Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightAlappuzhachevron_rightMavelikkarachevron_rightമാ​വേ​ലി​ക്ക​ര...

മാ​വേ​ലി​ക്ക​ര കെ.എസ്​.ആർ.ടി.സി ഡി​പ്പോ, പ്രതാപം മാഞ്ഞു; ബസ്​ നിർത്തിയിടാൻ പോലും സ്ഥലമില്ല

text_fields
bookmark_border
Mavelikkara KSRTC Depot
cancel
camera_alt

മാ​വേ​ലി​ക്ക​ര കെ.​എ​സ്.​ആ​ർ.​ടി.​സി ബ​ഹു​നി​ല കെ​ട്ടി​ട​ത്തി​നാ​യി നി​ര്‍മാ​ണം ആ​രം​ഭി​ച്ച സ്ഥ​ല​ത്ത് പാ​ഴ്‌​ചെ​ടി​ക​ള്‍ വ​ള​ര്‍ന്നപ്പോ​ൾ

മാ​വേ​ലി​ക്ക​ര: ജി​ല്ല​യി​ലെ ഏ​റ്റ​വും പ്ര​ധാ​ന ബ​സ് സ്​​റ്റേ​ഷ​നാ​യ മാ​വേ​ലി​ക്ക​ര വി​ക​സ​ന കാ​ര്യ​ത്തി​ൽ ഇ​ന്നും പി​ന്നാ​ക്കാ​വ​സ്ഥ​യി​ലാ​ണ്. നേ​ര​ത്തേ മാ​വേ​ലി​ക്ക​ര ഡി​പ്പോ​യി​ൽ​നി​ന്ന്​ 35 ഷെ​ഡ്യൂ​ളു​ക​ൾ വ​രെ​യു​ണ്ടാ​യി​രു​ന്നു. നി​ല​വി​ൽ അ​ത്​ 26 ആ​യി ചു​രു​ങ്ങി. ഗ്രാ​മീ​ണ മേ​ഖ​ല​യി​ലേ​ക്കു​ള്ള സ​ർ​വി​സു​ക​ളാ​ണ് കൂ​ടു​ത​ലും നി​ർ​ത്ത​ലാ​ക്കി​യ​ത്. ഇ​തു​മൂ​ലം സാ​ധാ​ര​ണ​ക്കാ​രാ​ണ് ഏ​റെ ദു​രി​ത​ത്തി​ലാ​യ​ത്‌. കോ​വി​ഡ് നി​യ​ന്ത്ര​ണ​ങ്ങ​ൾ മാ​റി​യെ​ങ്കി​ലും ലാ​ഭ​ക​ര​മാ​യി​രു​ന്ന സ​ർ​വി​സു​ക​ൾ ആ​രം​ഭി​ക്കാ​ൻ അ​ധി​കൃ​ത​ർ ത​യാ​റാ​കു​ന്നി​ല്ല. ഡി​പ്പോ​യി​ലെ സാ​ഹ​ച​ര്യ​ങ്ങ​ൾ​ക്ക​നു​സ​രി​ച്ച് കോ​വി​ഡി​ന്​ മു​മ്പു​ണ്ടാ​യി​രു​ന്ന ഷെ​ഡ്യൂ​ളു​ക​ൾ പു​നഃ​സ്ഥാ​പി​ക്കാ​ൻ അ​ധി​കാ​രി​ക​ളി​ൽ​നി​ന്നും നി​ർ​ദേ​ശം ല​ഭി​ച്ചി​ട്ടും ന​ട​പ​ടി​യു​ണ്ടാ​യി​ല്ലെ​ന്ന് ആ​ക്ഷേ​പ​മു​ണ്ട്.

