ചവിട്ടിക്കൊല: യുവാവിന്​ ജീവപര്യന്തം കഠിനതടവും പിഴയും

ആ​ല​പ്പു​ഴ: യു​വാ​വി​നെ റോ​ഡി​ലി​ട്ട് ച​വി​ട്ടി​ക്കൊ​ല​പ്പെ​ടു​ത്തി​യ കേ​സി​ൽ പ്ര​തി​ക്ക് ജീ​വ​പ​ര്യ​ന്തം ക​ഠി​ന​ത​ട​വും പി​ഴ​യും. പു​ന്ന​പ്ര പ​ഞ്ചാ​യ​ത്ത് ര​ണ്ടാം വാ​ർ​ഡി​ൽ പ​ള്ളി വീ​ട്ടി​ൽ സു​രാ​ജി​നെ​യാ​ണ്​ (ശ​ര​ത് പ്ര​സാ​ദ് -34) ആ​ല​പ്പു​ഴ അ​ഡീ​ഷ​ന​ൽ സെ​ഷ​ൻ​സ് ജ​ഡ്ജി എ​സ്. ഭാ​ര​തി ജീ​വ​പ​ര്യ​ന്തം ക​ഠി​ന​ത​ട​വി​നും ഒ​രു ല​ക്ഷം രൂ​പ പി​ഴ ന​ൽ​കാ​നും ശി​ക്ഷി​ച്ച​ത്. 2020 ഒ​ക്ടോ​ബ​ർ 24 നാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം.

വാ​ട​ക​യ്ക്ക​ൽ തൈ​വേ​ളി​യി​ൽ വീ​ട്ടി​ൽ പ്ര​ഭാ​ഷാ​ണ്​ (42) കൊ​ല്ല​പ്പെ​ട്ട​ത്. ദൃ​ക്സാ​ക്ഷി​ക​ളി​ൽ ഭൂ​രി​ഭാ​ഗ​വും കൂ​റു​മാ​റി​യ കേ​സി​ൽ മ​ര​ണ​പ്പെ​ട്ട പ്ര​ഭാ​ഷി​ന്റെ സു​ഹൃ​ത്ത് സ​ജി മു​കു​ന്ദ​ന്റെ മൊ​ഴി​യും ശാ​സ്ത്രീ​യ തെ​ളി​വു​ക​ളു​മാ​ണ് കേ​സി​ന് നി​ർ​ണാ​യ​ക​മാ​യ​ത്. പു​ന്ന​പ്ര പൊ​ലീ​സ് ഇ​ൻ​സ്പെ​ക്ട​റാ​യി​രു​ന്ന എം. ​യ​ഹി​യാ​യി​രു​ന്നു അ​ന്വ​ഷ​ണ ഉ​ദ്യോ​ഗ​സ്ഥ​ൻ. പ്രോ​സി​ക്യൂ​ഷ​നു​വേ​ണ്ടി അ​ഡീ​ഷ​ന​ൽ പ​ബ്ലി​ക് പ്രോ​സി​ക്യൂ​ട്ട​ർ എ​സ്.​എ. ശ്രീ​മോ​ൻ, അ​ഡ്വ. ദീ​പ്തി, അ​ഡ്വ. നാ​രാ​യ​ൺ ജി.​അ​ശോ​ക് എ​ന്നി​വ​ർ ഹാ​ജ​രാ​യി. സ​ബ്ഇ​ൻ​സ്പെ​ക്ട​ർ ടി. ​രാ​ജേ​ഷ്, സി.​പി.​ഒ അ​നി​ൽ​കു​മാ​ർ എ​ന്നി​വ​ർ പ്രോ​സി​ക്യൂ​ഷ​ൻ പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ച്ചു.