കാർ തടഞ്ഞ്​ പണംതട്ടിയ കേസിൽ മൂന്നുപേർകൂടി പിടിയിൽ

കാ​യം​കു​ളം: ദേ​ശീ​യ​പാ​ത​യി​ൽ കാ​റി​ൽ സ​ഞ്ച​രി​ച്ച​വ​രെ ത​ട​ഞ്ഞു​നി​ർ​ത്തി ആ​ക്ര​മി​ച്ച് പ​ണം ത​ട്ടി​യ കേ​സി​ൽ മൂ​ന്നു​പേ​ർ കൂ​ടി പി​ടി​യി​ൽ.

ചെ​റു​ത​ന ക​ണ്ണ​ഞ്ചേ​രി​ൽ പു​തു​വ​ൽ അ​ഖി​ൽ (24), പ​ത്തി​യൂ​ർ പു​ത്ത​ൻ​പു​ര​യി​ൽ വി​ജേ​ഷ് (24), ചേ​പ്പാ​ട് ഏ​വൂ​ർ നോ​ർ​ത്ത് പ്ര​വീ​ൺ ഭ​വ​ന​ത്തി​ൽ പ്ര​വീ​ൺ (21) എ​ന്നി​വ​രെ​യാ​ണ് ക​ഴി​ഞ്ഞ ദി​വ​സം പൊ​ലീ​സ് അ​റ​സ്​​റ്റ്​ ചെ​യ്ത​ത്. ഇ​തോ​ടെ സം​ഭ​വ​ത്തി​ൽ ഉ​ൾ​പ്പെ​ട്ട ഏ​ഴു​പേ​ർ അ​റ​സ്​​റ്റി​ലാ​യി. ഇ​നി മൂ​ന്ന് പ്ര​തി​ക​ളെ​ക്കൂ​ടി കി​ട്ടാ​നു​ണ്ട്.

സി.​പി.​എം ബ്രാ​ഞ്ച് സെ​ക്ര​ട്ട​റി​യാ​യ കൊ​റ്റു​കു​ള​ങ്ങ​ര കി​ഴ​ക്ക​യ്യ​ത്ത് ഷാ​ജ​ഹാ​ൻ (55), ആ​ല​പ്പു​ഴ മെ​ഡി​ക്ക​ൽ കോ​ള​ജ് ജീ​വ​ന​ക്കാ​ര​നാ​യ പൊ​ന്നാ​റ​യി​ൽ മു​ഹ​മ്മ​ദ് റാ​ഫി (41), ഒ​റ​കാ​റ​ശേ​രി​ൽ സ​ലീ​മിെൻറ ഭാ​ര്യ മൈ​മൂ​ന​ത്ത് (48) എ​ന്നി​വ​രെ അ​ക്ര​മി​ച്ച് 9,85,000 രൂ​പ ത​ട്ടി​യെ​ടു​ത്ത കേ​സി​ലാ​ണ് ന​ട​പ​ടി.

കൊ​റ്റു​കു​ള​ങ്ങ​ര ഇ​ട​ശ്ശേ​രി ജ​ങ്ഷ​നി​ൽ ക​ഴി​ഞ്ഞ 27നാ​യി​രു​ന്നു സം​ഭ​വം. ഇ​വ​ർ കാ​റി​ൽ യാ​ത്ര​ചെ​യ്യു​ന്ന​തി​നി​ടെ ത​ട​ഞ്ഞു​നി​ർ​ത്തി അ​ക്ര​മി​ച്ച് പ​ണം ത​ട്ടി​യെ​ടു​ക്കു​ക​യാ​യി​രു​ന്നു. ഇ​തി​ൽ വ​യ​ലി​ൽ കു​ഴി​ച്ചി​ട്ടി​രു​ന്ന എ​ട്ടു​ല​ക്ഷം രൂ​പ പൊ​ലീ​സ് ക​ണ്ടെ​ടു​ത്തി​രു​ന്നു. പി​ടി​കി​ട്ടാ​നു​ള്ള റി​ജു​വി​െൻറ കൈ​യി​ലാ​ണ് ബാ​ക്കി തു​ക. ഇ​യാ​ൾ ത​മി​ഴ്‌​നാ​ട്ടി​ലേ​ക്ക് ക​ട​ന്ന​താ​യി സൂ​ച​ന​യു​ണ്ട്.