പൊതു വിഭാഗത്തിൽ നിന്ന് പിങ്ക്​ റേഷൻ കാർഡിലേക്ക് മാറ്റാൻ ജില്ലയിൽ അപേക്ഷകർ കുറവ്

ആ​ല​പ്പു​ഴ: പൊ​തു​വി​ഭാ​ഗ​മാ​യ (നീ​ല, വെ​ള്ള) റേ​ഷ​ൻ കാ​ർ​ഡി​ൽ​നി​ന്ന്​ മു​ൻ​ഗ​ണ​ന വി​ഭാ​ഗ​ത്തി​ലേ​ക്ക്​ (പി​ങ്ക്)​ മാ​റ്റാ​ൻ ജി​ല്ല​യി​ൽ അ​പേ​ക്ഷ​ക​രു​ടെ എ​ണ്ണ​ത്തി​ൽ വ​ൻ കു​റ​വ്. ഇ​തു​വ​രെ 984 അ​പേ​ക്ഷ​ക​ർ മാ​ത്ര​മാ​ണ്​ ന​ൽ​കി​യ​ത്. ഇ​തോ​ടെ, അ​പേ​ക്ഷി​ക്കാ​നു​ള്ള തീ​യ​തി ഈ​മാ​സം 30 വ​രെ നീ​ട്ടി. നി​ര​വ​ധി സ​ർ​ട്ടി​ഫി​ക്കു​ക​ൾ അ​പേ​ക്ഷ​യോ​ടൊ​പ്പം സ​മ​ർ​പ്പി​ക്കേ​ണ്ട​തി​നാ​ൽ അ​ർ​ഹ​രാ​യ​വ​രി​ൽ പ​ല​രും പി​ൻ​വ​ലി​ഞ്ഞ​താ​ണ് എ​ണ്ണം കു​റ​യാ​ൻ കാ​ര​ണ​മെ​ന്നാ​ണ്​​ വി​ല​യി​രു​ത്ത​ൽ.

മു​ൻ​ഗ​ണ​നേ​ത​ര വി​ഭാ​ഗ​ക്കാ​രാ​യ നീ​ല, വെ​ള്ള കാ​ർ​ഡ് ഉ​ട​മ​ക​ളി​ൽ അ​ർ​ഹ​ർ​ക്ക്​ പി​ങ്ക് കാ​ർ​ഡി​ലേ​ക്ക്​ മാ​റാ​ൻ അ​ക്ഷ​യ കേ​ന്ദ്ര​ങ്ങ​ൾ വ​ഴി​യും സി​റ്റി​സ​ൻ ലോ​ഗി​ൻ പോ​ർ​ട്ട​ലും​ (ecitizen.civilsupplieskerala.gov.in) ഉ​പ​യോ​ഗി​ച്ചാ​ണ്​ അ​പേ​ക്ഷ ന​ൽ​കേ​ണ്ട​ത്. കാ​ർ​ഡി​ലെ വി​വ​ര​ങ്ങ​ളി​ൽ മാ​റ്റ​മു​ണ്ടെ​ങ്കി​ൽ അ​ത്​ തി​രു​ത്താ​നും അ​വ​സ​ര​മു​ണ്ട്. മു​ൻ​കാ​ല​ങ്ങ​ളി​ൽ ആ​യി​ര​ക്ക​ണ​ക്കി​ന് അ​പേ​ക്ഷ​ക​ളാ​ണ് ഓ​രോ താ​ലൂ​ക്ക് പ​രി​ധി​യി​ലും ല​ഭി​ച്ചി​രു​ന്ന​ത്.

അ​പേ​ക്ഷ​ക​രു​ടെ വീ​ടി​ന്റെ ത​റ​വി​സ്തീ​ർ​ണം തെ​ളി​യി​ക്കാ​നും ദാ​രി​ദ്ര്യ​രേ​ഖ​ക്ക്​ താ​ഴെ​യു​ള്ള​വ​രാ​ണെ​ന്ന ത​ദ്ദേ​ശ സ്ഥാ​പ​ന സെ​ക്ര​ട്ട​റി​യു​ടെ സ​മ്മ​ത​പ​ത്ര​വും ഇ​ക്കു​റി നി​ർ​ബ​ന്ധ​മാ​ക്കി​യി​രു​ന്നു. ഇ​ത് ല​ഭി​ക്കാ​നു​ള്ള കാ​ല​താ​മ​സ​മാ​ണ് പ​ല​ർ​ക്കും അ​പേ​ക്ഷ ന​ൽ​കാ​ൻ ക​ഴി​യാ​ത്ത​തി​ന്‍റെ പ്ര​ധാ​ന കാ​ര​ണം. വി​ല്ലേ​ജ് ഓ​ഫി​സി​ൽ​നി​ന്ന്​ വ​രു​മാ​ന സ​ർ​ട്ടി​ഫി​ക്ക​റ്റ്, പ​ട്ടി​ക​വി​ഭാ​ഗ​ങ്ങ​ൾ ജാ​തി സ​ർ​ട്ടി​ഫി​ക്ക​റ്റ് എ​ന്നി​വ​യും ന​ൽ​ക​ണ​മാ​യി​രു​ന്നു. ഇ​ത്​ കി​ട്ടാ​നും ഏ​റെ സ​മ​യ​മെ​ടു​ക്കു​ന്ന​തും തി​രി​ച്ച​ടി​യാ​യി.

