സ്ഥാനാർഥി ദാ വന്നു ...ദേ പോയി...

കു​ട്ട​നാ​ട്: സ്ഥാ​നാ​ർ​ഥി​യാ​ക്കി മ​ണി​ക്കൂ​റു​ക​ൾ​ക്ക​കം പേ​ര് അ​പ്ര​ത്യ​ക്ഷ​മാ​യി. ഒ​രു മാ​സ​മാ​യി സ്ഥാ​നാ​ർ​ഥി​യാ​കു​മെ​ന്ന സൂ​ച​ന പാ​ർ​ട്ടി നേ​തൃ​ത്വ​ത്തി​ൽ​നി​ന്ന്​ കി​ട്ടി​യി​രു​ന്നു. ജി​ല്ല ഘ​ട​കം തൊ​ട്ട് താ​ഴേ​ക്ക് അ​നു​മ​തി മാ​ത്രം മ​തി​യാ​യി​രു​ന്നു പ്ര​ഖ്യാ​പ​ന​ത്തി​ന്. ഒ​ടു​വി​ൽ ഏ​റെ വൈ​കി ക​ഴി​ഞ്ഞ ഞാ​യ​റാ​ഴ്ച ഔ​ദ്യോ​ഗി​ക പ്ര​ഖ്യാ​പ​നം വ​ന്നു. മ​ഹേ​ശ്വ​രി വെ​ളി​യ​നാ​ട് ബ്ലോ​ക്ക് പ​ഞ്ചാ​യ​ത്ത് കാ​വാ​ലം ഡി​വി​ഷ​ൻ എ​ൽ.​ഡി.​എ​ഫ് സ്ഥാ​നാ​ർ​ഥി​യാ​യി. എ​ന്നാ​ൽ, എ​ല്ലാം മാ​റി​മ​റ​ഞ്ഞ​തു പെ​ട്ടെ​ന്നാ​യി​രു​ന്നു.

തി​ങ്ക​ളാ​ഴ്ച ഏ​രി​യ ക​മ്മി​റ്റി ഓ​ഫി​സി​ലെ​ത്തി​യ​പ്പോ​ൾ കി​ട്ടി​യ മ​റു​പ​ടി ഇ​ങ്ങ​നെ: നി​ങ്ങ​ളു​ടെ പേ​ര് വോ​ട്ട​ർ പ​ട്ടി​ക​യി​ൽ ഇ​ല്ല, അ​തി​നാ​ൽ ഒ​ഴി​വാ​കു​ന്നു. വീ​ട്ട​മ്മ​യാ​യ മ​ഹേ​ശ്വ​രി​യെ പാ​ർ​ട്ടി ഓ​ഫി​സി​ൽ​നി​ന്ന് വി​ളി​ച്ച് സ്ഥാ​നാ​ർ​ഥി​യാ​യി ക​ള​ത്തി​ലി​റ​ങ്ങാ​ൻ ആ​വ​ശ്യ​പ്പെ​ടു​ക​യാ​യി​രു​ന്നു. ഫോ​ട്ടോ ആ​വ​ശ്യ​പ്പെ​ട്ട് ഫ്ല​ക്സ്​ അ​ടി​യും തു​ട​ങ്ങി. സ്ഥാ​നാ​ർ​ഥി​ത്വം ഉ​റ​പ്പി​ച്ച് ഗു​രു​ക്ക​ന്മാ​രെ​ക്ക​ണ്ട് അ​നു​ഗ്ര​ഹം വാ​ങ്ങി വോ​ട്ട്​ അ​ഭ്യ​ർ​ഥ​ന​യും തു​ട​ങ്ങി. താ​ൻ സ്ഥാ​നാ​ർ​ഥി​യ​ല്ലെ​ന്ന് ഫേ​സ്ബു​ക്കി​ലൂ​ടെ അ​റി​യി​ക്കു​ന്ന തി​ര​ക്കി​ലാ​ണി​പ്പോ​ൾ. മ​ഹേ​ശ്വ​രി​ക്ക് സീ​റ്റ് നി​ഷേ​ധി​ച്ച​തി​ൽ പാ​ർ​ട്ടി​ക്കു​ള്ളി​ലും ജ​ന​ങ്ങ​ൾ​ക്കി​ട​യി​ലും അ​തൃ​പ്തി പു​ക​യു​ന്നു​ണ്ട്. അ​വ​സാ​ന നി​മി​ഷം പാ​ർ​ട്ടി ഓ​ഫി​സി​ൽ വി​ളി​ച്ച് വോ​ട്ട​ർ പ​ട്ടി​ക​യി​ൽ പേ​ര് ഇ​ല്ലെ​ന്ന് പ​റ​ഞ്ഞ​തി​നു പി​ന്നി​ൽ അ​ട​വു​ണ്ടെ​ന്നാ​ണ് പാ​ർ​ട്ടി​യി​ലു​ള്ള​വ​ർ​ത​ന്നെ പ​റ​യു​ന്ന​ത്. ലോ​ക്ക​ൽ ക​മ്മി​റ്റി സെ​ക്ര​ട്ട​റി​യു​ടെ അ​ടു​ത്ത ബ​ന്ധു​വാ​ണ് പു​തി​യ സ്ഥാ​നാ​ർ​ഥി. മ​ഹേ​ശ്വ​രി​യെ ത​ഴ​ഞ്ഞ് മി​നി​റ്റു​ക​ൾ​ക്കു​ള്ളി​ൽ പു​തി​യ സ്ഥാ​നാ​ർ​ഥി​യു​ടെ ഫ്ല​ക്സും ഉ​യ​ർ​ന്നു. വോ​ട്ട​ർ പ​ട്ടി​ക​യി​ൽ​നി​ന്ന്​ പേ​ര് വെ​ട്ടി​യ​താ​ണ​ന്ന സം​ശ​യ​വും പ​ങ്ക് വെ​ച്ച​വ​രു​ണ്ട്.

മു​മ്പ്​ വി.​എ​സ്​ പ​ക്ഷ​ക്കാ​ർ ഏ​റെ​യു​ണ്ടാ​യി​രു​ന്ന സ്ഥ​ലം കൂ​ടി​യാ​ണ് കാ​വാ​ലം. ഇ​തി​നി​ടെ ഏ​രി​യ സെ​ക്ര​ട്ട​റി പാ​ർ​ട്ടി മാ​ന​ദ​ണ്ഡ​ങ്ങ​ൾ മാ​നി​ക്കാ​തെ കാ​വാ​ലം പ​ഞ്ചാ​യ​ത്ത് മൂ​ന്നാം വാ​ർ​ഡി​ൽ സ്ഥാ​നാ​ർ​ഥി​യാ​യെ​ന്ന ആ​ക്ഷേ​പ​വും പാ​ർ​ട്ടി​ക്കു​ള്ളി​ൽ​നി​ന്ന് ഉ​യ​രു​ന്നു​ണ്ട്.