വയോധികന്‍റെ കൊലപാതകം:31 വർഷത്തിനുശേഷം പ്രതി പിടിയിൽ

ചെ​ങ്ങ​ന്നൂ​ർ: കൊ​ല​പാ​ത​ക​ത്തി​നു​ശേ​ഷം മു​ങ്ങി​യ പ്ര​തി 31വ​ർ​ഷ​ത്തി​നു​ശേ​ഷം പി​ട​യി​ൽ. ചെ​റി​യ​നാ​ട് അ​രി​യ​ന്നൂ​ർ​ശ്ശേ​രി കു​ട്ട​പ്പ പ​ണി​ക്ക​രെ (71) കൊ​ല​പ്പെ​ടു​ത്തി​യ കേ​സി​ൽ 31വ​ർ​ഷ​മാ​യി പി​ടി​കി​ട്ടാ​പ്പു​ള്ളി​യാ​യി​രു​ന്ന ചെ​റി​യ​നാ​ട് അ​രി​യ​ന്നൂ​ർ​ശേ​രി കു​റ്റി​യി​ൽ പ​ടീ​റ്റ​തി​ൽ ജ​യ​പ്ര​കാ​ശി​നെ​യാ​ണ്​ (57) ചെ​ങ്ങ​ന്നൂ​ർ പൊ​ലീ​സ് പി​ടി​കൂ​ടി​യ​ത്.

ഇ​തോ​ടെ 28 വ​ർ​ഷ​മാ​യി മു​ട​ങ്ങി​യ കേ​സ്​ വി​സ്താ​രം പു​ന​രാ​രം​ഭി​ക്കും. 1994 ന​വം​ബ​ർ 19 ന് ​ര​ജി​സ്റ്റ​ർ ചെ​യ്ത കേ​സി​ൽ പ്ര​തി ഇ​പ്പോ​ൾ താ​മ​സി​ക്കു​ന്ന ചെ​ന്നി​ത്ത​ല ഒ​രി​പ്രം ഇ​ന്ദീ​വ​ര​ത്തി​നു സ​മീ​പ​ത്തു നി​ന്നാ​ണ് അ​റ​സ്റ്റ് ചെ​യ്ത​ത്.

1994 ന​വം​ബ​ർ 15ന്​ ​രാ​ത്രി 7.15ന്​ ​വീ​ടി​നു സ​മീ​പ​ത്തെ ക​നാ​ൽ റോ​ഡി​ലി​ട്ടാ​ണ് കു​ട്ട​പ്പ പ​ണി​ക്ക​രെ ​ ക്രൂരമായി മർദിച്ചത്​. ഗു​രു​ത​രാ​വ​സ്ഥ​യി​ൽ കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ ഡി​സം​ബ​ർ നാ​ലി​ന്​ മ​രി​ച്ചു. ഇ​തി​നു ശേ​ഷം മും​ബൈ​യി​ലേ​ക്കും മ​ര​ണം സ്ഥി​രീ​ക​രി​ച്ച ശേ​ഷം സൗ​ദി​യി​ലെ ജോ​ലി സ്ഥ​ല​ത്തേ​ക്കും പ്ര​തി ക​ട​ന്നു ക​ള​ഞ്ഞു.

അ​ന്വേ​ഷ​ണം വ​ഴി​മു​ട്ടി​യി​രി​ക്കെ 97 ഏ​പ്രി​ൽ 30ന്​ ​ചെ​ങ്ങ​ന്നൂ​ർ ജു​ഡീ​ഷ്യ​ൽ ഒ​ന്നാം ക്ലാ​സ് മ​ജി​സ്ട്രേ​റ്റ്​ കോ​ട​തി​യി​ൽ കു​റ്റ​പ​ത്രം ഹാ​ജ​രാ​ക്കു​ക​യാ​യി​രു​ന്നു. നി​ര​വ​ധി ത​വ​ണ അ​റ​സ്റ്റ്​ വാ​റ​ന്‍റ്​ പു​റ​പ്പെ​ടു​വി​ച്ചെ​ങ്കി​ലും പ്ര​യോ​ജ​ന​മു​ണ്ടാ​യി​ല്ല. ജി​ല്ല പൊ​ലീ​സ് മേ​ധാ​വി​യു​ടെ നി​ർ​ദ്ദേ​ശ​പ്ര​കാ​രം ചെ​ങ്ങ​ന്നൂ​ർ ഡി.​വൈ.​എ​സ്.​പി. എം.​കെ. ബി​നു​കു​മാ​റി​ന്റെ മേ​ൽ​നോ​ട്ട​ത്തി​ൽ പ്ര​ത്യേ​ക​സം​ഘം അ​ന്വേ​ഷ​ണം ന​ട​ത്തി​വ​രു​ക​യാ​യി​രു​ന്നു. കൊ​ല​പാ​ത​ക​ത്തി​നു​ശേ​ഷം പ്ര​തി​യു​ടെ സ​ഹോ​ദ​രി​യും സ​ഹോ​ദ​ര​നും വീ​ടും വ​സ്തു വ​ക​ക​ളും വി​റ്റ് വി​വി​ധ സ്ഥ​ല​ങ്ങ​ളി​ലേ​ക്ക് മാ​റി​പ്പോ​യി​രു​ന്നു.

ജയ​്പ്രകാശിന്‍റെ നി​ല​വി​ലെ വി​ലാ​സ​വും വീ​ടും ക​ണ്ടെ​ത്തി​യ ശേ​ഷം ഗ​ൾ​ഫി​ൽ നി​ന്നും അ​വ​ധി​ക്കു വ​ന്ന​ സമയത്താണ്​ പി​ടി​കൂ​ടി​യ​ത്. കോ​ട​തി​യി​ൽ ഹാ​ജ​രാ​ക്കി റി​മാൻഡ്​ ചെ​യ്തു. ജി​ല്ലാ പൊ​ലീ​സ് മേ​ധാ​വി മോ​ഹ​ന​ച​ന്ദ്ര​ൻ നേ​രി​ട്ട് ചെ​ങ്ങ​ന്നൂ​രി​ലെ​ത്തി അ​ന്വേ​ഷ​ണ​സം​ഘ​ത്തെ അ​ഭി​ന​ന്ദി​ച്ചു.