സ​ർ​ട്ടി​ഫി​ക്ക​റ്റു​ക​ൾ വി​ശ​ക​ല​നം ന​ട​ത്തി​യാ​ണ്​ ഓ​രോ അ​പേ​ക്ഷ​ക​രു​ടെ​യും അ​ർ​ഹ​ത നി​ശ്ച​യി​ക്കു​ക. അ​ന​ർ​ഹ​രാ​യ​വ​ർ മു​ൻ​ഗ​ണ​ന കാ​ർ​ഡി​ന്​ ഉ​ട​മ​ക​ളാ​കു​ന്ന​ത് ഒ​ഴി​വാ​ക്കാ​നാ​യി​രു​ന്നു ന​ട​പ​ടി. തീ​യ​തി നീ​ട്ടി​യ​തോ​ടെ കൂ​ടു​ത​ൽ ആ​ളു​ക​ൾ​ക്ക് അ​പേ​ക്ഷി​ക്കാ​ൻ അ​വ​സ​ര​മൊ​രു​ക്കും. അ​ന​ധി​കൃ​ത​മാ​യി മു​ൻ​ഗ​ണ​ന കാ​ർ​ഡ് കൈ​വ​ശം വെ​ച്ച​വ​രി​ൽ​നി​ന്ന് പി​ടി​ച്ചെ​ടു​ത്ത​തി​ന്റെ ഒ​ഴി​വും തു​ട​ർ​ച്ച​യാ​യി റേ​ഷ​ൻ വാ​ങ്ങാ​ത്ത​തി​നാ​ൽ പൊ​തു​വി​ഭാ​ഗ​ത്തി​ലേ​ക്ക് മാ​റ്റി​യ​വ​രു​ടെ ഒ​ഴി​വും നി​ക​ത്താ​നാ​ണ് പു​തു​താ​യി അ​പേ​ക്ഷ സ്വീ​ക​രി​ക്കു​ന്ന​ത്. മു​ൻ​ഗ​ണ​ന കാ​ർ​ഡി​ൽ കൂ​ടു​ത​ൽ റേ​ഷ​ൻ വി​ഹി​തം സൗ​ജ​ന്യ​മാ​യി ല​ഭി​ക്കും. ചി​കി​ത്സ ആ​നു​കൂ​ല്യ​ങ്ങ​ൾ​ക്കും ഉ​പ​യോ​ഗി​ക്കാം.

അ​ർ​ഹ​ത ഇ​വ​ർ​ക്ക്

• പ​ര​മ്പ​രാ​ഗ​ത-​അ​സം​ഘ​ടി​ത തൊ​ഴി​ലാ​ളി കു​ടും​ബ​ങ്ങ​ൾ
• ത​ദ്ദേ​ശ വ​കു​പ്പി​ന്റെ ബി.​പി.​എ​ൽ പ​ട്ടി​ക​യി​ലു​ള്ള​വ​ർ
• ആ​ശ്ര​യ പ​ദ്ധ​തി അം​ഗ​ങ്ങ​ൾ
• സ​ർ​ക്കാ​ർ, അ​ർ​ധ സ​ർ​ക്കാ​ർ, പൊ​തു​മേ​ഖ​ല, സ​ഹ​ക​ര​ണ സ്ഥാ​പ​ന​ങ്ങ​ളി​ൽ ജോ​ലി​യി​ല്ലാ​ത്ത പ​ട്ടി​ക​വ​ർ​ഗ​ക്കാ​ർ
• കു​ടും​ബാം​ഗ​ങ്ങ​ളി​ൽ അ​ർ​ബു​ദ ബാ​ധി​ത​ർ, ഓ​ട്ടി​സ​മു​ള്ള​വ​ർ, ഗു​രു​ത​ര ശാ​രീ​രി​ക-​മാ​ന​സി​ക വെ​ല്ലു​വി​ളി​യു​ള്ള​വ​ർ, കി​ട​പ്പു​രോ​ഗി​ക​ൾ

• ഭ​വ​ന നി​ർ​മാ​ണ പ​ദ്ധ​തി​വ​ഴി വീ​ട്​ ല​ഭി​ച്ച​വ​ർ, ജീ​ർ​ണാ​വ​സ്ഥ​യി​ലു​ള്ള വീ​ടു​ള്ള​വ​ർ

സ​ർ​ട്ടി​ഫി​ക്ക​റ്റ്​ ഇ​വ

• മാ​ര​ക​രോ​ഗ​മു​ള്ള​വ​ർ​ക്ക്​ ഡോ​ക്ട​റു​ടെ സ​ർ​ട്ടി​ഫി​ക്ക​റ്റ്​
• വി​ല്ലേ​ജ്​ ഓ​ഫി​സി​ൽ​നി​ന്ന്​ വ​രു​മാ​നം, ജാ​തി സ​ർ​ട്ടി​ഫി​ക്ക​റ്റ്​
• ദാ​രി​ദ്ര്യ​രേ​ഖ​ക്ക്​ താ​ഴെ​യു​ള്ള​വ​രാ​ണെ​ന്ന ത​ദ്ദേ​ശ സ്ഥാ​പ​ന സെ​ക്ര​ട്ട​റി​യു​ടെ സ​മ്മ​ത​പ​ത്രം
• വൈ​ദ്യു​തി, കു​ടി​വെ​ള്ള ക​ണ​ക്ഷ​ൻ, ക​ക്കൂ​സ് എ​ന്നി​വ​യി​​ല്ലെ​ന്ന​തി​ന്​ സാ​ക്ഷ്യ​പ​ത്രം
• പ​ര​മ്പ​രാ​ഗ​ത തൊ​ഴി​ൽ ചെ​യ്യു​ന്ന​വ​ർ ക്ഷേ​മ​നി​ധി അം​ഗ​ത്വ​ത്തി​ന്റെ പാ​സ് ബു​ക്കി​ന്റെ പ​ക​ർ​പ്പ്​