പാലമേൽ മറ്റപ്പള്ളി മല; മണ്ണെടുപ്പ് നിർത്തിവെക്കാൻ സർവകക്ഷി യോഗ തീരുമാനം

മാ​വേ​ലി​ക്ക​ര: പാ​ല​മേ​ല്‍ ഗ്രാ​മ​പ​ഞ്ചാ​യ​ത്തി​ലെ മ​ല​യി​ടി​ച്ചു​ള്ള മ​ണ്ണെ​ടു​പ്പ് നി​ര്‍ത്തി​വെ​ക്കാ​ൻ മ​ന്ത്രി പി.​പ്ര​സാ​ദി​ന്റെ അ​ധ്യ​ക്ഷ​ത​യി​ല്‍ ചേ​ര്‍ന്ന സ​ര്‍വ​ക​ക്ഷി യോ​ഗ​ത്തി​ല്‍ തീ​രു​മാ​നം. കൊ​ടി​ക്കു​ന്നി​ല്‍ സു​രേ​ഷ് എം.​പി, എം.​എ​സ്.​അ​രു​ണ്‍കു​മാ​ര്‍ എം.​എ​ല്‍.​എ, ജി​ല്ല ക​ല​ക്ട​ര്‍ ജോ​ണ്‍.​വി.​സ​ണ്ണി, ജി​ല്ല പൊ​ലീ​സ് മേ​ധാ​വി ചൈ​ത്രാ തെ​രേ​സാ ജോ​ണ്‍ എ​ന്നി​വ​രു​ടെ സാ​ന്നി​ധ്യ​ത്തി​ലാ​ണ് വ്യാ​ഴാ​ഴ്ച വൈ​കി​ട്ട് മാ​വേ​ലി​ക്ക​ര പൊ​തു​മ​രാ​മ​ത്ത് റ​സ്റ്റ്ഹൗ​സി​ല്‍ യോ​ഗം ചേ​ര്‍ന്ന​ത്.

മ​ണ്ണെ​ടു​ക്കു​ന്ന​തു​മാ​യി ബ​ന്ധ​പ്പെ​ട്ട് പാ​ലി​ക്കേ​ണ്ട നി​ബ​ന്ധ​ന​ക​ൾ പാ​ലി​ച്ച​താ​യി ജി​യോ​ള​ജി ഉ​ദ്യോ​ഗ​സ്ഥ​ര്‍ക്ക് ബോ​ധ്യ​പ്പെ​ടു​ത്താ​ന്‍ ക​ഴി​ഞ്ഞി​ല്ല. ഇ​ത് ക​ണ​ക്കി​ലെ​ടു​ത്താ​ണ് മ​ണ്ണെ​ടു​പ്പ് നി​ര്‍ത്തി വെ​ക്കാ​നു​ള്ള തീ​രു​മാ​നം. മ​ണ്ണെ​ടു​പ്പി​ന് അ​നു​മ​തി ന​ല്‍കി​യ കാ​ര്യ​ങ്ങ​ള്‍ പ​രി​ശോ​ധി​ക്കു​ന്ന​തി​നാ​യി ജി​ല്ല ക​ല​ക്ട​റെ പ്ര​ത്യേ​കം ചു​മ​ത​ല​പ്പെ​ടു​ത്തി.

പ​രി​ശോ​ധ​ന​ക്ക് ശേ​ഷം ബ​ന്ധ​പ്പെ​ട്ട റി​പ്പോ​ര്‍ട്ടു​ക​ള്‍ സ​ര്‍ക്കാ​രി​നെ​യും ഹൈ​ക്കോ​ട​തി​യെ​യും അ​റി​യി​ക്കാ​നും ജി​ല്ല ക​ല​ക്ട​റെ ചു​മ​ത​ല​പ്പെ​ടു​ത്തി. പ​രി​ശോ​ധ​ന ന​ട​പ​ടി​ക​ള്‍ പൂ​ര്‍ത്തീ​ക​രി​ച്ച് തീ​രു​മാ​നം ഉ​ണ്ടാ​കും വ​രെ പ്ര​ദേ​ശ​ത്ത് യാ​തൊ​രു ത​ര​ത്തി​ലു​ള്ള മ​ണ്ണെ​ടു​പ്പും ഉ​ണ്ടാ​കാ​ൻ പാ​ടി​ല്ലെ​ന്ന് മ​ന്ത്രി പ​റ​ഞ്ഞു.

