പെട്രോൾ പമ്പ് ജീവനക്കാരനെ ആക്രമിച്ച കേസിലെ പ്രതി അറസ്റ്റിൽ

കായംകുളം: പുള്ളിക്കണക്ക് ശക്തി ഫ്യൂവൽസിൽ അതിക്രമിച്ച് കയറി ജീവനക്കാരനെ അക്രമിച്ച കേസിൽ ഒരാൾ അറസ്റ്റിൽ. കൃഷ്ണപുരം ഷീജാ ഭവനത്തിൽ അഫ്സലാണ് (ഛോട്ടാ അഫ്സൽ -25) അറസ്റ്റിലായത്.

ഒന്നാം തിയതി രാത്രിയിൽ പ്ലാസ്റ്റിക് കുപ്പിയിൽ പെട്രോൾ നൽകിയില്ലായെന്ന കാരണത്താലായിരുന്നു അക്രമണം. സംഭവത്തിന് ശേഷം ഒളിവിൽ പോയ അഫ്സൽ പുള്ളിക്കണക്ക് ഗ്രൗണ്ടിന് സമീപം എത്തിയെന്ന രഹസ്യ വിവരത്തി​െൻറ അടിസ്ഥാനത്തിൽ പൊലീസെത്തിയാണ്​ കസ്റ്റഡിയിലായത്. ഇയാളുടെ രണ്ട് കൂട്ടാളികൾക്കായി അന്വേഷണം പുരോഗമിക്കുകയാണ്.

എസ്.ഐ ഉദയകുമാറി​െൻറ നേതൃത്വത്തിൽ പോലീസുകാരായ ഷാജഹാൻ, ശരത്, ദീപക്, അരുൺ , ഫിറോസ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.