പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്ത പ്രതി പിടിയിൽ

മണ്ണഞ്ചേരി: പോക്സോ കേസിലെ പ്രതിയെ മണ്ണഞ്ചേരി പൊലീസ് അറസ്റ്റ് ചെയ്‌തു. പഞ്ചായത്ത് നാലാം വാർഡ് പൊന്നാട് നടുവത്തേഴത്തു വെളി വീട്ടിൽ നജീബ് ( 48) ആണ് പിടിയിലായത്.

നവംബർ 23നായിരുന്നു കേസിനാസ്പദമായ സംഭവം. പരാതി നൽകിയിട്ടും പ്രതിയെ അറസ്റ്റ് ചെയ്യാതിരുന്നതോടെ ഇരയുടെ വീട്ടുകാർ ജില്ലാ പൊലീസ് മേധാവിക്ക് പരാതി നൽകുകയായിരുന്നു. ശനിയാഴ്ചയായിരുന്നു നജീബിനെ പിടികൂടിയത്. ഇയാൾ റിമാൻഡിലാണ്.