ചരിത്ര പെരുമയും ക്ഷേത്രാചാരങ്ങളുമായി പടനിലം ഗ്രാമം

ചാ​രും​മൂ​ട്: വ​ട​ക്ക് അ​ച്ച​ൻ​കോ​വി​ലാ​റി​ന്‍റെ​യും കി​ഴ​ക്ക് ക​രി​ങ്ങാ​ലി പു​ഞ്ച​യു​ടെ​യും സ​മീ​പ​മു​ള്ള വ​യ​ലോ​ര​ങ്ങ​ളു​ടെ​യും സു​ഖ​ശീ​ത​ളി​മ​യാ​ൽ വ്യ​ത്യ​സ്ത​മാ​ണ് പ​ട​നി​ലം ഗ്രാ​മ​ത്തി​ന്‍റെ ഭം​ഗി. പ​ട​നി​ല​മെ​ന്ന ച​രി​ത്ര​മാ​ഹാ​ത്മ്യം പേ​റു​ന്ന പ​ര​ബ്ര​ഹ്മ​ക്ഷേ​ത്ര​വും നാ​ടി​ന്‍റെ തി​ല​ക​ക്കു​റി​യാ​യി നി​ല​കൊ​ള്ളു​ന്നു. പ്ര​സി​ദ്ധ​മാ​യ ക​ര​കൂ​ട​ലി​ന്റെ​യും പ്രോ​ജ്ജ്വ​ല​മാ​യ പ​ട​വെ​ട്ടി​ന്റെ​യും മ​ത​സൗ​ഹാ​ർ​ദ​ത്തി​ന്‍റെ​യും സ്മ​ര​ണ​ക​ളി​ര​മ്പു​ന്ന പ​ട​നി​ല​ത്തി​ന് ച​രി​ത്ര​ക​ഥ​ക​ൾ ഏ​റെ പ​റ​യാ​നു​ണ്ട്. ഏ​തു മ​ത​ത്തി​ൽ​പെ​ട്ട ജ​ന​ങ്ങ​ൾ​ക്കും ആ​രാ​ധ​ന ന​ട​ത്താ​മെ​ന്ന​താ​ണ്​ ഇ​വി​ടു​ത്തെ ക്ഷേ​ത്ര​ത്തി​ന്‍റെ പ്ര​ത്യേ​ക​ത.

സാ​ധാ​ര​ണ ക്ഷേ​ത്ര​ങ്ങ​ളി​ൽ​നി​ന്ന്​ വി​ഭി​ന്ന​മാ​യി ഗോ​പു​ര​മോ, ചു​റ്റ​മ്പ​ലം ശ്രീ​കോ​വി​ലോ ഇ​ല്ല. വ​ള​ർ​ന്ന്​ പ​ന്ത​ലി​ച്ച ആ​ൽ, മാ​വ്, ഇ​ല​ഞ്ഞി തു​ട​ങ്ങി​യ വൃ​ക്ഷ​ങ്ങ​ളാ​ണ് ക്ഷേ​ത്ര​ത്തി​ന്റെ മേ​ല്ക്കൂ​ര. പ​ടി​ഞ്ഞാ​റോ​ട്ട് ദ​ർ​ശ​ന​മു​ള്ള അ​പൂ​ർ​വം ക്ഷേ​ത്ര​ങ്ങ​ളി​ൽ ഒ​ന്നാ​ണ് പ​ട​നി​ലം പ​ര​ബ്ര​ഹ്മ​ക്ഷേ​ത്രം. വി​ശാ​ല​മാ​യ ക്ഷേ​ത്ര​പ​രി​സ​ര​ത്തെ ക​ളി​ത്ത​ട്ടു​ക​ൾ നാ​ടി​ന്‍റെ ഗ്രാ​മ​ക്കാ​ഴ്ച​ക​ളി​ൽ പ്ര​ധാ​ന​മാ​ണ്.