വ​ർ​ഷ​ങ്ങ​ൾ​ക്ക് മു​മ്പ് ബ​സ് സ്​​റ്റാ​ൻ​ഡി​ൽ നി​ർ​മാ​ണം തു​ട​ങ്ങി​യ കെ​ട്ടി​ടം ഇ​നി​യും പൂ​ർ​ത്തി​യാ​യി​ട്ടി​ല്ല. ഗാ​രേ​ജ് മാ​റ്റു​ന്ന​തി​നു​ള്ള നീ​ക്ക​വും ഷെ​ഡ്യൂ​ൾ വെ​ട്ടി​ക്കു​റ​ക്കു​ക​യും ബ​സു​ക​ൾ മ​റ്റ് സ​മീ​പ ബ​സ് സ്​​റ്റേ​ഷ​നു​ക​ളി​ലേ​ക്ക് മാ​റ്റി​യും സ്​​റ്റേ​ഷ​െൻറ പ്രാ​ധാ​ന്യം കു​റ​ച്ച്​ ക്ര​മേ​ണ പ്ര​വ​ർ​ത്ത​നം നി​ർ​ത്തി മ​റ്റ് സ്ഥ​ല​ങ്ങ​ളി​ൽ​നി​ന്ന് എ​ത്തു​ന്ന ബ​സു​ക​ൾ​ക്കു​ള്ള സ്​​റ്റോ​പ്പാ​യി മാ​വേ​ലി​ക്ക​ര​യെ ത​രം താ​ഴ്ത്താ​നു​ള്ള ശ്ര​മ​മാ​ണ് ന​ട​ക്കു​ന്ന​തെ​ന്ന്​​ ആ​രോ​പ​ണ​മു​ണ്ട്. ബ​സു​ക​ൾ നി​ർ​ത്തി​യി​ടാ​ൻ സ്ഥ​ല​മി​ല്ലെ​ന്നു​പ​റ​ഞ്ഞ് 10 ബ​സു​ക​ൾ മ​റ്റു ഡി​പ്പോ​ക​ളി​ലേ​ക്കു മാ​റ്റി​യി​രു​ന്നു.

മാ​വേ​ലി​ക്ക​ര ഡി​പ്പോ​യി​ൽ ഏ​റ്റ​വു​മ​ധി​കം വ​രു​മാ​നം ഉ​ണ്ടാ​യി​രു​ന്ന ചെ​യി​ൻ സ​ർ​വി​സു​ക​ൾ പൂ​ർ​ണ​മാ​യി പു​ന​രാ​രം​ഭി​ക്കാ​ത്ത​തും ഗ്രാ​മീ​ണ സ​ർ​വി​സു​ക​ൾ പൂ​ർ​ണ​മാ​യും നി​ർ​ത്ത​ലാ​ക്കി​യ​തും സ്​​റ്റേ​ഷ​െൻറ പ്ര​വ​ർ​ത്ത​ന​ങ്ങ​ളെ ബാ​ധി​ച്ചി​ട്ടു​ണ്ട്.

സ്ഥ​ല​മി​ല്ലാ​ത്ത​താ​ണ് പ്ര​ധാ​ന​പ്ര​ശ്നം. സ്​​റ്റാ​ൻ​ഡി​ൽ പെ​ട്രോ​ൾ പ​മ്പും വ്യാ​പാ​ര സ​മു​ച്ച​യ​വും വ​രു​ന്ന​തോ​ടെ ബ​സ് പാ​ർ​ക്ക് ചെ​യ്യാ​ൻ സ്ഥ​ലം ഇ​ല്ലാ​ത്ത സ്ഥി​തി​യു​ണ്ടാ​കും. ഇ​ത് സ്​​റ്റേ​ഷ​െൻറ പ്ര​വ​ർ​ത്ത​ന​ത്തെ സാ​ര​മാ​യി ബാ​ധി​ക്കും. മാ​വേ​ലി​ക്ക​ര റീ​ജ​ന​ൽ വ​ർ​ക്​​ഷോ​പ്പി​ലേ​ക്ക് സ്​​റ്റേ​ഷ​െൻറ പ്ര​വ​ർ​ത്ത​നം മാ​റ്റു​ക​യും നി​ല​വി​ൽ പ്ര​വ​ർ​ത്തി​ക്കു​ന്ന സ്ഥ​ല​ത്ത് ബ​സ്​​വേ നി​ർ​മി​ക്ക​ണ​മെ​ന്നും ആ​വ​ശ്യ​മു​യ​ർ​ന്നി​ട്ടു​ണ്ട്. റെ​യി​ൽ​വേ യാ​ത്ര​ക്കാ​ർ​ക്ക​ട​ക്കം ഇ​ത്​ പ്ര​യോ​ജ​ന​പ്ര​ദ​മാ​കു​െ​മ​ന്ന്​ അ​ഭി​പ്രാ​യ​പ്പെ​ട്ടു.

