ദേശീയപാത വികസനം; തൂണുകളിലെ ഉയരപ്പാത: പ്രതീക്ഷകളുമായി കേന്ദ്രമന്ത്രിയുടെ ഉറപ്പ്

കാ​യം​കു​ളം: തൂ​ണു​ക​ളി​ലെ ഉ​യ​ര​പ്പാ​ത വി​ഷ​യ​ത്തി​ൽ സാ​ധ്യ​ത പ​രി​ശോ​ധി​ക്ക​ണ​മെ​ന്നു​ള്ള കേ​ന്ദ്ര​മ​ന്ത്രി​യു​ടെ നി​ർ​ദേ​ശം ജ​ന​ങ്ങ​ൾ​ക്ക് പ്ര​തീ​ക്ഷ​ക്ക് വ​ക​ന​ൽ​കു​ന്നു.

കെ.​സി. വേ​ണു​ഗോ​പാ​ൽ എം.​പി ന​ട​ത്തി​യ ഇ​ട​പെ​ട​ലി​നെ തു​ട​ർ​ന്നാ​ണ് പൊ​തു​ജ​ന​ത്തി​ന് പ്ര​യാ​സ​മു​ണ്ടാ​ക്കു​ന്ന നി​ർ​മാ​ണ രീ​തി പു​നഃ​പ​രി​ശോ​ധി​ക്കു​മെ​ന്ന് കേ​ന്ദ്ര മ​ന്ത്രി നി​തി​ൻ ഗ​ഡ്ക​രി ഉ​റ​പ്പ് ന​ൽ​കി​യ​ത്. നി​ല​വി​ലു​ള്ള നി​ർ​മാ​ണ രീ​തി​യി​ലൂ​ടെ ജ​ന​ങ്ങ​ൾ നേ​രി​ടു​ന്ന പ്രാ​യോ​ഗി​ക പ്ര​തി​സ​ന്ധി​ക​ൾ മ​ന്ത്രി​ക്ക് മു​ന്നി​ൽ വി​ശ​ദ​മാ​യി വേ​ണു​ഗോ​പാ​ൽ അ​വ​ത​രി​പ്പി​ച്ച​തോ​ടെ​യാ​ണ് ഇ​ട​പെ​ട​ലി‍െൻറ സാ​ധ്യ​ത തെ​ളി​ഞ്ഞ​ത്. തു​ട​ർ​ന്ന് ദേ​ശീ​യ​പാ​ത അ​തോ​റി​റ്റി​യി​ലെ ഉ​ന്ന​ത അ​ധി​കൃ​ത​രോ​ട് വി​ഷ​യ​ത്തി​ൽ ഇ​ട​പെ​ടാ​ൻ മ​ന്ത്രി നി​ർ​ദേ​ശി​ച്ചി​ട്ടു​ണ്ട്. ജി​ല്ല​യി​ലെ ജ​ന​സാ​ന്ദ്ര​ത കൂ​ടി​യ ന​ഗ​രം, പ്ര​ധാ​ന റെ​യി​ൽ​വേ ജ​ങ്ഷ​ൻ, ജ​ല​പാ​ത ക​ട​ന്നു​പോ​കു​ന്ന കാ​യ​ൽ പ്ര​ദേ​ശം, തീ​ര​ദേ​ശ​ത്തെ ദേ​ശീ​യ​പാ​ത​യി​ലേ​ക്ക് ബ​ന്ധി​പ്പി​ക്കു​ന്ന പ്ര​ദേ​ശം തു​ട​ങ്ങി നാ​ടി‍െൻറ പ്രാ​ധാ​ന്യം മ​ന്ത്രി​യെ ബോ​ധ്യ​പ്പെ​ടു​ത്താ​നാ​യി.

നി​ല​വി​ലെ രൂ​പ​രേ​ഖ​യി​ലെ പാ​ത വി​ക​സ​നം ന​ഗ​ര​ത്തെ ഗ​താ​ഗ​ത​ക്കു​രു​ക്കു​ക​ളി​ലൂ​ടെ ശ്വാ​സം​മു​ട്ടി​ക്കു​ന്ന​താ​യ​തോ​ടെ ഇ​തി​നെ​തി​രെ ക​ടു​ത്ത പ്ര​തി​ഷേ​ധ​മാ​ണ് ഉ​യ​ർ​ന്ന​ത്. പ്രാ​ദേ​ശി​ക​മാ​യി ആ​യി​ര​ക്ക​ണ​ക്കി​ന് വാ​ഹ​ന​ങ്ങ​ൾ ത​ല​ങ്ങും​വി​ല​ങ്ങും പാ​യു​ന്ന ന​ഗ​ര​ത്തി‍െൻറ പ്രാ​ധാ​ന്യം വി​ല​യി​രു​ത്താ​തെ​യാ​ണ് രൂ​പ​രേ​ഖ ത​യാ​റാ​ക്കി​യ​തെ​ന്ന ആ​ക്ഷേ​പം ശ​ക്ത​മാ​യി​രു​ന്നു. വേ​ണ്ട​ത്ര അ​ടി​പ്പാ​ത​ക​ൾ​ക്ക് പോ​ലും നി​ർ​ദേ​ശ​മി​ല്ലാ​തെ ന​ഗ​ര​ത്തെ കോ​ട്ട കെ​ട്ടി ര​ണ്ടാ​യി തി​രി​ക്കു​ന്ന ത​ര​ത്തി​ലാ​ണ്​ റോ​ഡ്​ നി​ർ​മാ​ണം രൂ​പ​ക​ൽ​പ​ന ചെ​യ്തി​രി​ക്കു​ന്ന​ത്.

