ഒരിക്കൽ സിനിമാ പ്രേമികളെ ഹരം കൊള്ളിച്ച പഴയകാല സിനിമകൾ വീണ്ടും എത്തുന്നു

ആ​ല​പ്പു​ഴ: ഒ​രി​ക്ക​ല്‍ക്കൂ​ടി തി​യ​റ്റി​ൽ കാ​ണ​ണ​മെ​ന്ന് കൊ​തി​ക്കു​ന്ന പ​ഴ​യ ക്ലാ​സി​ക്, ഹി​റ്റ് സി​നി​മ​ക​ളു​ടെ ​ഓ​ർ​മ​ക​ളി​ലേ​ക്കാ​ണ്​ ന​​മ്മെ കൂ​ട്ടി​ക്കൊ​ണ്ടു​പോ​കു​ന്ന​ത്. ആ​ല​പ്പു​ഴ ബീ​ച്ചി​ൽ ‘എ​ന്‍റെ കേ​ര​ളം’ പ്ര​ദ​ർ​ശ​ന വി​പ​ണ​ന മേ​ള​യി​ലാ​ണ്​ പ​തി​റ്റാ​ണ്ടു​ക​ള്‍ക്ക് മു​മ്പ് തി​യ​റ്റ​റു​ക​ളെ പൂ​ര​പ്പ​റ​മ്പാ​ക്കി​യ ജ​ന​പ്രി​യ സി​നി​മ​ക​ള്‍ വീ​ണ്ടു​മെ​ത്തു​ന്ന​ത്. ലോ​ക​സി​നി​മ​ക്ക് മ​ല​യാ​ളം സ​മ്മാ​നി​ച്ച ക്ലാ​സി​ക് ചി​ത്ര​ങ്ങ​ള്‍ വ​രെ ഇ​ക്കൂ​ട്ട​ത്തി​ലു​ണ്ട്. ചെ​മ്മീ​നും കൊ​ടി​യേ​റ്റ​വും നി​ർ​മാ​ല്യ​വും സ്വ​യം​വ​ര​വും പെ​രു​ന്ത​ച്ച​നും തു​ട​ങ്ങി​യ എ​വ​ര്‍ഗ്രീ​ന്‍ ക്ലാ​സി​ക്കു​ക​ള്‍ മു​ത​ല്‍ ഗോ​ഡ്ഫാ​ദ​റും കി​രീ​ട​വും പ്രാ​ഞ്ചി​യേ​ട്ട​നും വ​രെ​യു​ള്ള ജ​ന​പ്രി​യ സി​നി​മ​ക​ളാ​ണ്​ ഏ​റെ​യും.

സം​സ്ഥാ​ന ച​ല​ച്ചി​ത്ര വി​ക​സ​ന കോ​ർ​പ​റേ​ഷ​നാ​ണ് (കെ.​എ​സ്.​എ​ഫ്.​ഡി.​സി) ഇ​താ​ദ്യ​മാ​യി എ​ന്റെ കേ​ര​ളം പ്ര​ദ​ര്‍ശ​ന​മേ​ള​യി​ല്‍ മി​നി തി​യ​റ്റ​ര്‍ അ​നു​ഭ​വം ഒ​രു​ക്കി​യ​ത്. 21.5 അ​ടി നീ​ള​വും 11.5 അ​ടി ഉ​യ​ര​വു​മു​ള്ള എ​ൽ.​ഇ.​ഡി സ്‌​ക്രീ​നും അ​ത്യാ​ധു​നി​ക സൗ​ണ്ട് സി​സ്റ്റ​വും മി​ക​ച്ച സാ​ങ്കേ​തി​ക വി​ദ്യ​ക​ളു​മാ​യി നി​ർ​മി​ച്ച താ​ൽ​ക്കാ​ലി​ക മി​നി തി​യ​റ്റ​റി​ൽ ഒ​രേ​സ​മ​യം 70ല​ധി​കം പേ​ർ​ക്ക് സി​നി​മ ആ​സ്വ​ദി​ക്കാം.

സം​വി​ധാ​യ​ക​ൻ ഷാ​ജി എ​ൻ. ക​രു​ൺ അ​നു​സ്മ​ര​ണ​ത്തി​ന്റെ ഭാ​ഗ​മാ​യി അ​ദ്ദേ​ഹം സം​വി​ധാ​നം ചെ​യ്ത മ​മ്മൂ​ട്ടി ചി​ത്രം കു​ട്ടി​സ്രാ​ങ്കും പ്ര​ദ​ർ​ശി​പ്പി​ച്ചു. ചെ​റി​യാ​ച്ച​ന്റെ ക്രൂ​ര​കൃ​ത്യ​ങ്ങ​ൾ, ഒ​ഴി​മു​റി, ത​നി​യാ​വ​ർ​ത്ത​നം, ന്യൂ​സ് പേ​പ്പ​ര്‍ ബോ​യ്, എ​ലി​പ്പ​ത്താ​യം, അ​നു​ഭ​വ​ങ്ങ​ള്‍ പാ​ളി​ച്ച​ക​ള്‍, കു​മ്മാ​ട്ടി, വൈ​ശാ​ലി, 1921, ഭൂ​ത​ക്ക​ണ്ണാ​ടി, കാ​വ്യ​മേ​ള, ബി 32 ​മു​ത​ല്‍ 44 വ​രെ, നി​ഷി​ദ്ധോ, ന​ഖ​ക്ഷ​ത​ങ്ങ​ള്‍ തു​ട​ങ്ങി നി​ര​വ​ധി സി​നി​മ​ക​ളാ​ണ് ഈ​മാ​സം 12 വ​രെ ന​ട​ക്കു​ന്ന മേ​ള​യി​ൽ പ്രേ​ക്ഷ​ക​രെ കാ​ത്തി​രി​ക്കു​ന്ന​ത്.