ചെ​യി​ൻ സ​ർ​വി​സു​ക​ളി​ല്ല; ​യാ​ത്രാ​ദു​രി​തം ഇ​ര​ട്ടി​യാ​യി

ഹ​രി​പ്പാ​ട്-​പ​ത്ത​നം​തി​ട്ട,കാ​യം​കു​ളം-​ച​ങ്ങ​നാ​ശ്ശേ​രി ചെ​യി​ൻ സ​ർ​വി​സു​ക​ളാ​ണ് പൂ​ർ​ണ​മാ​യും നി​ല​ച്ച​ത്. 15 വ​ർ​ഷം മു​മ്പ്​ ആ​രം​ഭി​ച്ച​താ​ണ്​ ഹ​രി​പ്പാ​ട്-​പ​ത്ത​നം​തി​ട്ട ചെ​യി​ൻ സ​ർ​വി​സ്. മാ​വേ​ലി​ക്ക​ര ഡി​പ്പോ​യി​ലെ നാ​ലെ​ണ്ണ​മ​ട​ക്കം എ​ട്ടു ബ​സു​ക​ളാ​ണ് ഈ ​സ​ർ​വി​സി​ന് ഉ​പ​യോ​ഗി​ച്ചി​രു​ന്ന​ത്. 11,000 രൂ​പ​വ​രെ വ​രു​മാ​ന​മു​ണ്ടാ​യി​രു​ന്നു. നി​ല​വി​ൽ ആ​റ് ബ​സു​ക​ൾ മാ​വേ​ലി​ക്ക​ര​യി​ൽ​നി​ന്നും ഭാ​ഗി​ക​മാ​യി സ​ർ​വി​സ് ന​ട​ത്തു​ന്നു​ണ്ടെ​ങ്കി​ലും പ​ല​പ്പോ​ഴും പ​ന്ത​ള​ത്ത് അ​വ​സാ​നി​പ്പി​ക്കും. കാ​യം​കു​ളം-​ച​ങ്ങ​നാ​ശ്ശേ​രി റൂ​ട്ടി​ൽ ചെ​യി​ൻ സ​ർ​വി​സ് കാ​ൽ നൂ​റ്റാ​ണ്ട്​ മു​മ്പാ​ണ് ആ​രം​ഭി​ച്ച​ത്.

മാ​വേ​ലി​ക്ക​ര ഡി​പ്പോ​യി​ൽ​നി​ന്നു​ള്ള എ​ട്ട് ഓ​ർ​ഡി​ന​റി ബ​സു​ക​ളാ​ണ് രാ​വി​ലെ അ​ഞ്ച​ര​ക്ക് തു​ട​ങ്ങി രാ​ത്രി ഒ​മ്പ​ത​ര​ക്ക് അ​വ​സാ​നി​ക്കു​ന്ന സ​ർ​വി​സു​ക​ൾ​ക്ക് ഉ​പ​യോ​ഗി​ച്ചി​രു​ന്ന​ത്. 13,000 രൂ​പ​വ​രെ ഒാ​രോ ബ​സി​നും ക​ല​ക്​​ഷ​ൻ ല​ഭി​ച്ചി​രു​ന്നു. ച​ങ്ങ​നാ​ശ്ശേ​രി ചെ​യി​ൻ സ​ർ​വി​സി​ലെ ആ​റ്​ ബ​സു​ക​ൾ ഇ​പ്പോ​ൾ തി​രു​വ​ല്ല​വ​രെ​യാ​ണ് സ​ർ​വി​സ് ന​ട​ത്തു​ന്ന​ത്. ഈ ​സ​ർ​വി​സു​ക​ളും പൂ​ർ​ണ​മാ​യി പു​ന​രാ​രം​ഭി​ക്ക​ണ​മെ​ന്നാ​ണ് ആ​വ​ശ്യം. കെ.​എ​സ്.​ആ​ർ.​ടി.​സി​യു​ടെ ഉ​ന്ന​ത അ​ധി​കാ​രി​ക​ളി​ൽ സ​മ്മ​ർ​ദം ചെ​ലു​ത്തി ചെ​യി​ൻ സ​ർ​വി​സു​ക​ള​ട​ക്കം പൂ​ർ​ണ​തോ​തി​ൽ പു​ന​രാ​രം​ഭി​ക്കാ​നു​ള്ള നീ​ക്ക​വും ശ​ക്ത​മാ​ണ്.

