നിയന്ത്രണം വിട്ട ബൈക്ക്​ ഇടിച്ച് കാൽ നടയാത്രികൻ മരിച്ചു.

മണ്ണഞ്ചേരി: നിയന്ത്രണം വിട്ട ബൈക്ക്​ ഇടിച്ച് കാൽ നടയാത്രികൻ മരിച്ചു. മണ്ണഞ്ചേരി പഞ്ചായത്ത് 13-ാം വാർഡ് പറപ്പുറത്തു വെളിയിൽ ശശിധരൻ നായർ (70) ആണ് മരിച്ചത്.ദേശീയപാതയിൽ കലവൂർ ആകാശവാണി നിലയത്തിനു സമീപം ബുധനാഴ്ച ഉച്ചയ്ക്ക് ഒന്നരയോടെണ് അപകടം.

സമീപത്തെ കടയിൽ നിന്ന് പാൽ വാങ്ങി വീട്ടിലേക്ക് പോകുന്നതിനായി നിൽക്കുന്നതിനിടെ നിയന്ത്രണം വിട്ട ബൈക്ക്​ ഇടികുകയായിരുന്നു. തലയ്ക്ക് സാരമായി പരിക്കേറ്റ ഇയാളെ ഉടനെ ആശുപത്രിയിലെത്തിച്ചെങ്കിലും യാത്രാ മധ്യേ മരിച്ചു.

മൃതദേഹം മെഡിക്കൽ കോളേജ് ആശുപത്രി മോർച്ചറിയിൽ. ഭാര്യ:രാധ ശശി കുട്ടൻ. മക്കൾ: സുരേഷ് ബാബു (ഗൾഫ്) സൂര്യ ഷിബു, സുധീഷ് (ഗൾഫ്). മരുമക്കൾ: ബിന്ദു, ഷിബു, ആതിര. സംസ്കാരം വ്യാഴാഴ്ച ഉച്ചക്ക് വീട്ടുവളപ്പിൽ.