കെ.എസ്.ആർ.ടി.സിയിലെ മദ്യവിൽപ്പന നീക്കത്തിനെതിരെ പ്രതിഷേധ സംഗമം

കായംകുളം: കെ.എസ്.ആർ.ടി.സി ബസ് സ്റ്റേഷനുകളിൽ ബിവറേജസ് ഔട്ട്ലെറ്റുകൾ തുടങ്ങാനുള്ള നീക്കത്തിനെതിരെ മദ്യവിരുദ്ധ ജനകീയ മുന്നണിയുടെ നേതൃത്വത്തിൽ പ്രതിഷേധം സംഘടിപ്പിച്ചു. മദ്യവിരുദ്ധ ജനകീയ മുന്നണി ജില്ല വൈസ് ചെയർമാൻ എൻ.ആർ. അജയകുമാർ അധ്യക്ഷത വഹിച്ചു.

സോഷ്യൽ ഫോറം പ്രസിഡന്‍റ് ഒ. ഹാരീസ് ഉദ്ഘാടനം ചെയ്തു. താലൂക്ക് കോർഡിനേറ്റർ സൗഭാഗ്യകുമാരി മുഖ്യ പ്രഭാഷണം നടത്തി. അബ്ദുൾഖയിം, എൻ. ഉദയകുമാർ , മക്ബൂൽ മുട്ടാണിശ്ശേരി, താഹവൈദ്യൻ വീട്ടിൽ, റിയാസ് ഐക്യജംഗ്ഷൻ തുടങ്ങിയവർ സംസാരിച്ചു.