വ്യാ​പാ​ര​സ​മു​ച്ച​യ നി​ര്‍മാ​ണം നി​ല​ച്ചി​ട്ട്​ വ​ർ​ഷ​ങ്ങ​ൾ

മു​ൻ എം.​എ​ൽ.​എ ആ​ര്‍. രാ​ജേ​ഷി​െൻറ ആ​സ്തി​വി​ക​സ​ന ഫ​ണ്ടി​ല്‍നി​ന്നു​ള്ള ഒ​രു​കോ​ടി രൂ​പ വി​നി​യോ​ഗി​ച്ച് നി​ര്‍മി​ക്കാ​ന്‍ പ​ദ്ധ​തി​യി​ട്ട വ്യാ​പാ​ര സ​മു​ച്ച​യം മു​ട​ങ്ങി​യ​തും സ്​​റ്റേ​ഷ​ൻ വി​ക​സ​ന​ത്തി​ന് തി​രി​ച്ച​ടി​യാ​യി.

2016 ജൂ​ണ്‍ ആ​ദ്യ​വാ​ര​മാ​ണ് നി​ര്‍മാ​ണം ആ​രം​ഭി​ച്ച​ത്. അ​ടി​ത്ത​റ​നി​ര്‍മാ​ണം ആ​രം​ഭി​ച്ച് ര​ണ്ടാ​ഴ്ച പി​ന്നി​ട്ട​പ്പോ​ള്‍ ന​ഗ​ര​സ​ഭ​യി​ല്‍നി​ന്ന് അ​നു​മ​തി വാ​ങ്ങാ​തെ​യാ​ണ് കെ​ട്ടി​ട​നി​ര്‍മാ​ണം ന​ട​ക്കു​ന്ന​തെ​ന്ന ആ​രോ​പ​ണം ഉ​യ​ർ​ന്നു. തു​ട​ർ​ന്ന് വ​സ്തു സം​ബ​ന്ധ​മാ​യ ത​ർ​ക്ക​ത്തി​ൽ നി​ർ​മാ​ണം നി​ർ​ത്തി​വെ​ക്കു​ക​യാ​യി​രു​ന്നു. ഇ​തോ​ടെ വി​വി​ധ സാ​ങ്കേ​തി​ക പ്ര​ശ്ന​ങ്ങ​ൾ മൂ​ലം കെ​ട്ടി​ട നി​ർ​മാ​ണം ത​ട​സ്സ​പ്പെ​ട്ടു.

ഒ​ടു​വി​ൽ കെ.​എ​സ്.​ആ​ർ.​ടി.​സി അ​ധി​കൃ​ത​ർ വ​സ്തു സ്വ​ന്തം പേ​രി​ലാ​ക്കി​യെ​ങ്കി​ലും നി​ർ​മാ​ണം ന​ട​ന്നി​ല്ല. ഇ​തി​നി​ടെ, ക​രാ​റു​കാ​ര​ൻ കോ​ട​തി​യെ സ​മീ​പി​ച്ച് മൂ​ന്ന​ര​ല​ക്ഷം രൂ​പ ന​ഷ്​​ട​പ​രി​ഹാ​രം വാ​ങ്ങി. അ​ഞ്ചു​വ​ർ​ഷം മു​മ്പു​ള്ള നി​ര​ക്ക് പു​നഃ​ക്ര​മീ​ക​രി​ച്ച് ബാ​ക്കി​യു​ള്ള 96.5 ല​ക്ഷ​ത്തി​ന്​ കെ​ട്ടി​ട​നി​ർ​മാ​ണം റീ-​ടെ​ൻ​ഡ​ർ ചെ​യ്യു​മെ​ന്ന്​ പ​റ​ഞ്ഞെ​ങ്കി​ലും ന​ട​പ്പാ​യി​ല്ല.

