നെഹ്​റുട്രോഫി വള്ളംകളി; അന്തിമവിധി പ്രഖ്യാപനം വൈകും

ആ​ല​പ്പു​ഴ: നെ​ഹ്റു​ട്രോ​ഫി വ​ള്ളം​ക​ളി​യു​​ടെ അ​ന്തി​മ​വി​ധി പ്ര​ഖ്യാ​പ​നം വൈ​കും. ഫൈ​ന​ൽ മ​ത്സ​ര​ത്തി​ൽ വീ​യ​പു​രം ചു​ണ്ട​ന്റെ ഒ​ന്നാം സ്ഥാ​ന​മെ​ഴി​ച്ച് മ​റ്റ് വി​ജ​യി​ക​ളെ പ്ര​ഖ്യാ​പി​ച്ചി​ട്ടി​ല്ല. ചു​ണ്ട​ൻ​വ​ള്ള​ങ്ങ​ളു​ടെ ഫൈ​ന​ൽ മ​ത്സ​ര​ത്തി​ല​ട​ക്കം ആ​ദ്യ​ഹീ​റ്റ്​​സ്​ മു​ത​ൽ പ​രാ​തി​ക​ൾ ഏ​റെ​യു​ണ്ട്. ഇ​തു​സം​ബ​ന്ധി​ച്ച്​ വ​ള്ള​സ​മി​തി​യും ക്ല​ബു​ക​ളും രേ​ഖാ​മൂ​ല​വും അ​ല്ലാ​തെ​യും അ​ധി​കൃ​ത​ർ​ക്ക് പ​രാ​തി ന​ൽ​കി​യി​ട്ടു​ണ്ട്. ഇ​ത്​ ജൂ​റി ഓ​ഫ് അ​പ്പീ​ലി​ന്‍റെ പ​രി​ഗ​ണ​ന​യി​ലാ​ണ്.

എ.​ഡി.​എം, ജി​ല്ല ഗ​വ. പ്ലീ​ഡ​ർ, ജി​ല്ല ലോ ​ഓ​ഫി​സ​ർ, എ​ൻ.​ടി.​ബി.​ആ​ർ എ​ക്സി​ക്യൂ​ട്ടി​വ്​ അം​ഗ​ങ്ങ​ളാ​യ സി.​കെ സ​ദാ​ശി​വ​ൻ, ആ​ർ. കെ. ​കു​റു​പ്പ്​ എ​ന്നി​വ​ര​ട​ങ്ങു​ന്ന ജൂ​റി ഓ​ഫ്​ അ​പ്പീ​ൽ ക​മ്മി​റ്റി​യു​ടെ യോ​ഗം ചേ​ർ​ന്ന്​ തെ​ളി​വെ​ടു​പ്പും അ​ന്വേ​ഷ​ണ​വും പൂ​ർ​ത്തി​യാ​ക്കി​യ​ശേ​ഷം മാ​ത്ര​മേ അ​ന്തി​മ​വി​ധി പ്ര​ഖ്യാ​പി​ക്കൂ. ഇ​തി​ന്​ കാ​ല​താ​മ​സം നേ​രി​ടും. ഇ​ത്ര​യും നാ​ൾ ബോ​ണ​സ്​ ത​ട​ഞ്ഞു​വെ​ക്ക​രു​തെ​ന്നാ​ണ്​ എ​ൻ.​ടി.​ബി.​ആ​ർ സൊ​സൈ​റ്റി​യു​ടെ തീ​രു​മാ​നം.

അ​തി​നാ​ൽ മ​ത്സ​ര​ത്തി​ൽ പ​രാ​തി​ക​ളും ആ​ക്ഷേ​പ​ണ​ങ്ങ​ളും ഉ​ന്ന​യി​ക്കാ​ത്ത വ​ള്ള​ങ്ങ​ൾ​ക്ക്​ ആ​ദ്യം ബോ​ണ​സ്​ ന​ൽ​കും. മ​റ്റ്​ വ​ള്ള​ങ്ങ​ളു​ടെ കാ​ര്യ​ത്തി​ൽ അ​ധി​കൃ​ത​ർ​ക്ക് ല​ഭി​ച്ച പ​രാ​തി​ക​ളി​ൽ തീ​ർ​പ്പാ​ക്കി​യ​​ശേ​ഷം മാ​ത്ര​മാ​കും ബോ​ണ​സ് ന​ൽ​കു​ക. വ​ള്ളം​ക​ളി​യു​ടെ അ​മ്പ​യ​ർ, നീ​രി​ക്ഷ​ക​ർ എ​ന്നി​വ​ർ മ​ത്സ​ര​വി​ജ​യി​ക​ളെ സം​ബ​ന്ധി​ച്ച റി​പ്പോ​ർ​ട്ട് ന​ൽ​കി​യി​ട്ടി​ല്ല. ഇ​വ​ർ വി​ജ​യി​ക​ളു​ടെ റി​പ്പോ​ർ​ട്ട് ഉ​ട​ൻ സ​മ​ർ​പ്പി​ക്കു​മെ​ന്നാ​ണ് അ​റി​യു​ന്ന​ത്. റി​പ്പോ​ർ​ട്ട് ല​ഭി​ച്ചാ​ലു​ട​ൻ ബോ​ണ​സ് വി​ത​ര​ണം ആ​രം​ഭി​ക്കും.

