ചെട്ടികുളങ്ങര ഉത്സവലഹരിയിൽ

മാ​വേ​ലി​ക്ക​ര: ​ഐ​തി​ഹ്യ​ത്തി​ന്‍റെ പെ​രു​മ​യും ആ​ചാ​രാ​നു​ഷ്ഠാ​ന​ങ്ങ​ളു​ടെ വൈ​വി​ധ്യ​വു​മാ​ണ് കും​ഭ​ഭ​ര​ണി. ഇ​തി​ന്‍റെ നേ​ർ ചി​ത്ര​മാ​ണ് കു​തി​ര​മൂ​ട്ടി​ൽ ക​ഞ്ഞി. ഓ​രോ ദി​വ​സ​വും ക​ഞ്ഞി കു​ടി​ക്കാ​ൻ വ​ൻ ഭ​ക്ത​ജ​ന​ത്തി​ര​ക്കാ​ണ്. കെ​ട്ടു​കാ​ഴ്ച നി​ർ​മാ​ണ​ത്തോ​ട​നു​ബ​ന്ധി​ച്ചു ന​ട​ത്തു​ന്ന അ​ന്ന​ദാ​ന വ​ഴി​പാ​ടാ​ണ് കു​തി​ര​മൂ​ട്ടി​ൽ ക​ഞ്ഞി. ക​ഞ്ഞി, മു​തി​ര, പു​ഴു​ക്ക് അ​സ്ത്രം, ക​ടു​മാ​ങ്ങ, പ​പ്പ​ടം, അ​വി​ൽ, പ​ഴം, ഉ​ണ്ണി​യ​പ്പം തു​ട​ങ്ങി എ​ട്ടു​കൂ​ട്ടം വി​ഭ​വ​ങ്ങ​ളാ​ണ് ക​ഞ്ഞി​ക്ക് കൊ​ടു​ക്കു​ന്ന​ത്. ക​ഞ്ഞി​കു​ടി​ക്കാ​ൻ ഇ​ല​യും ത​ട​യും പ്ലാ​വി​ല​യു​മാ​ണ് ഉ​പ​യോ​ഗി​ക്കു​ന്ന​ത്. ത​റ​യി​ൽ ച​മ്രം പ​ട​ഞ്ഞി​രു​ന്നാ​ണ് ക​ഞ്ഞി കു​ടി​ക്കു​ന്ന​ത്.

വി​ഭ​വ​ങ്ങ​ളെ​ല്ലാം ത​യ്യാ​റാ​യി ക​ഴി​ഞ്ഞാ​ൽ വ​ഴി​പാ​ടു​കാ​ർ കെ​ട്ടു​കാ​ഴ്ച നി​ർ​മാ​ണ സ്ഥ​ല​ത്തെ​ത്തി വെ​റ്റി​ല​യും പു​ക​യി​ല​യും ദ​ക്ഷി​ണ വെ​ച്ച് ക​ര​ക്കാ​രെ ക്ഷ​ണി​ക്കും. കെ​ട്ടു​കാ​ഴ്ച​യു​ടെ നി​ർ​മാ​ണ​ത്തി​ലേ​ർ​പ്പെ​ട്ടി​രി​ക്കു​ന്ന​വ​ർ കു​ത്തി​യോ​ട്ട പാ​ട്ടു​പാ​ടി ക​ഞ്ഞി​സ​ദ്യ ന​ട​ക്കു​ന്ന സ്ഥ​ല​ത്തെ​ത്തു​മ്പോ​ൾ താ​ല​പ്പൊ​ലി​യും വാ​യ്ക്കു​ര​വ​യു​മാ​യി വീ​ട്ടു​കാ​ർ എ​തി​രേ​ൽ​ക്കും. തു​ട​ർ​ന്നാ​ണ് ക​ഞ്ഞി​സ​ദ്യ. ക​ര​പ്ര​മാ​ണി​മാ​രു​ടെ പ്രാ​ർ​ഥ​ന​യി​ലും ത​പ​സ്സി​ലും സം​തൃ​പ്ത​യാ​യ കൊ​ടു​ങ്ങ​ല്ലൂ​ര​മ്മ ചെ​ട്ടി​കു​ള​ങ്ങ​ര ദേ​ശ​ത്ത്​ എ​ത്തി​യെ​ന്നും ഇ​ന്ന് ക്ഷേ​ത്രം​നി​ൽ​ക്കു​ന്ന സ്ഥ​ല​ത്തി​നു സ​മീ​പ​ത്തു​ള്ള ഇ​ല്ല​ത്ത് പു​ര​കെ​ട്ടി​മേ​യു​ന്ന ദി​വ​സം വൃ​ദ്ധ​മാ​താ​വി​ന്റെ രൂ​പ​ത്തി​ലെ​ത്തി​യ ദേ​വി അ​വി​ടെ​നി​ന്നു ക​ഴി​ച്ച ആ​ഹാ​രം ക​ഞ്ഞി​യും മു​തി​ര​പ്പു​ഴു​ക്കും അ​സ്ത്ര​വു​മാ​ണെ​ന്നാ​ണ് ഐ​തി​ഹ്യം.

