ഗ്യാസ് ലീക്കായത് പരിഭ്രാന്തി പടർത്തി

മണ്ണഞ്ചേരി: കലവൂർ കയർ ബോർഡ് ഓഫീസിന് മുൻവശത്ത് ദേശീയപാതക്ക് സമീപം തട്ടുകടയിൽ ഗ്യാസ് ലീക്കായത് പരിഭ്രാന്തി പടർത്തി. വടക്കനാര്യാട്, നായ്ക്കർ വെളിയിൽ മധുവിന്റേതാണ് കട. ഞായറാഴ്ച രാത്രി പത്തോടെയായിരുന്നു അപകടം. ആലപ്പുഴയിൽ അഗ്നി രക്ഷാ നിലയത്തിൽ നിന്നും സി. പി.ഓമനക്കുട്ടൻ്റെ നേതൃത്വത്തിൽ സംഭവ സ്ഥലത്തെത്തിയ മിനി വാട്ടർ മിസ്റ്റ് ക്രൂ സിലിണ്ടർ വാൽവിൻ്റെ ചോർച്ച നിയന്ത്രണവിധേയമാക്കി.