സം​സ്ഥാ​ന ബ​ജ​റ്റ്​; ജില്ലയിൽ നടപ്പാകാതെ കഴിഞ്ഞ ബജറ്റിലെ വാഗ്ദാനങ്ങൾ

ആ​ല​പ്പു​ഴ: ക​ഴി​ഞ്ഞ വ​ർ​ഷ​ത്തെ ബ​ജ​റ്റി​ൽ കു​ട്ട​നാ​ടി​ന്റെ അ​ടി​സ്ഥാ​ന സൗ​ക​ര്യ​വി​ക​സ​ന​ത്തി​നാ​യി പ്ര​ഖ്യാ​പി​ച്ച 100 കോ​ടി​യി​ലാ​യി​രു​ന്നു ജി​ല്ല​യു​ടെ പ്ര​തീ​ക്ഷ. പ്ര​ഖ്യാ​പ​ന​ത്തി​ന​പ്പു​റം ഒ​ന്നു​മു​ണ്ടാ​യി​ല്ല എ​ന്നാ​ണ്​ വ്യ​ക്ത​മാ​കു​ന്ന​ത്.

ന​ബാ​ർ​ഡ് ആ​ർ.​ഐ.​ഡി.​എ​ഫ് പ​ദ്ധ​തി​യി​ൽ ഉ​ൾ​പ്പെ​ടു​ത്തി അ​നു​വ​ദി​ച്ച ഈ ​തു​ക പാ​ട​ശേ​ഖ​ര​ങ്ങ​ളി​ലെ പു​റം​ബ​ണ്ട് നി​ർ​മാ​ണ​ത്തി​ന് ഉ​പ​യോ​ഗി​ക്കു​മെ​ന്നാ​ണ്​ പ​റ​ഞ്ഞ​ത്. ക​യ​ർ മേ​ഖ​ല​യു​ടെ വി​ക​സ​ന​ത്തി​നു​ള്ള പ​ദ്ധ​തി​ക​ളു​ടെ പ്ര​യോ​ജ​നം ജി​ല്ല​ക്കും ല​ഭി​ക്കു​മെ​ന്ന് പ്ര​തീ​ക്ഷി​ച്ചി​രു​ന്നു. സാ​മ്പ​ത്തി​ക വ​ർ​ഷം അ​വ​സാ​നി​ക്കാ​നി​രി​ക്കെ ര​ണ്ട്​ കാ​ര്യ​ത്തി​ലും ജി​ല്ല​ക്ക്​ ഗു​ണ​മു​ണ്ടാ​യി​ല്ല.

കു​ട്ട​നാ​ടി​നാ​യി പ്ര​ഖ്യാ​പി​ച്ച 100 കോ​ടി​യി​ൽ ജി​ല്ല​യി​ൽ 43.17 കോ​ടി​യു​ടെ 32 പ്ര​വൃ​ത്തി​ക​ൾ​ക്കാ​ണ്​ ഭ​ര​ണാ​നു​മ​തി ല​ഭി​ച്ച​ത്. ഈ 32 ​പ്ര​വൃ​ത്തി​ക​ൾ​ക്കും​ ബ​ജ​റ്റി​ന്​ മു​മ്പു​ത​ന്നെ തു​ട​ക്കം കു​റി​ച്ചി​രു​ന്നു. അ​തി​നാ​ൽ അ​ത്​ ബ​ജ​റ്റ്​ പ്ര​ഖ്യാ​പ​നം കൊ​ണ്ടു​ണ്ടാ​യ നേ​ട്ട​മെ​ന്ന്​ പ​റ​യാ​നാ​കി​ല്ല. ക​ഴി​ഞ്ഞ മാ​ർ​ച്ചി​ന്​ മു​മ്പു​ത​ന്നെ ന​ട​പ​ടി​ക​ൾ പൂ​ർ​ത്തി​യാ​ക്കി പ്ര​വൃ​ത്തി​ക​ൾ തു​ട​ങ്ങാ​നാ​ണ്​ ല​ക്ഷ്യ​മി​ട്ടി​രു​ന്ന​ത്.