മ​ത്സ​ര​ശേ​ഷം 48 മ​ണി​ക്കൂ​റി​നു​ള്ളി​ൽ വ​ള്ള​ങ്ങ​ൾ​ക്ക്​ ബോ​ണ​സ് ന​ൽ​കാ​നു​ള്ള ച​രി​ത്ര​പ​ര​മാ​യ നീ​ക്ക​മാ​ണ് സം​ഘാ​ട​ക​ർ ഇ​ത്ത​വ​ണ ന​ട​ത്തി​യ​ത്. ക​ഴി​ഞ്ഞ തി​ങ്ക​ളാ​ഴ്ച മു​ത​ൽ ബോ​ണ​സ് വി​ത​ര​ണം തു​ട​ങ്ങേ​ണ്ട​താ​യി​രു​ന്നു. എ​ല്ലാ​വ​രു​ടെ​യും മ​ത്സ​ര​ഫ​ലം പൂ​ർ​ണ​മാ​യി ല​ഭി​ച്ച​ശേ​ഷം മാ​ത്രം മ​തി ബോ​ണ​സ് വി​ത​ര​ണ​മെ​ന്നാ​ണ് ആ​ദ്യം തീ​രു​മാ​നി​ച്ചി​രു​ന്ന​ത്. എ​ന്നാ​ൽ പ​രാ​തി ഉ​യ​ർ​ന്ന​വ​രു​ടെ മാ​ത്രം ത​ട​ഞ്ഞു​വെ​ക്കാ​നാ​ണ്​ പീ​ന്നീ​ട് തീ​രു​മാ​നി​ച്ച​ത്.

‘ച​ട്ട​ലം​ഘ​നം’ ക​​ണ്ടെ​ത്താ​ൻ പ​രി​ശോ​ധ​ന

ര​ണ്ട്​ മു​ത​ൽ നാ​ലു​വ​രെ സ്ഥാ​ന​ങ്ങ​ളി​ലെ​ത്തി​യ വ​ള്ള​ങ്ങ​ൾ ച​ട്ട​ലം​ഘ​നം ന​ട​ത്തി​​യോ​യെ​ന്നാ​ണ്​ പ്ര​ധാ​ന​മാ​യും ജൂ​റി​ ഓ​ഫ്​ അ​പ്പീ​ൽ ക​മ്മി​റ്റി പ​രി​ശോ​ധി​ക്കു​ന്ന​ത്. ഇ​വ​ർ അ​യോ​ഗ്യ​രാ​യാ​ൽ പി​ന്നീ​ടു​ള്ള വ​ള്ള​ങ്ങ​ൾ​ക്ക്​ സ്ഥാ​ന​ക്ക​യ​റ്റം ന​ൽ​കും. നി​ല​വി​ൽ ചു​ണ്ട​ൻ​വി​ഭാ​ഗ​ത്തി​ൽ ഒ​ന്നാം​സ്ഥാ​നം മാ​ത്ര​മാ​ണ്​ പ്ര​ഖ്യാ​പി​ച്ചി​ട്ടു​ള്ള​ത്. വി​ല്ലേ​ജ്​ ​ബോ​ട്ട്​ ക്ല​ബ്​ കൈ​ന​ക​രി തു​ഴ​ഞ്ഞ വീ​യ​പു​രം ചു​ണ്ട​നാ​യി​രു​ന്നു വി​ജ​യി. നെ​ഹ്റു​ട്രോ​ഫി വ​ള്ളം​ക​ളി​യി​ൽ ആ​ദ്യ ഒ​മ്പ​ത്​ സ്ഥാ​ന​ത്ത് എ​ത്തു​ന്ന വ​ള്ള​ങ്ങ​ൾ​ക്കാ​ണ് ചാ​മ്പ്യ​ൻ​സ്​ ബോ​ട്ട് ലീ​ഗ് (സി.​ബി.​എ​ൽ) യോ​ഗ്യ​ത ക​ണ​ക്കാ​ക്കു​ന്ന​ത്. ചു​ണ്ട​നു​ക​ളു​ടെ സ്ഥാ​നം മാ​റി മ​റി​ഞ്ഞാ​ൽ പ്ര​മു​ഖ ക്ല​ബ്ബു​ക​ൾ​ക്കു​പോ​ലും സി.​ബി.​എ​ല്ലി​ൽ പ​​​ങ്കെ​ടു​ക്കാ​ൻ ക​ഴി​യു​മോ​യെ​ന്ന ആ​ശ​ങ്ക​യു​ണ്ട്.