പ​ട​നി​ലം എ​ന്ന പേ​രു​മാ​യി ബ​ന്ധ​പ്പെ​ട്ട് നി​ര​വ​ധി ക​ഥ​ക​ളാ​ണ് ഉ​ള്ള​ത്. നൂ​റ​നാ​ടി​ന്റെ ഭ​ര​ണ സി​രാ​കേ​ന്ദ്ര​വും ച​രി​ത്രം ഉ​റ​ങ്ങു​ന്ന​തു​മാ​യ പ​ട​നി​ലം ക​ര​ക്കാ​ര്‍ ക്ഷേ​ത്രാ​വ​കാ​ശ​ത്തി​നു വേ​ണ്ടി ക​ര​മ​ത്സ​രം ന​ട​ത്തി ക​ല​ഹ​ത്തി​ൽ ഏ​ര്‍പ്പെ​ട്ട് പ​ട​ന​യി​ച്ചി​രു​ന്ന​തി​നാ​ല്‍ ‘പ​ട​നി​ല’​മാ​യി എ​ന്ന ഒ​രു ഐ​തി​ഹ്യ​വും കാ​യം​കു​ളം രാ​ജാ​വി​ന്റെ പ​ട കി​ട​ന്ന സ്ഥ​ല​മാ​യ​തി​നാ​ല്‍ ‘പ​ട​നി​ല’​മാ​യി എ​ന്ന മ​റ്റൊ​രു ചൊ​ല്ലും നാ​ട്ടി​ലു​ണ്ട്. തി​രു​വി​താം​കൂ​റി​ലെ ഏ​റ്റ​വും പ്ര​ബ​ല​മാ​യ രാ​ജ്യ​ങ്ങ​ളി​ല്‍ ഒ​ന്നാ​യി​രു​ന്ന കാ​യം​കു​ള​ത്തി​ന്റെ അ​തി​ര്‍ത്തി​യി​ല്‍പെ​ട്ട സ്ഥ​ല​മാ​യി​രു​ന്നു പ​ട​നി​ലം എ​ന്നു​പ​റ​യു​ന്നു. നൂ​റ​നാ​ട് പ​ട​നി​ല​ത്ത് രാ​ജാ​വി​ന്റെ പ​ട​ക്കു​തി​ര​ക​ളെ കു​ളി​പ്പി​ക്കാ​ൻ ഉ​പ​യോ​ഗി​ച്ചി​രു​ന്ന​താ​ണ്​ ഇ​പ്പോ​ഴ​ത്തെ ‘പൊ​ട്ട​ന്‍ചി​റ’ എ​ന്ന് പ​റ​യ​പ്പെ​ടു​ന്നു. നൂ​റ​നാ​ടി​ന്റെ കി​ഴ​ക്കു​ഭാ​ഗ​ത്ത് ക​രി​ങ്ങാ​ലി​പ്പു​ഞ്ച​യും സ്ഥി​തി ചെ​യ്യു​ന്നു. നാ​ലു നൂ​റ്റാ​ണ്ട് മു​മ്പാ​ണ് പ​ട​നി​ല​ത്തു​നി​ന്നും കാ​യം​കു​ളം രാ​ജാ​വി​ന്റെ പ​ട​യെ പി​ന്‍വ​ലി​ക്ക​പ്പെ​ട്ട​ത​ത്രേ.

പ​ണ്ടു​കാ​ല​ത്ത് ഒ​രു ആ​ലി​ന്‍ചു​വ​ട്ടി​ല്‍ ഏ​താ​നും കാ​ട്ടു​ക​ല്ലു​ക​ളാ​ല്‍ ഉ​ണ്ടാ​ക്ക​പ്പെ​ട്ട ത​റ​യാ​യി​രു​ന്നു നൂ​റ​നാ​ട്-​പ​ട​നി​ലം പ​ര​ബ്ര​ഹ്മ​ക്ഷേ​ത്രം. പ​ട​യ​യോ​ട്ട​ത്തി​ന്റെ​യും പ​ട​വെ​ട്ടി​ന്റെ​യും ച​രി​ത്ര​സ്മ​ര​ണ​യു​ണ​ർ​ത്തു​ന്ന​താ​ണ് വൃ​ശ്ചി​കോ​ത്സ​വ​ത്തി​ന്‍റെ ഭാ​ഗ​മാ​യി ന​ട​ക്കു​ന്ന ക​ര​കൂ​ട​ൽ.

