എം.ഡി.എം.എയുമായി യുവാക്കൾ പിടിയിൽ

കായംകുളം: മാരക മയക്കുമരുന്നായ എം.ഡി.എം.എയുമായി യുവാക്കൾ പിടിയിൽ. കൊല്ലം മൈനാഗപ്പള്ളി ചരുവിള കിഴക്കതിൽ വീട്ടിൽ ആകാശ് (23), പോരുവഴി ഇടയ്ക്കാട് തെക്ക് റീഗൽ രാജാലയത്തിൽ പുല്ലംപള്ളിൽ റീഗൽ രാജ് (24) എന്നിവരെയാണ് ജില്ല ലഹരി വിരുദ്ധ സ്ക്വാഡും പൊലീസും ചേർന്ന് പിടികൂടിയത്. 21 ഗ്രാം എം.ഡി.എം.എ ഇവരിൽ നിന്ന് കണ്ടെടുത്തു.

ബംഗളൂരുവിൽ നിന്ന് മയക്കുമരുന്ന് വിൽപ്പനക്കായി കൊണ്ടുവരുന്നുവെന്ന രഹസ്യ വിവരത്തിൻ്റെ അടിസ്ഥാനത്തിലായിരുന്നു പരിശോധന.