തേൻകിനിയും കല്ലിമേലെ തേനീച്ച പാര്‍ക്ക്

മാ​വേ​ലി​ക്ക​ര: തേ​നി​റ്റു വീ​ഴു​ന്ന മ​ധു​ര​ത്തി​ന്റെ മേ​ന്മ​യി​ലാ​ണ് മാ​വേ​ലി​ക്ക​ര ത​ഴ​ക്ക​ര ക​ല്ലി​മേ​ൽ തേ​നീ​ച്ച പാ​ര്‍ക്കും തേ​ന്‍ സം​സ്‌​ക​ര​ണ കേ​ന്ദ്ര​വും.

പ്ര​വേ​ശ​ന ക​വാ​ടം ക​ഴി​ഞ്ഞാ​ല്‍ ഏ​റെ ആ​ക​ര്‍ഷി​ക്കു​ന്ന​ത്​ ജ​ലാ​ശ​യ​ത്തി​നു സ​മീ​പ​ത്തെ പ​ച്ച​ക്കു​ന്നി​ല്‍ വി​രി​ഞ്ഞു​നി​ൽ​ക്കു​ന്ന പൂ​വി​ല്‍ തേ​ന്‍നു​ക​രു​ന്ന തേ​നീ​ച്ച​യു​ടെ ശി​ല്‍പ​മാ​ണ്. അ​തി​നു ചു​റ്റും തേ​നീ​ച്ച​പ്പെ​ട്ടി​ക​ളും ഉ​ദ്യാ​ന​വും ആ​രെ​യും ആ​ക​ർ​ഷി​ക്കും.

ഹോ​ർ​ട്ടി​കോ​ർ​പ് നേ​തൃ​ത്വ​ത്തി​ൽ സം​സ്ഥാ​ന​ത്ത് ആ​ദ്യ​മാ​യി സ്ഥാ​പി​ച്ച തേ​നീ​ച്ച പാ​ര്‍ക്ക് അ​ഞ്ച് വ​ര്‍ഷ​മാ​യ​പ്പോ​ൾ തേ​ന്‍ വാ​ങ്ങാ​നും തേ​നീ​ച്ച കൃ​ഷി​യെ കു​റി​ച്ച് അ​റി​യാ​നു​മാ​യി എ​ത്തു​ന്ന​വ​രു​ടെ കേ​ന്ദ്ര​മാ​യി മാ​റി. പ്ര​കൃ​തി​യു​ടെ മാ​റ്റ​ങ്ങ​ൾ​ക്ക​നു​സ​രി​ച്ച് തേ​നീ​ച്ച​ക്ക് തേ​ന്‍ നു​ക​രാ​നു​ള്ള സൗ​ക​ര്യ​മാ​ണു പാ​ര്‍ക്കി​ലു​ള്ള​ത്.

മ​ഴ​ക്കാ​ല​ത്തും വേ​ന​ല്‍ക്കാ​ല​ത്തും തേ​നും പൂ​മ്പൊ​ടി​യും ഉ​ൽ​പാ​ദി​പ്പി​ക്കാ​ൻ സ​ഹാ​യ​ക​മാ​കു​ന്ന ത​രം മ​ര​ങ്ങ​ളും ചെ​ടി​ക​ളു​മാ​ണ്​​ ഇ​വി​ടെ വെ​ച്ചു​പി​ടി​പ്പി​ച്ചി​രി​ക്കു​ന്ന​ത്. ‘അ​മൃ​ത് ഹ​ണി’ എ​ന്ന പേ​രി​ലാ​ണ്​ ഇ​വി​ടെ നി​ന്നു​ള്ള തേ​ൻ വി​പ​ണി​യി​ലെ​ത്തി​ക്കു​ന്ന​ത്. കോ​വി​ഡ് കാ​ല​ത്ത് അ​ച്ച​ന്‍കോ​വി​ല്‍, നി​ല​മ്പൂ​ര്‍, റാ​ന്നി, അ​തി​ര​പ്പി​ള്ളി, വാ​ഴ​ച്ചാ​ല്‍ എ​ന്നീ ആ​ദി​വാ​സി മേ​ഖ​ല​ക​ളി​ല്‍നി​ന്നു മാ​ത്രം 4000 കി​ലോ തേ​ന്‍ ശേ​ഖ​രി​ച്ചി​രു​ന്നു.

ഈ ​വ​ർ​ഷം അ​ച്ച​ൻ​കോ​വി​ലി​ൽ​നി​ന്ന്​ തേ​ൻ സം​ഭ​രി​ക്കാ​ൻ തീ​രു​മാ​നി​ച്ചി​ട്ടു​ണ്ട്. 444 രൂ​പ വി​ല​യു​ള്ള അ​ഗ്​​മാ​ര്‍ക്കു​ള്ള ഒ​രു​കി​ലോ അ​മൃ​ത് ഹ​ണി 380 രൂ​പ​ക്ക് ക​ല്ലി​മേ​ലി​ൽ ല​ഭി​ക്കും.

