നെഹ്​റു ട്രോഫി വള്ളംകളി; ഫൈനലിൽ മത്സരിച്ച വള്ളങ്ങളുടെ അയോഗ്യത ഒഴിവാക്കി

ആ​ല​പ്പു​ഴ: നെ​ഹ്‌​റു ട്രോ​ഫി വ​ള്ളം​ക​ളി​യി​ല്‍ ഒ​ന്നാം സ്ഥാ​ന​ത്തി​ന്​ പി​ന്നാ​ലെ എ​ത്തി​യ​വ​ര്‍ക്ക്‌ ഏ​ര്‍പ്പെ​ടു​ത്തി​യ അ​യോ​ഗ്യ​ത ഒ​ഴി​വാ​ക്കി. അ​ന്തി​മ വി​ജ​യി​ക​ളെ ഈ ​മാ​സം 19ന്‌ ​ശേ​ഷം പ്ര​ഖ്യാ​പി​ക്കും. ജൂ​റി​ ഓ​ഫ്​ അ​പ്പീ​ൽ ക​മ്മി​റ്റി​യു​ടെ നി​ല​വി​ലെ തീ​രു​മാ​ന​പ്ര​കാ​രം ന​ടു​ഭാ​ഗം ര​ണ്ടാ​മ​തും മേ​ൽ​പാ​ടം മൂ​ന്നാ​മ​തും നി​ര​ണം നാ​ലാം സ്ഥാ​ന​ത്തും തു​ട​രും. അ​ടു​ത്ത​യാ​ഴ്ച കൈ​ന​ക​രി​യി​ൽ ചാ​മ്പ്യ​ൻ​സ്​ ബോ​ട്ട്​ ലീ​ഗ്​ ന​ട​ക്കാ​നി​രി​ക്കെ​യാ​ണ്​ പ്ര​ശ്ന​പ​രി​ഹാ​ര​മാ​യ​ത്.

ഫൈ​ന​ല്‍ മ​ത്സ​രി​ച്ച വ​ള്ള​ങ്ങ​ളു​ടെ അ​യോ​ഗ്യ​ത നീ​ക്കി​യ​തോ​ടെ ഈ ​ചു​ണ്ട​നു​ക​ള്‍ക്ക്‌ സി.​ബി.​എ​ല്ലി​ൽ മ​ത്സ​രി​ക്കാ​നാ​കും. വാ​ശി​യേ​റി​യ ഫൈ​ന​ല്‍ മ​ത്സ​ര​ത്തി​ല്‍ വീ​യ​പു​രം ചു​ണ്ട​നാ​ണ്​ ഒ​ന്നാ​മ​തെ​ത്തി​യ​ത്. കൈ​ന​ക​രി വി​ല്ലേ​ജ്​ ബോ​ട്ട്​ ക്ല​ബി​ന്‍റെ ക​രു​ത്തി​ലാ​ണ്​ നെ​ഹ്​​റു ട്രോ​ഫി​യി​ൽ ജ​ല​രാ​ജാ​വാ​യ​ത്. ഇ​തി​ന്​ പി​ന്നാ​ലെ ഒ​പ്പം മ​ത്സ​രി​ച്ച മ​റ്റു ചു​ണ്ട​നു​ക​ള്‍ക്കെ​തി​രെ പ​രാ​തി ഉ​യ​ര്‍ന്ന​ത്. എ.​ഡി.​എം ചെ​യ​ര്‍മാ​നാ​യ ജൂ​റി ഓ​ഫ്‌ അ​പ്പീ​ലാ​ണ്‌ പ​രാ​തി പ​രി​ഗ​ണി​ച്ച​ത്‌.