ഒ​രു​വ​ർ​ഷം ആ​യി​ട്ടും ഇ​പ്പോ​ഴും ഭൂ​രി​ഭാ​ഗം പ്ര​വൃ​ത്തി​ക​ളു​ടെ​യും ടെ​ൻ​ഡ​ർ ന​ട​പ​ടി​ക​ൾ പോ​ലും പൂ​ർ​ത്തീ​ക​രി​ക്കാ​ൻ ഇ​റി​ഗേ​ഷ​ൻ വ​കു​പ്പി​നാ​യി​ട്ടി​ല്ല. ആ​ല​പ്പു​ഴ​ക്ക്​ ഭ​ര​ണാ​നു​മ​തി ന​ൽ​കി​യ 43.17 കോ​ടി ക​ഴി​ച്ച്​ ബാ​ക്കി​യു​ള്ള തു​ക കു​ട്ട​നാ​ടി​ന്‍റെ ഭാ​ഗ​മാ​യ കോ​ട്ട​യം, പ​ത്ത​നം​തി​ട്ട ജി​ല്ല​ക​ളി​ലാ​ണ്​ ചെ​ല​വ​ഴി​ക്കു​ക​യെ​ന്നും പ​റ​ഞ്ഞി​രു​ന്നു.

കു​ട്ട​നാ​ട്ടി​ലെ വെ​ള്ള​പ്പൊ​ക്കം ഒ​ഴി​വാ​ക്കാ​നെ​ന്ന പേ​രി​ൽ തോ​ട്ട​പ്പ​ളി​യി​ൽ​നി​ന്നും മ​ണ​ൽ ഖ​ന​നം മാ​ത്ര​മാ​ണ്​ ഊ​ജി​ത​മാ​യി ന​ട​ന്ന​ത്. ക​യ​റി​ന്റെ​യും ക​യ​ർ ഉ​ൽ​പ​ന്ന​ങ്ങ​ളു​ടെ​യും വി​ല​സ്ഥി​ര​ത ഉ​റ​പ്പു​വ​രു​ത്താ​ൻ 38 കോ​ടി രൂ​പ നീ​ക്കി​വെ​ച്ച​താ​യി പ്ര​ഖ്യാ​പി​ച്ചി​രു​ന്നു. ക​യ​റി​നു വി​പ​ണി വി​ല ഉ​റ​പ്പാ​ക്കാ​നാ​കു​മെ​ന്നാ​യി​രു​ന്നു പ്ര​തീ​ക്ഷ.

പ​ര​മ്പ​രാ​ഗ​ത തൊ​ഴി​ലാ​ളി​ക​ൾ​ക്ക് 1250 രൂ​പ നി​ര​ക്കി​ൽ ധ​ന​സ​ഹാ​യം ന​ൽ​കാ​നു​ള്ള പ​ദ്ധ​തി​ക്കു ബ​ജ​റ്റി​ൽ 90 കോ​ടി രൂ​പ അ​നു​വ​ദി​ച്ചി​രു​ന്നു. ഇ​തി​ൽ​നി​ന്നും ക​യ​ർ മേ​ഖ​ല​ക്ക്​ ആ​നു​പാ​തി​ക​മാ​യ തു​ക ല​ഭി​ക്കു​മെ​ന്നും പ്ര​തീ​ക്ഷി​ച്ചി​രു​ന്നു.

ക​യ​ർ മേ​ഖ​ല​ക്ക്​ ആ​ശ്വാ​സ​മൊ​ന്നും ഉ​ണ്ടാ​യി​ല്ല എ​ന്നാ​ണ്​ ഈ ​മേ​ഖ​ല​യി​ലെ ഭ​ര​ണ​പ​ക്ഷ യൂ​ണി​നു​ക​ൾ​പോ​ലും പ​റ​യു​ന്ന​ത്. ഇ​ത്​ മു​ൻ നി​ർ​ത്തി സ​മ​ര​ത്തി​നൊ​രു​ങ്ങു​ക​യാ​ണ്​ ക​യ​ർ തൊ​ഴി​ലാ​ളി​ക​ൾ.