ഭാഗ്യവും നിർഭാഗ്യവും കൂട്ടിനെത്തി; അക്ഷരമുറ്റത്ത് അക്ഷര നേരത്തേ എത്തി

കു​ട്ട​നാ​ട്: വ​ർ​ക്ക് അ​റ്റ് ഹോ​മും ഓ​ൺ​ലൈ​ൻ പ​ഠ​ന​വു​മാ​യി ലോ​ക​മെ​ങ്ങും കെ​ട്ട​കാ​ല​ത്ത് കൂ​ട്ടം​കൂ​ടാ​തെ വി​റ​ങ്ങ​ലി​ച്ച് നി​ൽ​ക്കു​മ്പോ​ൾ കു​ട്ട​നാ​ട്ടി​ലെ കു​ട്ട​മം​ഗ​ല​ത്ത് ഗു​രു​ശൈ​ലം വീ​ട്ടി​ൽ അ​ക്ഷ​ര അ​ക്ഷ​ര​ലോ​ക​ത്തേ​ക്ക് നേ​രി​​ട്ടെ​ത്തി​യ​ത് സ്കൂ​ൾ പ്ര​വേ​ശ​നോ​ത്സ​വ​ത്തി​ലെ ഭാ​ഗ്യ​ക​ഥ​ക​ളി​ലൊ​ന്നാ​യി. സം​സ്ഥാ​ന​ത്ത് വീ​ട്ടി​ലി​രു​ന്ന് ഒ​ന്നാം​ക്ലാ​സി​ലേ​ക്ക് ആ​യി​ര​ക്ക​ണ​ക്കി​ന് കു​രു​ന്നു​ക​ൾ പ്ര​വേ​ശ​നം നേ​ടി​യ​പ്പോ​ൾ അ​ക്ഷ​ര​മാ​ത്രം ഒ​ന്നാം ക്ലാ​സി​ൽ നേ​രി​ട്ടെ​ത്തി കോ​വി​ഡ് കാ​ല​ത്തെ ച​രി​ത്രം കു​റി​ച്ചു.

കൈ​ന​ക​രി കു​ട്ട​മം​ഗ​ലം ഗു​രു​ശൈ​ല​ത്തി​ൽ രാ​ജീ​വും ഭാ​ര്യ ജ​യ​ന്തി​യും മ​ക്ക​ളാ​യ അ​ദ്വൈ​തി​നും അ​ക്ഷ​ര​ക്കു​മൊ​പ്പം ​േമ​യ്​ 11നാ​ണ്​ താ​മ​സി​ക്കാ​ൻ കു​ട്ട​മം​ഗ​ലം ശ്രീ​നാ​രാ​യ​ണ എ​ൽ.​പി സ്കൂ​ളി​ലെ​ത്തി​യ​ത്. ഇ​വ​രു​ടെ വീ​ടി​നോ​ട് ചേ​ർ​ന്ന വ​ലി​യ​തു​രു​ത്ത് പാ​ട​ശേ​ഖ​രം ക​ര​ക​വി​ഞ്ഞ​തോ​ടെ വീ​ട്ടി​നു​ള്ളി​ൽ മു​ട്ടി​ന് മു​ക​ളി​ൽ വെ​ള്ള​മെ​ത്തി. കു​ട്ടി​ക​ളെ​യും​കൊ​ണ്ട് പു​റ​ത്തേ​ക്ക് ഓ​ടി​യ രാ​ജീ​വി​നെ വാ​ർ​ഡ് മെം​ബ​ർ കെ.​എ. പ്ര​മോ​ദും എ​സ്.​എ​ൻ.​ഡി.​പി ശാ​ഖ സെ​ക്ര​ട്ട​റി അ​ജ​യ​ഘോ​ഷും ഇ​ട​പെ​ട്ട് സ്കൂ​ളി​ൽ അ​ഭ​യ​മൊ​രു​ക്കു​ക​യാ​യി​രു​ന്നു. മ​റ്റൊ​രു വീ​ട്ടി​ൽ ക​ഴി​യു​ന്ന രാ​ജീ​വി​െൻറ പി​താ​വി​ന് കോ​വി​ഡ് ബാ​ധി​ച്ചി​രു​ന്നു. അ​ദ്ദേ​ഹ​ത്തെ ഇ​വ​ർ കാ​ണാ​ൻ പോ​യ​തി​നെ​ത്തു​ട​ർ​ന്ന് കു​ടും​ബം ഒ​ന്ന​ട​ങ്കം ക്വാ​റ​ൻ​റീ​നി​ലാ​യി​രു​ന്നു. അ​ഞ്ചു​വ​യ​സ്സു​കാ​രി അ​ക്ഷ​ര അ​ക്ഷ​രം പ​ഠി​ക്കേ​ണ്ട ഒ​ന്നാം ക്ലാ​സി​ലാ​ണ്​ ഇ​പ്പോ​ൾ കു​ടും​ബം ക​ഴി​യു​ന്ന​ത്. അ​ങ്ങ​നെ സ്​​കൂ​ൾ പ്ര​വേ​ശ​ന ദി​വ​സം നേ​രി​ട്ട് ക്ലാ​സി​ലെ​ത്താ​നും അ​ക്ഷ​ര​ക്ക്​ ഭാ​ഗ്യം കി​ട്ടി​യെ​ന്ന്​ അ​മ്മ ജ​യ​ന്തി ക​ണ്ണീ​ർ തു​ട​ച്ചു​കൊ​ണ്ട് പ​റ​യു​ന്നു. ര​ണ്ട് ദി​വ​സ​ത്തി​നു​ള്ളി​ൽ വീ​ട്ടി​നു​ള്ളി​ലെ വെ​ള്ള​മി​റ​ങ്ങു​മെ​ന്നാ​ണ് പ്ര​തീ​ക്ഷ. ഇ​വി​ടെ തു​ട​രേ​ണ്ടി​വ​ന്നാ​ൽ ടി.​വി ഇ​ല്ലാ​ത്ത​തി​നാ​ൽ എ​ട്ടാം ക്ലാ​സു​കാ​ര​നാ​യ അ​ദ്വൈ​തി​െൻറ പ​ഠ​നം താ​ളം​തെ​റ്റു​മെ​ന്ന ആ​ശ​ങ്ക​യും രാ​ജീ​വ് പ​ങ്കു​വെ​ച്ചു.

സ്കൂ​ൾ പ്ര​വേ​ശ​നോ​ത്സ​വ ദി​വ​സം ബോ​ട്ട് സ​ർ​വി​സ് ഇ​ല്ലാ​തി​രു​ന്ന​തി​നാ​ൽ അ​ധ്യാ​പ​ക​രാ​രും സ്കൂ​ളി​ൽ എ​ത്തി​യി​രു​ന്നി​ല്ല. ഓ​ൺ​ലൈ​ൻ പ്ര​വേ​ശ​നോ​ത്സ​വ​ത്തി​ൽ ഒ​ന്നാം ക്ലാ​സി​ലി​രു​ന്ന് അ​ക്ഷ​ര​യാ​ണ് സ്വാ​ഗ​ത​ഗാ​ന​മാ​ല​പി​ച്ച​ത്. പ്ര​ഥ​മാ​ധ്യാ​പി​ക ധ​ന്യാ ജീ​മോ​ൻ അ​ക്ഷ​ര​യെ മ​റ്റു​ള്ള​വ​ർ​ക്ക് പ​രി​ച​യ​പ്പെ​ടു​ത്തി