വെ​ള്ളി​യാ​ഴ്ച ചേ​ര്‍ന്ന ജൂ​റി ഓ​ഫ്‌ അ​പ്പീ​ലി​ലി​ല്‍ പ​രാ​തി​ക്കാ​രെ​യും വി​ളി​ച്ചു​ചേ​ര്‍ത്തി​രു​ന്നു. ര​ണ്ടാം സ്ഥാ​ന​ത്ത്​ എ​ത്തി​യ പു​ന്ന​മ​ട ബോ​ട്ട്‌ ക്ല​ബ്‌ തു​ഴ​ഞ്ഞ ന​ടു​ഭാ​ഗം ചു​ണ്ട​ൻ നി​ശ്ചി​ത പ​രി​ധി​ക്ക​പ്പു​റം പ്ര​ഫ​ഷ​ന​ൽ തു​ഴ​ക്കാ​തെ ഉ​​പ​യോ​ഗി​ച്ചു​വെ​ന്നാ​യി​രു​ന്നു പ​രാ​തി. എ​ന്നാ​ൽ, പ​രാ​തി ന​ൽ​കി​യ ക്ല​ബു​ക​ൾ​ക്ക്​ തെ​ളി​വു​ക​ള്‍ സ​ഹി​തം ആ​രോ​പ​ണം തെ​ളി​യി​ക്കാ​ന്‍ സാ​ധി​ച്ചി​ല്ല. റേ​സ്‌ ക​മ്മി​റ്റി സ​മ​ര്‍പ്പി​ച്ച റി​പ്പോ​ര്‍ട്ടി​ലും ക്ര​മ​​ക്കേ​ടു​ക​ള്‍ ക​ണ്ടെ​ത്താ​ന്‍ ക​ഴി​ഞ്ഞി​ല്ല. പ​ന​ത്തു​ഴ​ക്ക്‌ പ​ക​രം ത​ടി​ത്തു​ഴ ഉ​പ​യോ​ഗി​ച്ചെ​ന്നും പ​രാ​തി ഉ​ണ്ടാ​യി. എ​ന്നാ​ല്‍, ഇ​തും തെ​ളി​യാ​നാ​യി​ല്ല.

പ​രാ​തി​യി​ല്‍ കൂ​ടു​ത​ല്‍ ക​ര്‍ശ​നം പാ​ലി​ച്ചാ​ല്‍ സി.​ബി.​എ​ൽ മ​ത്സ​ര​ത്തെ ബാ​ധി​ക്കും. അ​തി​നാ​ല്‍ പ​രാ​തി​ക​ള്‍ ന​ല്‍കി​യ​വ​ര്‍ ഉ​ള്‍പ്പെ​ടെ പ​രാ​തി​യി​ല്‍ അ​യ​വു​വ​രു​ത്തി. ഒ​ന്നാം സ്ഥാ​ന​ക്കാ​ര്യ​ത്തി​ല്‍ ത​ര്‍ക്ക​മി​ല്ലാ​ത്ത​തി​നാ​ല്‍ സി.​ബി.​എ​ല്ലി​നെ ക​രു​തി മ​റ്റ്​ സ്ഥാ​ന​ക്കാ​ര്‍ സം​യ​മ​നം പാ​ലി​ച്ചു. എ​ന്നാ​ല്‍, ഫൈ​ന​ല്‍ വി​ജ​യി​ക​ളെ ഔ​ദ്യോ​ഗി​ക​മാ​യി പ്ര​ഖ്യാ​പി​ച്ച​ട്ടി​ല്ല. സീ​സ​ണി​ലെ ആ​ദ്യ സി.​ബി.​എ​ൽ ഈ​മാ​സം 19ന്​ ​കൈ​ന​ക​രി​യി​ലാ​ണ്‌ ന​ട​ക്കു​ന്ന​ത്‌. ഒ​മ്പ​ത്​ വ​ള്ള​ങ്ങ​ളെ തെ​ര​ഞ്ഞെ​ടു​ക്കു​ന്ന​ത്​ നെ​ഹ്​​റു ട്രോ​ഫി​യി​ൽ മി​ക​ച്ച​സ​മ​യം ക​ണ്ടെ​ത്തി​യ​വ​രെ​യാ​ണ്. നി​ല​വി​ൽ അ​യോ​ഗ്യ നീ​ക്കി​യ​തോ​ടെ വീ​യ​പു​രം, ന​ടു​ഭാ​ഗം, മേ​ൽ​പാ​ടം, നി​ര​ണം, പാ​യി​പ്പാ​ട​ന്‍, ന​ടു​വി​ലേ​പ്പ​റ​മ്പ​ന്‍, കാ​രി​ച്ചാ​ല്‍, ചെ​റു​ത​ന, ച​മ്പ​ക്കു​ളം എ​ന്നീ ചു​ണ്ട​നു​ക​ള്‍ സി.​ബി.​എ​ല്ലി​ൽ പോ​രി​നി​റ​ങ്ങും.