ഇ​തി​നി​ടെ, കെ​ട്ടി​ട​നി​ര്‍മാ​ണം ത​ട​സ്സ​പ്പെ​ട്ട​തി​ന് പി​ന്നി​ല്‍ അ​ന്ന് ന​ഗ​ര​സ​ഭ ഭ​ര​ണം കൈ​യാ​ളി​യി​രു​ന്ന ന​ഗ​ര​സ​ഭ ചെ​യ​ര്‍പേ​ഴ്സ​നും എം.​എ​ല്‍.​എ.​യും ത​മ്മി​ലു​ള്ള ശീ​ത​സ​മ​ര​മാ​ണെ​ന്ന ആ​രോ​പ​ണ​മു​യ​ർ​ന്നി​രു​ന്നു.

പ​മ്പ്​ നി​ർ​മാ​ണം അ​നി​ശ്ചി​ത​ത്വ​ത്തി​ൽ

സ​ർ​ക്കാ​റി​െൻറ നൂ​റു​ദി​ന ക​ർ​മ​പ​ദ്ധ​തി​യി​ൽ​പ്പെ​ടു​ത്തി ആ​രം​ഭി​ച്ച പെ​ട്രോ​ൾ​പ​മ്പ് നി​ർ​മാ​ണ​വും അ​നി​ശ്ചി​ത​ത്വ​ത്തി​ൽ. കെ.​എ​സ്.​ആ​ർ.​ടി.​സി​യു​ടെ അ​ധി​ക​വ​രു​മാ​നം ല​ക്ഷ്യ​മി​ട്ട് ഇ​ന്ത്യ​ൻ ഓ​യി​ൽ കോ​ർ​പ​റേ​ഷ​െൻറ സ​ഹ​ക​ര​ണ​ത്തോ​ടെ മാ​വേ​ലി​ക്ക​ര ബ​സ് സ്​​റ്റാ​ൻ​ഡി​ൽ ആ​രം​ഭി​ക്കു​ന്ന പെ​ട്രോ​ൾ പ​മ്പു​ക​ളി​ലൊ​ന്നി​െൻറ നി​ർ​മാ​ണ​വും ത​ട​സ്സ​പ്പെ​ട്ട നി​ല​യി​ലാ​ണ്. ബ​സ് സ്​​റ്റാ​ൻ​ഡി​െൻറ തെ​ക്കേ​ക​വാ​ടം അ​ട​ച്ചു​നി​ർ​മാ​ണം ന​ട​ക്കു​ന്ന​തി​നെ​തി​രെ പ​രാ​തി ഉ​ണ്ടാ​യ​തോ​ടെ​യാ​ണ്​ ആ​ദ്യം ന​ഗ​ര​സ​ഭാ​ധി​കൃ​ത​ർ നി​ർ​മാ​ണ​ത്തി​ന് സ്​​റ്റോ​പ്പ്​ മെ​മ്മോ ന​ൽ​കി​യ​ത്.

എ​ന്നാ​ൽ, മെ​മ്മോ നി​യ​മാ​നു​സൃ​ത​മ​ല്ലെ​ന്ന നി​ല​പാ​ടി​ൽ കെ.​എ​സ്.​ആ​ർ.​ടി.​സി അ​ധി​കൃ​ത​ർ നി​ർ​മാ​ണം തു​ട​ർ​ന്നു. പി​ന്നീ​ട് പ്ര​ത്യേ​ക കൗ​ൺ​സി​ൽ​യോ​ഗം ചേ​ർ​ന്ന്​ തീ​രു​മാ​ന​മെ​ടു​ത്ത​ശേ​ഷം ര​ണ്ടാ​മ​തും സ്‌​റ്റോ​പ്പ് മെ​മ്മോ ന​ൽ​കി​യ​തോ​ടെ പ​ണി പൂ​ർ​ണ​മാ​യും മു​ട​ങ്ങി. എ​ന്നാ​ൽ, ക​ഴി​ഞ്ഞ​ദി​വ​സം സ​ർ​ക്കാ​ർ സ്ഥാ​പ​ന​ങ്ങ​ൾ തു​ട​ങ്ങാ​ൻ അ​ടി​യ​ന്ത​ര അ​നു​മ​തി ന​ൽ​ക​ണ​മെ​ന്ന സ​ർ​ക്കാ​ർ ഓ​ർ​ഡ​ർ പ​ദ്ധ​തി ഉ​ട​ൻ തു​ട​ങ്ങാ​ൻ ക​ഴി​യു​മെ​ന്ന പ്ര​തീ​ക്ഷ​യി​ലാ​ണ് അ​ധി​കൃ​ത​ർ.