രാ​ജാ​ക്ക​ന്മാ​രും പ​ട​യാ​ളി​ക​ളും അ​ണി​നി​ര​ന്ന് യു​ദ്ധം ന​ട​ന്ന പ​ട​നി​ല​ത്തി​ന് വ​ലി​യ ച​രി​ത്ര​മാ​ണു​ള്ള​ത്. യു​ദ്ധം നീ​ണ്ട​പ്പോ​ൾ സ​മാ​ധാ​ന​കാം​ക്ഷി​ക​ളാ​യ നൂ​റ​നാ​ട്ടെ ക​ര​നാ​ഥ​ന്മാ​ർ പാ​ഴൂ​ർ മ​ന​യി​ലെ ത​മ്പു​രാ​നെ മ​ധ്യ​സ്ഥ​നാ​യി ക്ഷ​ണി​ച്ചു​കൊ​ണ്ടു​വ​ന്ന് പ​ട​വെ​ട്ട് അ​വ​സാ​നി​പ്പി​ച്ചെ​ന്നാ​ണ് ച​രി​ത്രം..

സാ​ഹോ​ദ​ര്യ​ത്തി​ന്റെ​യും സ​മാ​ധാ​ന​ത്തി​ന്റെ​യും സ​ന്ദേ​ശം കൂ​ടി​യാ​യ ക​ര​കൂ​ട​ൽ ച​ട​ങ്ങി​ന് ദീ​പം തെ​ളി​യി​ക്കു​ന്ന​തി​നു​ള്ള എ​ണ്ണ ക്ഷേ​ത്ര​ത്തി​നു സ​മീ​പ​ത്തെ സെ​ന്റ് തോ​മ​സ് ഓ​ർ​ത്ത​ഡോ​ക്‌​സ് ച​ർ​ച്ചി​ന്റെ നേ​തൃ​ത്വ​ത്തി​ലാ​ണ് എ​ല്ലാ വ​ർ​ഷ​വും സ​മ​ർ​പ്പി​ച്ചു വ​രു​ന്ന​ത്. ശി​വ​രാ​ത്രി നാ​ളി​ൽ ഏ​ഷ്യ​യി​ലെ ത​ന്നെ ഏ​റ്റ​വും വ​ലി​യ ന​ന്ദി​കേ​ശ​കെ​ട്ടു​കാ​ഴ്ച​ക​ൾ ദ​ർ​ശി​ക്കാ​ൻ ആ​യി​ര​ങ്ങ​ളാ​ണ് ക്ഷേ​ത്ര​ത്തി​ൽ എ​ത്തു​ന്ന​ത്. 16 ക​ര​ക​ളി​ൽ​നി​ന്ന്​ കൊ​ണ്ടു​വ​രു​ന്ന കെ​ട്ടു​കാ​ഴ്ച​ക​ൾ ശി​ല്പ​ചാ​രു​ത വി​ളി​ച്ചോ​തു​ന്ന​താ​ണ് കേ​ര​ള​ത്തി​ലെ ആ​ദ്യ ന​ന്ദി​കേ​ശ ഗ്രാ​മ​മാ​യ പ​ട​നി​ലം പ​ര​ബ്ര​ഹ്മ​ക്ഷേ​ത്രം ശ​ബ​രി​മ​ല​യു​ടെ പ്ര​ധാ​ന ഇ​ട​ത്താ​വ​ളം കൂ​ടി​യാ​ണ്