു. ബാ​ങ്കു​ക​ൾ​ക്ക്​ സ​ർ​ക്കാ​ർ ന​ൽ​കു​ന്ന ക്ര​ഡി​റ്റ്​ പ​രി​ധി ക​ഴി​ഞ്ഞ​തി​നെ തു​ട​ർ​ന്ന്​​ സം​ഭ​രി​ച്ച നെ​ല്ലി​ന്‍റെ വി​ല ഇ​ന​ത്തി​ൽ ക​ർ​ഷ​ക​ർ​ക്ക്​ വാ​യ്പ​യാ​യി ന​ൽ​കു​ന്ന തു​ക വി​ത​ര​ണം ബാ​ങ്കു​ക​ൾ നി​ർ​ത്തി​വ​ച്ചു. 28,923 ക​ർ​ഷ​ക​രി​ൽ നി​ന്നാ​ണ്​ ഇ​ത്ത​വ​ണ നെ​ല്ല്​ സം​ഭ​രി​ച്ച​ത്. ഇ​തി​ൽ 12,485 ക​ർ​ഷ​ക​ർ​ക്ക് തു​ക വി​ത​ര​ണ​ത്തി​നു​ള്ള പ്രാ​ഥ​മി​ക ന​ട​പ​ടി​പോ​ലും ആ​യി​ട്ടി​ല്ല. അ​തി​നി​ടെ​യാ​ണ്​ പാ​ഡി ര​സീ​ത്​ ല​ഭി​ച്ച ക​ർ​ഷ​ക​ർ​ക്ക്​ പ​ണം ന​ൽ​കു​ന്ന​ത്​ ബാ​ങ്കു​ക​ൾ നി​ർ​ത്തി​വ​ച്ച​ത്.

ഈ ​വ​ർ​ഷ​ത്തെ ര​ണ്ടാം​കൃ​ഷി നെ​ല്ല്‌ സം​ഭ​ര​ണം ഏ​റെ​കു​റെ പൂ​ർ​ത്തി​യാ​യി​രു​ന്നു. വി​ല വി​ത​ര​ണം ചെ​യ്യു​ന്നി​ല്ല എ​ന്ന ക​ർ​ഷ​ക​രു​ടെ പ​രാ​തി​ക​ൾ ഉ​യ​രു​ന്ന​തി​നി​ടെ 10 ദി​വ​സം മു​മ്പാ​ണ്​ ബാ​ങ്കു​ക​ൾ വ​ഴി പ​ണ വി​ത​ര​ണം തു​ട​ങ്ങി​യ​ത്. ഏ​പ്രി​ൽ മാ​സ​ത്തി​ൽ നെ​ല്ല്​ സം​രി​ച്ച ക​ർ​ഷ​ക​ർ​ക്കു​ള്ള പ്ര​തി​ഫ​ല വി​ത​ര​ണ​മാ​ണ്​ ന​ട​ന്നു​വ​ന്ന​ത്.

പാ​ഡി മാ​ർ​ക്ക​റ്റി​ങ്​ ഓ​ഫീ​സ​ർ പ​രി​ശോ​ധ​ന പൂ​ർ​ത്തി​യാ​ക്കി​യ ജി​ല്ല​യി​ലെ 16,438 ക​ർ​ഷ​ക​ർ​ക്കാ​ണ് ​പാ​ഡി ര​സീ​ത്​ ന​ൽ​കി​യ​ത്. ഇ​വ​ർ​ക്ക്​ 188.24 കോ​ടി രൂ​പ​യാ​ണ്​ ന​ൽ​കേ​ണ്ടി​യി​രു​ന്ന​ത്. 650 കോ​ടി​യോ​ളം രൂ​പ​യാ​ണ്​ സം​സ്ഥാ​ന​ത്തെ മൊ​ത്തം നെ​ൽ​ക​ർ​ഷ​ക​ർ​ക്ക്​ ന​ൽ​കു​ന്ന​തി​നാ​യി ബാ​ങ്കു​ക​ൾ​ക്ക്​ സ​ർ​ക്കാ​ർ ന​ൽ​കി​യി​രു​ന്ന​ത്. ഇ​ത്​ തീ​ർ​ന്ന​തോ​ടെ​യാ​ണ്​ ബാ​ങ്കു​ക​ൾ തു​ക വി​ത​ര​ണം നി​ർ​ത്തി​വ​ച്ച​ത്.

കാ​ന​റാ ബാ​ങ്ക്, എ​സ്.​ബി.​ഐ എ​ന്നി​വ മു​ഖേ​ന​യാ​ണ്​ തു​ക വി​ത​ര​ണം ന​ട​ത്തു​ന്ന​ത്. ജി​ല്ല​യി​ൽ കാ​ന​റാ ബാ​ങ്കി​ൽ​ 9,279 ക​ർ​ഷ​ക​ർ​ക്കും എ​സ്.​ബി.​ഐ​യി​ൽ 7,159 ക​ർ​ഷ​ക​ർ​ക്കു​മാ​യി മൊ​ത്തം 16,438 ക​ർ​ഷ​ക​ർ​ക്കാ​യി 188.24 കോ​ടി രൂ​പ വി​ത​ര​ണം ചെ​യ്യു​ന്ന​തി​നു പാ​ഡി ര​സീ​തു​ക​ളാ​ണ്​ ന​ൽ​കി​യി​രു​ന്ന​ത്​.

സം​ഭ​രി​ച്ച 6,64,70,429 കി​ലോ നെ​ല്ലി​നു​ള്ള വി​ല​യാ​യാ​ണ്​ ഇ​ത്ര​യും തു​ക വി​ത​ര​ണം ചെ​യ്യു​ന്ന​ത്. ര​ണ്ടാം​കൃ​ഷി​യി​ൽ 1,06,833.792 മെ​ട്രി​ക്​ ട​ൺ നെ​ല്ലാ​ണ്​ സം​ഭ​രി​ച്ച​ത്. 95.11 ശ​ത​മാ​നം കൊ​യ്ത്ത്​ പൂ​ർ​ത്തി​യാ​യ​താ​യാ​ണ്​ സ​ർ​ക്കാ​ർ ക​ണ​ക്ക്​. 1,28,357. 945 മെ​ട്രി​ക്​ ട​ൺ നെ​ല്ലി​ന്‍റെ വി​ള​വാ​ണ്​ പ്ര​തീ​ക്ഷി​ച്ച​ത്. അ​തി​ലും ഏ​റെ​യാ​ണ്​ ഇ​ത്ത​വ​ണ ഉ​ൽ​പാ​ദ​നം. 53 മി​ല്ലു​ക​ളെ​യാ​ണ്​ സം​ഭ​ര​ണ ചു​മ​ത​ല ഏ​ൽ​പി​ച്ച​ത്. 26,705 ഹെ​ക്ട​റി​ലെ 1,36,224 മെ​ട്രി​ക്​ ട​ൺ നെ​ല്ല്​ സം​ഭ​രി​ക്കാ​നാ​ണ്​ മി​ല്ലു​ക​ളെ ചു​മ​ത​ല​പ്പെ​ടു​ത്തി​യ​ത്.