യോ​ഗ​ത്തി​ലെ തീ​രു​മാ​ന​ങ്ങ​ൾ:

1. പ​രി​സ്ഥി​തി ദു​ര്‍ബ​ല പ്ര​ദേ​ശ​മാ​ണെ​ന്ന​ത്​ മൈ​നി​ങ് ആ​ന്‍ഡ് ജി​യോ​ള​ജി വ​കു​പ്പ് പ​രി​ഗ​ണി​ക്ക​ണം. മ​ണ്ണ് ഖ​ന​ന​ത്തി​നാ​യി വ​രു​ന്ന അ​പേ​ക്ഷ​ക​ള്‍ സെ​സ്​ പ​ഠ​ന റി​പ്പോ​ട്ടി​ന്റെ അ​ടി​സ്ഥാ​ന​ത്തി​ല്‍ മാ​ത്ര​മേ പ​രി​ഗ​ണി​ക്കാ​ന്‍ പാ​ടു​ള്ളൂ.

2. ദേ​ശീ​യ​പാ​ത​ക്ക് ആ​വ​ശ്യ​മാ​യ മ​ണ്ണെ​ടു​ക്കു​ന്ന​തി​ന് പാ​രി​സ്ഥി​തി​ക പ്ര​ശ്‌​ന​ങ്ങ​ള്‍ ഇ​ല്ലാ​ത്ത മ​റ്റി​ട​ങ്ങ​ള്‍ ജ​ന​പ്ര​തി​നി​ധി​ക​ളും മ​റ്റും തെ​ര​ഞ്ഞെ​ടു​ക്ക​ണം.

3. മ​ണ്ണെ​ടു​പ്പ് വി​ഷ​യം കോ​ട​തി​യു​ടെ പ​രി​ഗ​ണ​ന​യി​ലു​ള്ള​തി​നാ​ല്‍ പ​രി​ശോ​ധ​ന റി​പ്പോ​ര്‍ട്ടു​ക​ള്‍ കോ​ട​തി​യെ​യും അ​റി​യി​ക്കും.

4. സ​മ​ര​ത്തി​നി​ടെ പൊ​ലീ​സ് ന​ട​ത്തി​യ അ​തി​ക്ര​മ​ത്തെ സം​ബ​ന്ധി​ച്ച് റി​പ്പോ​ര്‍ട്ട് ന​ല്‍കാ​നും, ചി​ല പൊ​ലീ​സ് ഉ​ദ്യോ​ഗ​സ്ഥ​ര്‍ സ്ത്രീ​ക​ളോ​ട് ഉ​ള്‍പ്പെ​ടെ മോ​ശ​മാ​യി പെ​രു​മാ​റി​യെ​ന്ന പ​രാ​തി പ​രി​ശാ​ധി​ച്ച് ന​ട​പ​ടി സ്വീ​ക​രി​ക്കാ​നും ജി​ല്ല പൊ​ലീ​സ് മേ​ധാ​വി​യെ ചു​മ​ത​ല​പ്പെ​ടു​ത്തി. 5. സ​മ​ര​ക്കാ​രെ കേ​സു​ക​ളി​ല്‍ നി​ന്ന് ഒ​ഴി​വാ​ക്കു​ന്ന​തി​നെ കു​റി​ച്ച് പ​രി​ശോ​ധി​ക്ക​ണം. വി​ഷ​യ​ങ്ങ​ള്‍ മു​ഖ്യ​മ​ന്ത്രി​യെും മ​റ്റു ബ​ന്ധ​പ്പെ​ട്ട വ​കു​പ്പു​ക​ളെ​യും അ​റി​യി​ക്കും.