2018 ഡി​സം​ബ​ര്‍ 20നാ​ണ്​ ക​ല്ലി​മേ​ല്‍ തേ​നീ​ച്ച വ​ള​ര്‍ത്ത​ല്‍ കേ​ന്ദ്ര​ത്തി​ല്‍ തേ​നീ​ച്ച പാ​ര്‍ക്കും വി​ശാ​ല​മാ​യ തേ​ന്‍ സം​സ്‌​ക​ര​ണ കേ​ന്ദ്ര​വും തു​ട​ങ്ങി​യ​ത്. അ​ഞ്ചു വ​ർ​ഷ​ത്തി​നു​ള്ളി​ൽ 50,000 കി​ലോ തേ​ന്‍ ക​ര്‍ഷ​ക​രി​ല്‍നി​ന്ന്​ ശേ​ഖ​രി​ച്ചു.

തേ​നീ​ച്ച ക​ർ​ഷ​ക​ർ​ക്കാ​യി പ​രി​ശീ​ല​ന കേ​ന്ദ്ര​വും

തേ​നീ​ച്ച കൃ​ഷി​യു​ടെ ബാ​ല​പാ​ഠ​ങ്ങ​ള്‍ അ​ഭ്യ​സി​ക്കാ​ൻ ഇ​വി​ടെ എ​ത്തു​ന്ന ക​ര്‍ഷ​ക​ര്‍ക്ക് തേ​ന്‍ സം​സ്‌​ക​രി​ച്ചു ന​ല്‍കു​ന്ന​തി​നും സൗ​ക​ര്യ​മു​ണ്ട്. ക​ല്ലി​മേ​ലി​ൽ പ​രി​ശീ​ല​നം ന​ൽ​കു​ന്നു.

40 പേ​ർ അ​ട​ങ്ങു​ന്ന​താ​ണ് ഒ​രു യൂ​നി​റ്റ്. പ​രി​ശീ​ല​നം ല​ഭി​ക്കു​ന്ന​വ​ര്‍ക്ക് 40 ശ​ത​മാ​നം സ​ബ്സി​ഡി​യി​ല്‍ തേ​ന്‍ എ​ടു​പ്പ് യ​ന്ത്രം, പു​ക​യ​ന്ത്രം, മു​ഖാ​വ​ര​ണം തു​ട​ങ്ങി​യ​വ ന​ല്‍കും. 1995ലാ​ണ് ഹോ​ര്‍ട്ടി കോ​ര്‍പ് ജി​ല്ല കൃ​ഷി​ത്തോ​ട്ട​ത്തി​ല്‍ പാ​ട്ട​ത്തി​നെ​ടു​ത്ത മൂ​ന്ന് ഏ​ക്ക​ര്‍ സ്ഥ​ല​ത്തു തേ​നീ​ച്ച വ​ള​ര്‍ത്ത​ല്‍ പ​രി​ശീ​ല​ന കേ​ന്ദ്രം ആ​രം​ഭി​ച്ച​ത്. ഇ​പ്പോ​ള്‍ ശു​ദ്ധ​മാ​യ തേ​ന്‍ ആ​വ​ശ്യ​ക്കാ​ര്‍ക്ക് ല​ഭി​ക്കു​ന്ന പ്ര​ധാ​ന​കേ​ന്ദ്ര​മാ​യി ക​ല്ലി​മേ​ല്‍ മാ​റി. പാ​ര്‍ക്കി​നോ​ടു ചേ​ര്‍ന്നു ന​വീ​ക​രി​ച്ച തേ​നീ​ച്ച വ​ള​ര്‍ത്ത​ല്‍ പ​രി​ശീ​ല​ന കേ​ന്ദ്രം, തേ​ന്‍ സം​സ്‌​ക​ര​ണ പ്ലാ​ന്റ് എ​ന്നി​വ​യാ​ണു​ള്ള​ത്.

പ്ര​തി​ദി​നം 300 കി​ലോ തേ​ന്‍ ശേ​ഖ​രി​ച്ചു സം​സ്‌​ക​രി​ക്കാ​ന്‍ ക​ഴി​യു​ന്ന സം​സ്‌​ക​ര​ണ യൂ​നി​റ്റാ​ണ് ഇ​വി​ടെ​യു​ള്ള​ത്.

എ​ല്ലാ ജി​ല്ല​യി​ലും ഇ​വി​ടെ നി​ന്നു​ള്ള പ​രി​ശീ​ല​ക​രെ​ത്തി പ​രി​ശീ​ല​നം ന​ല്‍കു​ന്നു​ണ്ട്. ഉ​ട​ൻ ക​ർ​ഷ​ക​ർ​ക്കു വേ​ണ്ടി​യു​ള്ള പ​രി​ശീ​ല​നം തു​ട​ങ്ങു​മെ​ന്ന് റീ​ജ​ന​ൽ മാ​നേ​ജ​ർ ബി. ​സു​നി​ൽ അ​റി​യി​ച്ചു. ഫോ​ൺ: 9633225260.