ആലപ്പുഴ ജില്ലയിൽ ഓണക്കിറ്റ്​ കിട്ടാനുള്ളത്​ 41,741 പേർക്ക്

ആ​ല​പ്പു​ഴ: ജി​ല്ല​യി​ലെ 93.2 ശ​ത​മാ​നം കാ​ർ​ഡു​ട​മ​ക​ൾ​ക്ക്​ ഓ​ണ​ക്കി​റ്റ് കി​ട്ടി. 6,13,604 കാ​ർ​ഡു​ട​മ​ക​ളി​ൽ 5,71,863 പേ​ർ​ക്കാ​ണ് ബു​ധ​നാ​ഴ്ച രാ​ത്രി എ​ട്ടു​വ​രെ കി​റ്റ്​ ന​ൽ​കാ​നാ​യ​ത്. 41,741 പേ​ർ​ക്കാ​ണ് ഇ​നി കി​റ്റ് കി​ട്ടാ​നു​ള്ള​ത്.

ബു​ധ​നാ​ഴ്ച റേ​ഷ​ൻ ക​ട​യി​ലെ​ത്തി​യി​ട്ടും കി​റ്റ്​ കി​ട്ടാ​ത്ത​വ​രു​ടെ പേ​രു​വി​വ​ര​ങ്ങ​ൾ ശേ​ഖ​രി​ച്ച അ​ധി​കൃ​ത​ർ ഇ​വ​ർ​ക്ക്​ വ​രും​ദി​വ​സ​ങ്ങ​ളി​ൽ ല​ഭ്യ​മാ​ക്കു​മെ​ന്ന്​ അ​റി​യി​ച്ചി​ട്ടു​ണ്ട്. ഓ​രോ റേ​ഷ​ൻ ക​ട​യി​ലും ര​ണ്ടു​മു​ത​ൽ 50 വ​രെ പേ​ർ ഇ​ത്ത​ര​ത്തി​ലു​ണ്ട്. മ​ഞ്ഞ, പി​ങ്ക് കാ​ർ​ഡു​കാ​ർ​ക്കു​ള്ള കി​റ്റ്​ വി​ത​ര​ണ​വും 100 ശ​ത​മാ​ന​മാ​ക്കാ​ൻ ക​ഴി​ഞ്ഞി​ല്ല.

വി​ത​ര​ണം പൂ​ർ​ത്തി​യാ​യ റേ​ഷ​ൻ ക​ട​യി​ൽ​നി​ന്ന് ഇ​ല്ലാ​ത്ത ക​ട​ക​ളി​ലേ​ക്ക് വ്യാ​പാ​രി​ക​ൾ ത​ന്നെ കി​റ്റെ​ത്തി​ച്ചും വി​ത​ര​ണം ന​ട​ത്തി. ചി​ല റേ​ഷ​ൻ ക​ട​ക​ളി​ൽ കാ​ർ​ഡു​ട​മ​ക​ളു​ടെ എ​ണ്ണ​ത്തി​ന​നു​സ​രി​ച്ച്​ കി​റ്റ് എ​ത്തി​ച്ചി​രു​ന്നി​ല്ല. തു​ട​ർ​ന്നാ​ണ്​ ചി​ല​ർ​ക്ക് കി​റ്റ്​ കി​ട്ടാ​തെ മ​ട​ങ്ങേ​ണ്ട സാ​ഹ​ച​ര്യ​മു​ണ്ടാ​യ​ത്. അ​ഗ​തി-​അ​നാ​ഥ-​വൃ​ദ്ധ​മ​ന്ദി​ര​ങ്ങ​ളി​ലെ അ​ന്തേ​വാ​സി​ക​ൾ​ക്കു​ള്ള കി​റ്റ്​ വി​ത​ര​ണ​ത്തെ​ച്ചൊ​ല്ലി​യും ആ​ക്ഷേ​പ​മു​ണ്ട്. ഇ​വി​ട​ങ്ങ​ളി​ൽ നാ​ലം​ഗ​ത്തി​ന് ഒ​രു കി​റ്റെ​ന്ന നി​ല​യി​ലാ​ണ് അ​നു​വ​ദി​ച്ച​ത്. എ​ന്നാ​ൽ, ആ​റം​ഗ​ങ്ങ​ളു​ള്ള സ്ഥാ​പ​ന​ങ്ങ​ൾ​ക്കും ഒ​രു കി​റ്റ്​ മാ​ത്ര​മാ​ണ്​ ന​ൽ​കി​യ​തെ​ന്നാ​ണ്​ പ​രാ​തി.