യോ​ഗ​ത്തി​ല്‍ ജ​ന​പ്ര​തി​നി​ധി​ക​ളും സ​മ​ര​സ​മി​തി നേ​താ​ക്ക​ളും ഉ​ദ്യോ​ഗ​സ്ഥ​രും പ​ങ്കെ​ടു​ത്തു. ദേ​ശീ​യ​ത​ല​ത്തി​ല്‍ ത​ന്നെ ശ്ര​ദ്ധി​ക്ക​പ്പെ​ട്ട പ്ര​ക്ഷോ​ഭ​മാ​ണ് പാ​ല​മേ​ലി​ല്‍ ന​ട​ന്ന​ത​ന്ന് കൊ​ടി​ക്കു​ന്നി​ല്‍ സു​രേ​ഷ് എം.​പി യോ​ഗ​ത്തി​ല്‍ പ​റ​ഞ്ഞു. കൃ​ഷി മ​ന്ത്രി താ​മ​സി​ക്കു​ന്ന വീ​ടി​ന് തൊ​ട്ട​ടു​ത്താ​ണ് മ​ണ്ണെ​ടു​പ്പ് ന​ട​ന്ന​ത്. മ​ന്ത്രി​യോ​ട് പോ​ലും ആ​ലോ​ചി​ക്കാ​തെ​യു​ള്ള ന​ട​പ​ടി​യാ​ണ് ഉ​ദ്യോ​സ്ഥ​ര്‍ സ്വീ​ക​രി​ച്ച​തെ​ന്നും അ​ദ്ദേ​ഹം കു​റ്റ​പ്പെ​ടു​ത്തി.

ഒ​രു പ്ര​ദേ​ശ​ത്തെ ജ​ന​ങ്ങ​ള്‍ ഒ​ന്ന​ട​ങ്കം പ​ങ്കെ​ടു​ത്ത സ​മ​ര​മു​ഖ​ത്ത് ചി​ല പൊ​ലീ​സു​കാ​ര്‍ ഗു​ണ്ട​ക​ളെ പോ​ല​യൊ​ണ് പെ​രു​മാ​റി​യ​തെ​ന്നും ഇ​വ​ര്‍ക്കെ​തി​രെ ശ​ക്ത​മാ​യ ന​ട​പ​ടി ഉ​ണ്ടാ​ക​ണ​മെ​ന്നും എം.​എ​ല്‍.​എ എം.എസ്​. അരുൺ കുമാർ പ​റ​ഞ്ഞു.

പാ​ല​മേ​ല്‍ പ​ഞ്ചാ​യ​ത്ത് പ്ര​ദേ​ശ​ത്തി​ന് മു​ക​ളി​ല്‍ മ​ണ്ണു​മാ​ഫി​യ വ​ട്ട​മി​ട്ട് പ​റ​ക്കു​ക​യാ​ണെ​ന്നും ചി​ല​രു​ടെ കീ​ശ വീ​ര്‍പ്പി​ക്കാ​ന്‍ ഒ​രു ഒ​രു ഗ്രാ​മ​ത്തെ ത​ന്നെ ഇ​ല്ലാ​താ​ക്കാ​നാ​ണ് ശ്ര​മ​മെ​ന്നും ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് ബി.​വി​നോ​ദ് പ​റ​ഞ്ഞു.

സം​യു​ക്ത സ​മ​ര സ​മി​തി ചെ​യ​ര്‍മാ​ന്‍ മ​നോ​ജ്.​സി.​ശേ​ഖ​ര്‍, ക​ണ്‍വീ​ന​ര്‍ എ.​നൗ​ഷാ​ദ്, മു​ന്‍ എം.​എ​ല്‍.​എ ആ​ര്‍.​രാ​ജേ​ഷ്, ഭ​ര​ണി​ക്കാ​വ് ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് എ​സ്.​ര​ജ​നി, സി.​പി.​എം ഏ​രി​യ സെ​ക്ര​ട്ട​റി ബി.​ബി​നു, സി.​പി.​ഐ മ​ണ്ഡ​ലം സെ​ക്ര​ട്ട​റി എം.​മു​ഹ​മ്മ​ദാ​ലി, കോ​ണ്‍ഗ്ര​സ് ബ്ലോ​ക്ക് പ്ര​സി​ഡ​ന്റ് ജി.​ഹ​രി​പ്ര​കാ​ശ്, ബി.​ജെ.​പി മ​ണ്ഡ​ലം സെ​ക്ര​ട്ട​റി പ്ര​കാ​ശ​ൻ പ​ള്ളി​ക്ക​ല്‍, സ​മ​ര സ​മി​തി നേ​താ​ക്ക​ളാ​യ എ​സ്.​സ​ജി, വേ​ണു കാ​വേ​രി, പ​ള്ളി​ക്ക​ല്‍ സു​രേ​ന്ദ്ര​ന്‍, പ്ര​ഭ.​വി മ​റ്റ​പ്പ​ള്ളി, എ​ന്‍.​സു​ബൈ​ര്‍, ഷാ​ന​വാ​സ് ക​ണ്ണ​ങ്ക​ര, നൗ​ഷാ​ദ്.​എ.​അ​സീ​സ്, ഷി​ബു​ജോ​ര്‍ജ്, ഷെ​റ​ഫു​ദ്ദീ​ൻ മോ​നാ​യി തു​ട​ങ്ങി​യ​വ​ര്‍ സം​സാ​രി​ച്ചു.