ടി​ക്ക​റ്റ്​ വി​ൽ​പ​ന ഒ​രു​കോ​ടി ക​ട​ക്കും?

ഇ​ത്ത​വ​ണ വ​ള്ളം​ക​ളി​യു​ടെ ഓ​ൺ​ലൈ​ൻ ടി​ക്ക​റ്റ് വി​ൽ​പ​ന കു​തി​ച്ചു​യ​ർ​ന്നു. മൂ​ന്ന് സ്വ​കാ​ര്യ​ബാ​ങ്കു​ക​ൾ വ​ഴി 18.86 ല​ക്ഷം രൂ​പ​യു​ടെ വി​ൽ​പ​ന​യാ​ണ് ഓ​ൺ​ലൈ​നി​ലൂ​ടെ മാ​ത്രം നേ​ടി​യ​ത്. നേ​രി​ട്ടു​ള്ള ടി​ക്ക​റ്റ് വി​ൽ​പ​ന​യി​ലും ഇ​ത്ത​വ​ണ വ​ലി​യ വ​ർ​ധ​ന​യു​ണ്ടാ​കു​മെ​ന്നാ​ണ്​ ക​ണ​ക്കാ​ക്കു​ന്ന​ത്. വി​വി​ധ ജി​ല്ല​ക​ളി​ൽ​നി​ന്ന​ട​ക്കം വി​റ്റ​ഴി​ച്ച ടി​ക്ക​റ്റു​ക​ളു​ടെ ക​ണ​ക്ക് അ​ധി​കൃ​ത​ർ സ​മാ​ഹ​രി​ക്കു​ന്ന​തേ​യു​ള്ളു. നേ​രി​ട്ടും ഓ​ൺ​ലൈ​നി​ലു​ടെ​യും ഒ​രു​കോ​ടി​യു​ടെ ടി​ക്ക​റ്റ് വി​ൽ​പ​ന ന​ട​ന്നി​ട്ടു​ണ്ടെ​ന്നാ​ണ്​ എ​ൻ.​ടി.​ബി.​ആ​ർ പ്ര​തീ​ക്ഷ.

വ​യ​നാ​ട്​ ദു​ര​ന്ത​പ​ശ്ചാ​ത്ത​ല​ത്തി​ന്​ പി​ന്നാ​ലെ മാ​റ്റി​വെ​ച്ച ക​ഴി​ഞ്ഞ​വ​ർ​ഷ​ത്തെ വ​ള്ളം​ക​ളി​ക്ക്​ 76 ല​ക്ഷം രൂ​പ​യാ​ണ്​ ടി​ക്ക​റ്റ് വി​ൽ​പ​ന​യി​ലു​ടെ മാ​ത്രം ല​ഭി​ച്ച​ത്. ഇ​ക്കു​റി മി​ക​ച്ച​രീ​തി​യി​ലാ​ണ്​ സ്​​പോ​ൺ​സ​ർ​ഷി​പ്പ്​ ല​ഭി​ച്ച​ത്. പ​ര​സ്യ​യി​ന​ത്തി​ൽ നി​ന്ന്​ മാ​ത്രം ര​ണ്ട​ര​ക്കോ​ടി​യോ​ളം രൂ​പ​യാ​ണ്​ കി​ട്ടി​യ​ത്. ടി​ക്ക​റ്റ് വി​ൽ​പ​ന​യും സം​സ്ഥാ​ന​സ​ർ​ക്കാ​രി​ന്‍റെ ഒ​രു​കോ​ടി​രൂ​പ ഗ്രാ​ന്റും കേ​ന്ദ്ര​വി​നോ​ദ സ​ഞ്ചാ​ര മ​ന്ത്രാ​ല​യ​ത്തി​ൽ​നി​ന്നു​ള്ള 50 ല​ക്ഷം രൂ​പ​യും കൂ​ടി​യാ​കു​മ്പോ​ൾ ആ​കെ വ​രു​മാ​നം അ​ഞ്ചു​കോ​ടി ക​ട​ക്കു​മെ​ന്നാ​ണ്​ പ്ര​തീ​ക്ഷ. 3.78 കോ​ടി വ​രു​മാ​ന​വും ചെ​ല​വു​മാ​ണ്​ ബ​ജ​റ്റി​ൽ പ്ര​തീ​ക്ഷി​ച്ചി​രു​ന്ന​ത്. അ​ധി​ക​മാ​യി ല​ഭി​ച്ച തു​ക എ​ങ്ങ​നെ വി​നി​യോ​ഗി​ക്കു​മെ​ന്ന​ത​ട​ക്ക​മു​ള്ള കാ​ര്യ​ങ്ങ​ളി​ലും ച​ർ​ച്ച​യും ന​ട​ക്കു​ന്നു​ണ്ട്.