പി​ന്നീ​ട് ഓ​ണാ​ട്ടു​ക​ര​യി​ലെ ക​ർ​ഷ​ക​ർ ത​ങ്ങ​ളു​ടെ വി​ള​ക​ളി​ൽ പ്ര​ധാ​ന​മാ​യ അ​രി, ചേ​ന, കാ​ച്ചി​ൽ, ചേ​മ്പ്, മു​തി​ര തു​ട​ങ്ങി​യ​വ കൊ​ണ്ടു​ണ്ടാ​ക്കു​ന്ന വി​ശി​ഷ്ട വി​ഭ​വം ആ​ഘോ​ഷ​നാ​ളു​ക​ളി​ൽ ഭ​ഗ​വ​തി​ക്കാ​യി നേ​ദി​ക്കു​ന്നു എ​ന്ന​താ​ണ് കു​തി​ര​മൂ​ട്ടി​ൽ ക​ഞ്ഞി​യു​ടെ സ​ങ്ക​ല്പം.

ഓ​ണാ​ട്ടു​ക​ര​യി​ലെ ഭ​വ​ന​ങ്ങ​ളി​ൽ കും​ഭ​ഭ​ര​ണി ദി​വ​സം ഉ​ച്ച​യൂ​ണി​ന് പ്ര​ധാ​ന വി​ഭ​വം കൊ​ഞ്ചും മാ​ങ്ങ​യു​മാ​ണ്. ഉ​ണ​ങ്ങി​യ കൊ​ഞ്ചും മാ​ങ്ങ​യും ചേ​ർ​ത്തു​ണ്ടാ​ക്കു​ന്ന ക​റി​ കും​ഭ​ഭ​ര​ണി നാ​ളി​ൽ ഒ​ഴി​ച്ചു​കൂ​ടാ​നാ​കാ​ത്ത വി​ഭ​വ​മാ​ണ്. കും​ഭ​ഭ​ര​ണി​യ​ടു​ത്ത​തോ​ടെ കൊ​ഞ്ചും മാ​ങ്ങ​യും ക​ട​ക​ളി​​ൽ സു​ല​ഭ​മാ​യി ക​ച്ച​വ​ടം തു​ട​ങ്ങി.

കും​ഭ​ഭ​ര​ണി​യും കൊ​ഞ്ചും മാ​ങ്ങ​യും ത​മ്മി​ലു​ള​ള ബ​ന്ധ​ത്തി​ന് പി​ന്നി​ൽ കു​ത്തി​യോ​ട്ട​വു​മാ​യി ബ​ന്ധ​പ്പെ​ട്ട ഒ​രു ക​ഥ​യു​ണ്ട്. കൊ​ഞ്ചും മാ​ങ്ങ​യും ചേ​ർ​ത്തു​ള​ള ക​റി പാ​ച​കം ചെ​യ്ത്‌​കൊ​ണ്ടി​രു​ന്ന വീ​ട്ട​മ്മ ക​റി ക​രി​യാ​തെ നോ​ക്ക​ണ​മെ​ന്ന് ദേ​വി​യോ​ട് പ്രാ​ർ​ഥി​ച്ചി​ട്ട് കു​ത്തി​യോ​ട്ട ഘോ​ഷ​യാ​ത്ര കാ​ണാ​ൻ പോ​യി. കു​ത്തി​യോ​ട്ട വ​ര​വ് ക​ണ്ടു​നി​ന്ന് അ​ടു​പ്പ​ത്തി​രു​ന്ന ക​റി​യു​ടെ കാ​ര്യം വീ​ട്ട​മ്മ മ​റ​ന്നു പോ​യി. നേ​ര​മേ​റെ​ക്ക​ഴി​ഞ്ഞ​പ്പോ​ൾ ക​റി ക​രി​ഞ്ഞു​കാ​ണു​മെ​ന്ന് ഭ​യ​ന്ന് ഓ​ടി​യെ​ത്തി​യ​പ്പോ​ൾ കൊ​ഞ്ചും മാ​ങ്ങാ​ക്ക​റി പാ​ക​മാ​യി​രി​ക്കു​ന്ന​താ​ണ് ക​ണ്ട​ത്. ഇ​ത് നാ​ട്ടി​ലാ​കെ പ്ര​ച​രി​ച്ചു. ഇ​തോ​ടെ കൊ​ഞ്ചും​മാ​ങ്ങ ക​ര​ക​ളി​ലെ ഇ​ഷ്ട​വി​ഭ​വ​മാ​യി മാ​റി​യെ​ന്നാ​ണ് ഐ​തി​ഹ്യം.