മന്ത്രിയുടെ സന്ദർശനത്തിനിടെ വൈകാരിക രംഗങ്ങൾ

ചാ​രും​മൂ​ട് : മ​ല​ക​ളി​ടി​ച്ചു മ​ണ്ണെ​ടു​ക്കു​ന്ന പാ​ല​മേ​ൽ മ​റ്റ​പ്പ​ള്ളി മ​ല നാ​ട്ടു​കാ​ര​ൻ കൂ​ടി​യാ​യ മ​ന്ത്രി പി.​പ്ര​സാ​ദ് വി​വി​ധ വ​കു​പ്പ് ഉ​ദ്യോ​ഗ​സ്ഥ​രും സ​ന്ദ​ർ​ശി​ച്ചു. വി​ഷ​യ​വു​മാ​യി ബ​ന്ധ​പ്പെ​ട്ട് മ​ന്ത്രി വി​ളി​ച്ചു ചേ​ർ​ത്ത സ​ർ​വ​ക​ക്ഷി​യോ​ഗ​ത്തി​ന് മു​മ്പായി​രു​ന്നു സ​ന്ദ​ർ​ശ​നം. സ്ഥ​ല​ത്തെ​ത്തി​യ​പ്പോ​ൾ വൈ​കാ​രി​ക രം​ഗ​ങ്ങ​ളാ​ണ് ഉ​ണ്ടാ​യ​ത്. മ​ന്ത്രി​യെ അ​ടു​ത്ത​റി​യു​ന്ന വയോധിക മ​ന്ത്രി​യെ കെ​ട്ടി​പ്പി​ടി​ച്ച് പാ​തി​രാ​ത്രി വ​ന്ന് ന​മ്മു​ടെ മ​ല​തു​ര​ന്നെ​ടു​ത്ത​ല്ലോ മോ​നേ​യെ​ന്ന് ക​ണ്ണീ​രോ​ടെ പ​റ​ഞ്ഞ​ത് മ​ന്ത്രി​യു​ടെ ക​ണ്ണു​ക​ളും ന​ന​യി​ച്ചു.

സ്ത്രീ​ക​ള​ട​ക്കം പ്ര​ദേ​ശ​വാ​സി​ക​ൾ വേ​ദ​ന​യോ​ടെ​യാ​ണ് പൊ​ലീ​സ് അ​തി​ക്ര​മ​ത്തെ കു​റി​ച്ച് വി​ശ​ദീ​ക​രി​ച്ച​ത്. മ​ന്ത്രി​യു​ടെ വീ​ടി​ന് 200 മീ​റ്റ​ർ മാ​ത്രം അ​ക​ലെ​യാ​ണ് മ​ണ്ണെ​ടു​പ്പ് ന​ട​ക്കു​ന്ന മ​റ്റ​പ്പ​ള്ളി മ​ല. കേ​ന്ദ്ര സ​ർ​ക്കാ​ർ സെ​സ് വി​ഭാ​ഗം ഉ​ദ്യോ​ഗ​സ്ഥ​രും മ​ന്ത്രി​യു​ടെ സ​ന്ദ​ർ​ശ​ന​ത്തി​ന്റെ ഭാ​ഗ​മാ​യി എ​ത്തി​യി​രു​ന്നു.