അവസാനമായി കാണാൻ അമ്മയെത്തി; ഓമനപ്പുഴയുടെ ഓമനകൾക്ക് യാത്രാമൊഴി

മാ​രാ​രി​ക്കു​ളം: ഓ​മ​ന​പ്പു​ഴ​യു​ടെ ഓ​മ​ന​ക​ൾ​ക്ക്​ ക​ണ്ണീ​രി​ൽ​ക്കു​തി​ർ​ന്ന യാ​ത്രാ​മൊ​ഴി. ക​ഴി​ഞ്ഞ വെ​ള്ളി​യാ​ഴ്ച വൈ​കീ​ട്ട്​ ഓ​മ​ന​പ്പു​ഴ ഓ​ടാ​പ്പൊ​ഴി​യി​ൽ വീ​ണ് മ​രി​ച്ച മാ​രാ​രി​ക്കു​ളം തെ​ക്ക് പ​ഞ്ചാ​യ​ത്ത് 15ാം വാ​ർ​ഡ് ഓ​മ​ന​പ്പു​ഴ നാ​ലു​തൈ​ക്ക​ൽ നെ​പ്പോ​ളി​യ​െൻറ മ​ക്ക​ളാ​യ അ​ഭി​ജി​ത്(11), അ​ന​ഘ (10) എ​ന്നി​വ​രു​ടെ സം​സ്കാ​രം ചൊ​വ്വാ​ഴ്ച രാ​വി​ലെ 11നാ​ണ്​ ന​ട​ന്ന​ത്.

കു​വൈ​ത്തി​ൽ ന​ഴ്സാ​യി​രു​ന്ന മാ​താ​വ് മേ​രി ഷൈ​ൻ നാ​ട്ടി​ലെ​ത്താ​ൻ വൈ​കി​യ​തി​നാ​ലാ​ണ് സം​സ്കാ​രം നീ​ണ്ട​ത്. സാ​ങ്കേ​തി​ക ത​ട​സ്സ​ങ്ങ​ൾ കാ​ര​ണം യാ​ത്ര വൈ​കി​യ​തോ​ടെ ഇ​ന്ത്യ​ൻ സ്ഥാ​ന​പ​തി മു​ഖാ​ന്ത​രം ന​ട​ത്തി​യ ഇ​ട​പെ​ട​ലു​ക​ളെ​ത്തു​ട​ർ​ന്ന് ചൊ​വ്വാ​ഴ്ച പു​ല​ർ​ച്ച​യാ​ണ്​ മേ​രി ഷൈ​ൻ നെ​ടു​മ്പാ​ശ്ശേ​രി​യി​ൽ എ​ത്തി​യ​ത്. ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പോ​സ്​​റ്റ്​​മോ​ർ​ട്ട​ത്തി​നു​ശേ​ഷം അ​ർ​ത്തു​ങ്ക​ലി​ലെ സ്വ​കാ​ര്യ ആ​ശു​പ​ത്രി​യി​ൽ സൂ​ക്ഷി​ച്ചി​രു​ന്ന മൃ​ത​ദേ​ഹം രാ​വി​ലെ ഏ​ഴ​ര​യോ​ടെ കു​ട്ടി​ക​ൾ പ​ഠി​ച്ചി​രു​ന്ന ചെ​ട്ടി​കാ​ട് ഗ​വ.​സ്കൂ​ളി​ൽ എ​ത്തി​ച്ചു. അ​ധ്യാ​പ​ക​രും സ​ഹ​പാ​ഠി​ക​ളും അ​ന്തി​മോ​പ​ചാ​രം അ​ർ​പ്പി​ച്ചു. തു​ട​ർ​ന്നാ​ണ് വീ​ട്ടി​ൽ പൊ​തു​ദ​ർ​ശ​ന​ത്തി​ന​ു​െ​വ​ച്ച​ത്. കു​ഞ്ഞു​ങ്ങ​ളു​ടെ ചേ​ത​ന​യ​റ്റ ശ​രീ​രം വീ​ട്ടി​ലേ​ക്ക് കൊ​ണ്ടു​വ​രു​മ്പോ​ൾ അ​ല​റി​ക്ക​ര​ഞ്ഞ മേ​രി ഷൈ​നി​നും പി​താ​വ് നെ​പ്പോ​ളി​യ​നു​മൊ​പ്പം നാ​ട്ടു​കാ​രും വി​ങ്ങി​പ്പൊ​ട്ടി. മ​രി​ച്ച കു​ട്ടി​ക​ളു​ടെ മൂ​ത്ത സ​ഹോ​ദ​ര​ൻ അ​ജി​ത്തി​നെ ബ​ന്ധു​ക്ക​ൾ ചേ​ർ​ന്ന് താ​ങ്ങി​യെ​ടു​ത്തു.

ഓ​മ​ന​പ്പു​ഴ സെൻറ്​ ഫ്രാ​ൻ​സി​സ് സേ​വ്യ​ർ പ​ള്ളി വി​കാ​രി ഫാ.​യേ​ശു​ദാ​സ് കൊ​ടി​വീ​ട്ടി​ൽ സം​സ്കാ​ര ശു​ശ്രൂ​ഷ​ക​ൾ ന​ട​ത്തി. തു​ട​ർ​ന്ന് പ​ള്ളി​യി​ലേ​ക്ക് കൊ​ണ്ടു​പോ​യി. ആ​ല​പ്പു​ഴ രൂ​പ​താ​ധ്യ​ക്ഷ​ൻ ഡോ.​ജ​യിം​സ് ആ​നാ​പ​റ​മ്പി​ൽ പ​ള്ളി​യി​ലെ ച​ട​ങ്ങു​ക​ൾ​ക്ക് മു​ഖ്യ​കാ​ർ​മി​ക​ത്വം വ​ഹി​ച്ചു. എ.​എം. ആ​രി​ഫ് എം.​പി, പി.​പി. ചി​ത്ത​ര​ഞ്ജ​ൻ എം.​എ​ൽ.​എ, പ​ഞ്ചാ​യ​ത്ത് പ്ര​സി​ഡ​ൻ​റ്​ പി.​പി. സം​ഗീ​ത, എം.​എ. ബേ​ബി, എ.​എ. ഷു​ക്കൂ​ർ, ബി.​ബൈ​ജു തു​ട​ങ്ങി​യ​വ​രും വീ​ട്ടി​ലെ​ത്തി.