Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightAlappuzhachevron_rightMavelikkarachevron_rightഡ്രൈവർ നിയമനത്തിലെ...

ഡ്രൈവർ നിയമനത്തിലെ കൗണ്‍സില്‍ വിയോജിപ്പ്​: ചെയര്‍മാന്‍ സൈക്കിളിലെത്തി, വൈറലായി സവാരി

text_fields
bookmark_border
Council Disagree on Driver Appointment: Chairman rides bicycle
cancel
camera_alt

മാവേലിക്കര നഗരസഭ ചെയര്‍മാന്‍ കെ.വി. ശ്രീകുമാര്‍ സൈക്കിളില്‍

നഗരസഭ ഓഫിസില്‍ എത്തിയപ്പോള്‍

മാവേലിക്കര: ഔദ്യോഗിക വാഹനത്തിന് താല്‍ക്കാലിക ഡ്രൈവറെ നിയമിച്ച നടപടിയോട് കൗണ്‍സില്‍ യോഗത്തില്‍ ഭൂരിപക്ഷം അംഗങ്ങള്‍ വിയോജിച്ചതിനെ തുടര്‍ന്ന് സൈക്കിളില്‍ ഓഫിസിലെത്തി നഗരസഭ ചെയര്‍മാന്‍ കെ.വി. ശ്രീകുമാര്‍.ചെയര്‍മാ​െൻറ സൈക്കിള്‍ സവാരി സമൂഹമാധ്യമങ്ങളിലും തരംഗമായി. തനിക്ക് വിശ്വസ്തനായ ആളെ നിയമിക്കാന്‍ കൗണ്‍സില്‍ അനുമതി നല്‍കിയില്ലെങ്കില്‍ നഗരസഭയുടെ ഓഫിസിലെത്താന്‍ മറ്റു മാര്‍ഗങ്ങള്‍ സ്വീകരിക്കുമെന്ന് ചെയര്‍മാന്‍ കൗണ്‍സിലില്‍ അറിയിച്ചിരുന്നു. ഇതിനു പിന്നാലെയാണ് കെ.വി. ശ്രീകുമാര്‍ ത​െൻറ സൈക്കിളില്‍ നഗരസഭ ഓഫിസില്‍ എത്തിയത്.

ഔദ്യോഗിക വാഹനത്തിനു വിശ്വസ്തനായ ആളെ നിയമിക്കുന്ന മുന്‍ ചെയര്‍മാന്മാരുടെ കീഴ്വഴക്കം തുടരുകയാണെന്നും ഇതിനു അനുവദിക്കണമെന്നും ചെയര്‍മാന്‍ ശ്രീകുമാര്‍ ചൊവ്വാഴ്​ച കൗണ്‍സിലില്‍ ആവശ്യപ്പെട്ടിരുന്നു. എന്നാല്‍, ഇത് അംഗീകരിക്കാന്‍ സാധിക്കില്ലെന്ന് എല്‍.ഡി.എഫ്, ബി.ജെ.പി കൗണ്‍സിലര്‍മാരെ പ്രതിനിധാനം ചെയ്​ത്​ സംസാരിച്ച അംഗങ്ങള്‍ പറഞ്ഞു.

ചെയര്‍മാന് ഇഷ്​ടമുള്ള ആ​െള ഡ്രൈവറായി നിയോഗിക്കുന്നതാണ് കീഴ്വഴക്കമെന്ന് കോണ്‍ഗ്രസ് കൗണ്‍സിലര്‍മാര്‍ പറഞ്ഞെങ്കിലും ഭൂരിപക്ഷ അഭിപ്രായമാണ് കൗണ്‍സില്‍ തീരുമാനമെന്ന് നഗരസഭ സെക്രട്ടറി നിലപാട്​ എടുക്കുകയായിരുന്നു. എന്നാല്‍, ചെയര്‍മാ​െൻറ സൈക്കിള്‍ സവാരി സമൂഹമാധ്യമങ്ങളിൽ തരംഗമായി. ചെയര്‍മാനെ അനുകൂലിച്ച് ഭൂരിപക്ഷ അഭിപ്രായം ഉയരുമ്പോള്‍ സൈക്കിള്‍ സവാരിയെ വിമര്‍ശിച്ചും ചിലര്‍ രംഗത്തെത്തി.

Show Full Article
TAGS:council driver chairman 
News Summary - Council Disagree on Driver Appointment: Chairman rides bicycle
Next Story