സുഹൃത്തിന്‍റെ തലയിൽ ചുറ്റികവെച്ചടിച്ച്​ പരിക്കേൽപ്പിച്ച സംഭവം; രണ്ടു പേർ അറസ്റ്റിൽ

മാവേലിക്കര: വാക്കുതർക്കത്തിനിടയിൽ സുഹൃത്തിനെ ചുറ്റികവെച്ചടിച്ച്​ പരിക്കേൽപ്പിച്ച സംഭവത്തിൽ രണ്ടു പേർ അറസ്റ്റിൽ. മാവേലിക്കര വെട്ടിയാർ അരനൂറ്റിമംഗലം മാധവം വീട്ടിൽ കൊപ്പാറ ബിജു എന്ന ബിജു(40), ചെങ്ങന്നൂർ ചെറിയനാട് ചെറുവല്ലൂർ തൊണ്ടലിൽ തെക്കെതിൽ വീട്ടിൽ അഷറഫ് (31) എന്നിവരെയാണ് മാന്നാർ പൊലീസ്​ അറസ്റ്റ്​ ചെയ്തത്.

16 ന് രാത്രി 10.30 ഓടെ ചെന്നിത്തല ചെറുകോൽ കുറ്റിയാറ കിഴക്കെതിൽ വീട്ടിൽ ജിജോ ജോർജിനെ മർദ്ദിച്ചു ഗുരുതര പരിക്കേൽപിച്ച സംഭവത്തിലാണ്​ ഇരുവരും അറസ്റ്റിലായത്​.

ഇൻസ്പെക്ടർ എസ്.എച്ച്.ഒ. ജി. സുരേഷ് കുമാറിന്‍റെ നേതൃത്വത്തിൽ എസ്.ഐ.ൃസുനുമോൻ, സി.പി.ഒ മാരായ വിഷ്ണുപ്രസാദ്, സിദ്ദിഖുൽ അക്ബർ, അരുൺ എന്നിവർ ചേർന്നാണ് പ്രതികളെ അറസ്റ്റ്​ ചെയ്തത്. കോടതിയിൽ ഹാജരാക്കിയ പ്രതികളെ ആലപ്പുഴ ജില്ലാ ജയിലിലേക്ക് റിമാൻഡ് ചെയ്തു.