ഇ​തി​ലൂ​ടെ ന​ഗ​ര​ത്തി‍െൻറ പ​ടി​ഞ്ഞാ​റെ ക​ര​യി​ലു​ള്ള 15ഓ​ളം വാ​ർ​ഡു​കാ​രും ദേ​വി​കു​ള​ങ്ങ​ര, ക​ണ്ട​ല്ലൂ​ർ, മു​തു​കു​ളം, ആ​റാ​ട്ടു​പു​ഴ പ​ഞ്ചാ​യ​ത്തു​ക​ളി​ൽ നി​ന്നു​ള്ള​വ​രു​ടെ ന​ഗ​ര​ത്തി​ലേ​ക്കു​ള്ള സു​ഗ​മ​മാ​യ യാ​ത്ര​യാ​ണ് ത​ട​യ​പ്പെ​ടു​ന്ന​ത്. കൂ​ടാ​തെ ബ​സു​ക​ളും ലോ​റി​ക​ളും ഓ​ട്ടോ​ക​ളി​ലു​മാ​യി ന​ഗ​രം ചു​റ്റി​ത്തി​രി​യു​ന്ന അ​ന​വ​ധി​യാ​യ വാ​ഹ​ന​ങ്ങ​ൾ ന​ഗ​ര​ത്തി​ലേ​ക്ക് ക​ട​ക്കാ​ൻ മ​ണി​ക്കൂ​റു​ക​ൾ കാ​ത്തു​കി​ട​ക്കേ​ണ്ടി​യും വ​രും.

ഈ ​സാ​ഹ​ച​ര്യ​ങ്ങ​ളാ​ണ് ഷ​ഹീ​ദാ​ർ മ​സ്ജി​ദ് ഭാ​ഗം മു​ത​ൽ ചി​റ​ക്ക​ട​വം വ​രെ തൂ​ണു​ക​ളി​ലെ ഉ​യ​ര​പ്പാ​ത എ​ന്ന ആ​വ​ശ്യം ഉ​യ​രാ​ൻ കാ​ര​ണ​മാ​യ​ത്. കൂ​ടാ​തെ തീ​ര​ത്തോ​ട് ചേ​ർ​ന്നു​ള്ള ന​ഗ​ര​മെ​ന്ന നി​ല​യി​ലു​ള്ള പാ​രി​സ്ഥി​തി​ക ഘ​ട​ന​യും ഉ​യ​ര​പ്പാ​ത​യാ​ണ് ശാ​സ്ത്രീ​യ പ​രി​ഹാ​ര​മെ​ന്ന്​ ചൂ​ണ്ടി​ക്കാ​ണി​ക്ക​പ്പെ​ട്ടി​രു​ന്നു. ഇ​തി​നാ​യി ജ​ന​കീ​യ സ​മ​ര സ​മി​തി​യു​ടെ നേ​തൃ​ത്വ​ത്തി​ൽ ശ​ക്ത​മാ​യ സ​മ​ര​മാ​ണ് ന​ട​ന്നു​വ​രു​ന്ന​ത്. ഇ​വ​ർ ന​ൽ​കി​യ നി​വേ​ദ​ന​ത്തി‍െൻറ അ​ടി​സ്ഥാ​ന​ത്തി​ലാ​ണ് കെ.​സി. വേ​ണു​ഗോ​പാ​ൽ എം.​പി​യു​ടെ ഇ​ട​പെ​ട​ൽ. ഇ​തേ ആ​വ​ശ്യ​മു​ന്ന​യി​ച്ച് എ.​എം. ആ​രി​ഫ് എം.​പി​യും കേ​ന്ദ്ര​മ​ന്ത്രി​ക്ക് നി​വേ​ദ​നം ന​ൽ​കി​യി​രു​ന്നു.