കൃഷിയിടങ്ങളിൽ പുനരുജ്ജീവനവുമായി വനിത കർഷകക്കൂട്ടായ്മ

കാ​യം​കു​ളം: കാ​ലം തെ​റ്റി പെ​യ്ത മ​ഴ​യി​ൽ ന​ശി​ച്ച കൃ​ഷി​ക​ൾ തി​രി​കെ പി​ടി​ക്കാ​ൻ ഇ​ര​ട്ടി അ​ധ്വാ​ന​വു​മാ​യി മ​ണ്ണി​ൽ ഇ​റ​ങ്ങി വ​നി​ത കൂ​ട്ടാ​യ്മ. ന​ഗ​ര​സ​ഭ 26ാം വാ​ർ​ഡി​ലെ ഇ​ല്ലി​ക്കു​ളം, കേ​ള​ക്കൊ​മ്പി​ൽ പു​ര​യി​ട​ങ്ങ​ളി​ൽ ഇ​റ​ക്കി​യ കൃ​ഷി​യാ​ണ് മ​ഴ​യി​ൽ ന​ശി​ച്ച​ത്. ഇ​ല്ലി​ക്കു​ളം പു​ര​യി​ട​ത്തി​ലെ 40 സെ​ന്റി​ൽ ഇ​റ​ക്കി​യ എ​ള്ളു​കൃ​ഷി വീ​ണ്ടെ​ടു​ക്കാ​നാ​യി എ​ന്ന​ത് വ​നി​ത ക​ർ​ഷ​ക​ർ​ക്ക് ആ​ശ്വാ​സ​മാ​യി. ഇ.​എം.​എ​സ്, എ.​കെ.​ജി ഫാ​ർ​മേ​ഴ്സ് ക്ല​ബി​ലെ 22 വ​നി​ത​ക​ളും നാ​ല് പു​രു​ഷ​ന്മാ​രു​മാ​ണ് സു​ഭി​ക്ഷ കേ​ര​ളം പ​ദ്ധ​തി പ്ര​കാ​രം കൃ​ഷി​ക്കി​റ​ങ്ങി​യ​ത്.

മൂ​ന്നി​ട​ത്താ​യി ര​ണ്ട​ര ഏ​ക്ക​ർ സ്ഥ​ല​ത്ത് എ​ള്ള് കൂ​ടാ​തെ പ​യ​ർ, വ​ഴു​ത​ന, വെ​ണ്ട, ത​ക്കാ​ളി, പ​ച്ച​മു​ള​ക്, വാ​ഴ എ​ന്നി​വ​യാ​ണ് കൃ​ഷി ചെ​യ്ത​ത്. ത​രി​ശു​കി​ട​ന്ന ഭൂ​മി​യി​ൽ ക​ഴി​ഞ്ഞ ത​വ​ണ മു​ത​ലാ​ണ് കൃ​ഷി​യി​റ​ക്കി​യ​ത്. അ​ന്ന് മേ​യി​ൽ പെ​യ്ത മ​ഴ​യി​ൽ കൃ​ഷി പൂ​ർ​ണ​മാ​യി ന​ശി​ച്ചി​രു​ന്നു. ഇ​ത്​ ക​ണ​ക്കി​ലെ​ടു​ത്ത്​ മു​ൻ​കൂ​ട്ടി ഇ​റ​ക്കി​യ കൃ​ഷി​യാ​ണ് ക​ഴി​ഞ്ഞ ദി​വ​സ​ങ്ങ​ളി​ലെ മ​ഴ​യി​ൽ ത​ക​ർ​ന്ന​ടി​ഞ്ഞ​ത്.

ചീ​ര മാ​ത്ര​മാ​ണ് കാ​ര്യ​മാ​യി വി​ള​വ് ല​ഭി​ച്ച​ത്. പ​യ​ർ, വ​ഴു​ത​ന, ത​ക്കാ​ളി, പ​ച്ച​മു​ള​ക് എ​ന്നി​വ പൂ​ർ​ണ​മാ​യി ന​ശി​ച്ചു. വാ​ഴ​കൃ​ഷി കു​റെ വീ​ണ്ടെ​ടു​ക്കാ​നാ​യി. പൂ​ത്തു​തു​ട​ങ്ങി​യ എ​ള്ളാ​ണ് വെ​ള്ളം ക​യ​റി ച​രി​ഞ്ഞ​ത്. ക​ള​ക​ൾ മാ​റ്റി​യ​തോ​ടെ എ​ള്ളു​കൃ​ഷി വീ​ണ്ടെ​ടു​പ്പി​ന്റെ പാ​ത​യി​ലാ​ണ്. ഇ​നി​യും മ​ഴ പെ​യ്യ​രു​തെ​ന്ന പ്രാ​ർ​ഥ​ന​യി​ലാ​ണ് ക​ർ​ഷ​ക​ർ. സു​നി​ത, സു​ജ, സീ​ത സ​ജീ​വ്, ഉ​മാ​ദേ​വി എ​ന്നി​വ​രാ​ണ് ഫാ​ർ​മേ​ഴ്സ് ക്ല​ബി​നെ ന​യി​ക്കു​ന്ന​ത്. മ​ഴ​യി​ലെ കൃ​ഷി​ത​ക​ർ​ച്ച​യി​ൽ ത​ള​ർ​ന്നു​പോ​യ ക​ർ​ഷ​ക​രെ ന​ഗ​ര​സ​ഭ സ്ഥി​രം സ​മി​തി അ​ധ്യ​ക്ഷ​നാ​യ വാ​ർ​ഡ് കൗ​ൺ​സി​ല​ർ എ​സ്. കേ​ശു​നാ​ഥി​ന്റെ നി​ര​ന്ത​ര ഇ​ട​പെ​ട​ലാ​ണ് വീ​ണ്ടും കൃ​ഷി​യി​ട​ത്തി​ൽ എ​ത്തി​ച്ച​ത്. വാ​ർ​ഡി​നെ പൂ​ർ​ണ​മാ​യും ഹ​രി​താ​ഭ​മാ​ക്കു​ന്ന ത​ര​ത്തി​ൽ കൃ​ഷി വ്യാ​പി​പ്പി​ക്കു​മെ​ന്ന് കേ​ശു​നാ​ഥ് പ​റ​ഞ്ഞു.