ത​രം​ഗ​മാ​യ 'സീ​ത​മ്മ'​യും ഓ​ർ​മ​യാ​യി
കെ.​എ​സ്.​ആ​ർ.​ടി.​സി​യെ ഇ​ഷ്​​ട​പ്പെ​ടു​ന്ന​വ​ർ​ക്കി​ട​യി​ൽ ഏ​റെ ആ​രാ​ധ​ക​ർ ഉ​ണ്ടാ​യി​രു​ന്ന ബ​സാ​ണ് മാ​വേ​ലി​ക്ക​ര​യി​ൽ​നി​ന്നും 452 കി​ലോ​മീ​റ്റ​ർ അ​ക​ലെ വ​യ​നാ​ട്ടി​ലെ ക​ർ​ണാ​ട​ക അ​തി​ർ​ത്തി​ഗ്രാ​മ​മാ​യ സീ​താ​മൗ​ണ്ടി​ലേ​ക്കു​ള്ള സീ​ത​മ്മ ബ​സ്. 2004ൽ ​സു​ൽ​ത്താ​ൻ ബ​ത്തേ​രി​യി​ലേ​ക്കാ​യി​രു​ന്നു സ​ർ​വി​സ് ആ​രം​ഭി​ച്ച​ത്. പി​ന്നീ​ട് പെ​രി​ക്ക​ല്ലൂ​രി​ലേ​ക്കും സീ​താ​മൗ​ണ്ടി​ലേ​ക്കും പു​നഃ​ക്ര​മീ​ക​രി​ച്ച സ​ർ​വി​സ് രാ​വി​ലെ ഏ​ഴി​ന് മാ​വേ​ലി​ക്ക​ര​യി​ൽ​നി​ന്നും ആ​രം​ഭി​ച്ച് രാ​ത്രി ഏ​ഴി​നാ​ണ്​ സീ​താ​മൗ​ണ്ടി​ൽ എ​ത്തി​യി​രു​ന്ന​ത്.
സ​മൂ​ഹ മാ​ധ്യ​മ​ങ്ങ​ളി​ല​ട​ക്കം ത​രം​ഗ​മാ​യി​രു​ന്ന ഈ ​ബ​സ് 2019-ലെ ​പ്ര​ള​യ​കാ​ല​ത്ത് വ​യ​നാ​ട്ടി​ലേ​ക്ക് മ​ധ്യ​തി​രു​വി​താം​കൂ​റി​ൽ​നി​ന്നും ദു​രി​താ​ശ്വാ​സ സാ​മ​ഗ്രി​ക​ൾ എ​ത്തി​ക്കാ​നും ഉ​പ​യോ​ഗി​ച്ചി​രു​ന്നു. എ​ന്നാ​ൽ, ഇ​പ്പോ​ൾ ഈ ​സ​ർ​വി​സ് അ​യ​ക്കു​ന്നി​ല്ല. സ​ർ​വി​സി​ന്​ ഉ​പ​യോ​ഗി​ച്ചി​രു​ന്ന സൂ​പ്പ​ർ​ഫാ​സ്​​റ്റ്​ ബ​സു​ക​ളു​ടെ കാ​ലാ​വ​ധി പൂ​ർ​ത്തി​യാ​യ​തും സ​ർ​വി​സി​ന് വേ​ണ്ട​ത്ര ജീ​വ​ന​ക്കാ​ർ ഇ​ല്ലാ​ത്ത​തു​മാ​ണ് കാ​ര​ണം. പു​തി​യ സൂ​പ്പ​ർ​ഫാ​സ്​​റ്റ്​ ബ​സു​ക​ൾ ല​ഭി​ച്ചാ​ൽ മാ​ത്ര​മേ സ​ർ​വി​സ് പു​ന​രാ​രം​ഭി​ക്കാ​ൻ ക​ഴി​യൂ.
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:mavelikkaraksrtc
News Summary - Mavelikkara KSRTC Depot glory faded
Next Story