Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightAlappuzhachevron_rightകാണിക്ക വഞ്ചി...

കാണിക്ക വഞ്ചി കുത്തിത്തുറന്ന് മോഷണം; പ്രതി അറസ്റ്റിൽ

text_fields
bookmark_border
maniyan
cancel
camera_alt

മാവേലിക്കര മോഷണ കേസിൽ പൊലീസ് അറസ്റ്റു ചെയ്ത മണിയൻ

മാവേലിക്കര: സന്താനഗോപാലം ക്ഷേത്രത്തിലെ കാണിക്ക വഞ്ചി കുത്തിത്തുറന്ന് പണം മോഷ്ടിച്ച കേസിൽ ഒരാൾ അറസ്റ്റിൽ. തിരുവല്ല കുറ്റപ്പുഴ തിരുമൂലപുരം കടവിൽ കോളനിയിൽ മംഗലശ്ശേരിൽ മണിയൻ (54) ആണ് അറസ്റ്റിലായത്. കഴിഞ്ഞ മാസം 30ന് രാത്രി 12നാണ് ക്ഷേത്ര കാണിക്കവഞ്ചി കുത്തിതുറന്ന് മോഷണം നടത്തിയത്. ലോട്ടറി വിൽപ്പനക്കാരനായ ഇദ്ദേഹം മുമ്പ് മാവേലിക്കര റെയിൽവേ കോളനിയിൽ താമസിച്ചിരുന്നു. സന്താനഗോപാലം ക്ഷേത്രത്തിലെ സി.സി.ടി.വി കാമറയിൽ ഇദ്ദേഹത്തിന്‍റെ ദൃശ്യങ്ങൾ പതിഞ്ഞിരുന്നു. തൃക്കൊടിത്താനം, കൂടൽ, വാകത്താനം, കീഴ് വായ്പ്പൂർ, കറുകച്ചാൽ എന്നിവിടങ്ങളിൽ നടന്ന മോഷണ കേസുകളിൽ ജയിൽവാസം അനുഭവിച്ചിട്ടുണ്ട്. പകൽ ലോട്ടറി വിൽപ്പനയും രാത്രിയിൽ സൈക്കിളിൽ കറങ്ങി മോഷണം നടത്തുകയുമാണ് പതിവ്. മാവേലിക്കര സി.ഐ സി. ശ്രീജിത്തിന്‍റെ നേതൃത്വത്തിൽ കഴിഞ്ഞ ദിവസം രാത്രിയിലാണ് ഇയാളെ പിടികൂടിയത്. എസ്.ഐമാരായ മുഹ്സിൻ മുഹമ്മദ്, പി.എസ്. അംശു, സീനിയർ സി.പി.ഒ ജി. ഉണ്ണികൃഷ്ണ പിള്ള, സി.പി.ഒമാരായ അരുൺ ഭാസ്കർ, വി.വി. ഗിരീഷ് ലാൽ എന്നിവരടങ്ങുന്ന സംഘമാണ് അന്വേഷണം നടത്തിയത്.
Show Full Article
TAGS:theft arrest 
News Summary - one man arrested in theft case
Next Story