സഞ്ചാരികളെ മാടിവിളിച്ച്​ കൃഷ്ണപുരം കൊട്ടാരം; കേ​ര​ളീ​യ വാ​സ്തു​ശി​ൽ​പ​ക​ല​യു​ടെ ത​നി​മ​യാ​ണ്​ കൊ​ട്ടാ​ര​ത്തെ വേ​റി​ട്ടു​നി​ർ​ത്തു​ന്ന​ത്

കാ​യം​കു​ളം: ദേ​ശീ​യ​പാ​ത​യോ​ര​ത്തി​ന് വി​ളി​പ്പാ​ട​ക​ലെ കേ​ര​ളീ​യ വാ​സ്തു​ശി​ൽ​പ​ക​ല​യു​ടെ മി​ക​ച്ച മാ​തൃ​ക​യാ​യ കൃ​ഷ്ണ​പു​രം കൊ​ട്ടാ​രം സ​ഞ്ചാ​രി​ക​ളെ മാ​ടി​വി​ളി​ക്കു​ന്നു. കോ​വി​ഡ് മ​ഹാ​മാ​രി​യാ​ൽ അ​ട​ച്ചി​ട്ട കൊ​ട്ടാ​രം ​െസ​പ്​​റ്റം​ബ​ർ 14 നാ​ണ് വീ​ണ്ടും തു​റ​ന്ന​ത്. വെ​ള്ളി, ശ​നി, ഞാ​യ​ർ ദി​വ​സ​ങ്ങ​ളി​ൽ 500ന് ​മു​ക​ളി​ൽ സ​ന്ദ​ർ​ശ​ക​ർ എ​ത്തു​ന്നു​ണ്ട്. തി​ങ്ക​ളാ​ഴ്ച അ​വ​ധി​യാ​ണ്. കൊ​ട്ടാ​ര​വും പ​രി​സ​ര​വും വി​വാ​ഹ ആ​ൽ​ബ​ങ്ങ​ൾ​ക്ക്​ പ​ക​ർ​ത്താ​ൻ ഇ​പ്പോ​ൾ 1550 രൂ​പ ഇൗ​ടാ​ക്കു​ന്നു​ണ്ട്. ഒ​രു​മാ​സ​ത്തി​ൽ ഇ​ങ്ങ​നെ അ​ര ല​ക്ഷ​ത്തോ​ളം രൂ​പ​യാ​ണ് ല​ഭി​ച്ച​ത്. കാ​യം​കു​ള​ത്തി​നും ഒാ​ച്ചി​റ​ക്കു​മി​ട​യി​ൽ കൃ​ഷ്ണ​പു​ര​ത്തു​നി​ന്ന്​ 500 മീ​റ്റ​ർ അ​ക​ത്തോ​ട്ട് മാ​റി​യാ​ണ് കൊ​ട്ടാ​രം.

കേ​ര​ളീ​യ വാ​സ്തു​ശി​ൽ​പ​ക​ല​യു​ടെ ത​നി​മ പ്ര​ക​ട​മാ​ക്കു​ന്ന നി​ർ​മാ​ണ​വൈ​ഭ​വ​മാ​ണ് കൊ​ട്ടാ​ര​ത്തെ വേ​റി​ട്ടു​നി​ർ​ത്തു​ന്ന​ത്. തൃ​കോ​ണാ​കൃ​തി​യി​െ​ല മു​ഖ​പ്പു​ക​ളോ​ടു കൂ​ടി​യ മേ​ൽ​ക്കൂ​ര​യും ക​ന​ത്ത വാ​തി​ൽ​പ്പ​ടി​ക​ളും ഇ​ടു​ങ്ങി​യ ഇ​ട​നാ​ഴി​ക​ളും നി​റ​ഞ്ഞ 16 കെ​ട്ടാ​ണ് കൊ​ട്ടാ​രം. 22 മു​റി, പൂ​മു​ഖം, കോ​ണി​ത്ത​ളം, നീ​രാ​ഴി​ക്കെ​ട്ട്, നെ​ല്ല​റ, മ​ട​പ്പ​ള്ളി, അ​ടു​ക്ക​ള എ​ന്നി​വ താ​ഴ​ത്തെ നി​ല​യി​ലും മ​ന്ത്ര​ശാ​ല, അ​തി​ഥി​മു​റി, കി​ട​പ്പു​മു​റി​ക​ൾ എ​ന്നി​വ മു​ക​ളി​ല​ത്തെ നി​ല​യി​ലു​മാ​ണു​ള്ള​ത്. തേ​ക്കി​ലും ആ​ഞ്ഞി​ലി​യി​ലും ക​ട​ഞ്ഞെ​ടു​ത്ത കൊ​ത്തു​പ​ണി​ക​ൾ ക​ലാ​മേ​ന്മ വി​ളി​ച്ചോ​തു​ന്നു. പ​ടി​ഞ്ഞാ​റു​വ​ശ​ത്തെ ശു​ദ്ധ​ജ​ലം നി​റ​ഞ്ഞ നീ​രാ​ഴി​ക്കെ​ട്ട് കൊ​ട്ടാ​ര​ത്തെ​യും പ​രി​സ​ര​ത്തെ​യും സ​ദാ കു​ളി​ർ​മ​യു​ള്ള​താ​ക്കു​ന്നു. 18ാം നൂ​റ്റാ​ണ്ടി​ൽ തി​രു​വി​താ​കൂ​ർ ഭ​ര​ണാ​ധി​കാ​രി​യാ​യി​രു​ന്ന മാ​ർ​ത്താ​ണ്ഡ വ​ർ​മ​യാ​ണ് കൊ​ട്ടാ​രം പു​ന​ർ​നി​ർ​മി​ച്ച​ത്.

കേ​ര​ള​ത്തി​ലെ ഏ​റ്റ​വും വ​ലി​യ ഒ​റ്റ​പ്പാ​ന​ൽ ചു​വ​ർ​ചി​ത്ര​മെ​ന്ന് വി​ശേ​ഷി​പ്പി​ക്കാ​വു​ന്ന 'ഗ​ജേ​ന്ദ്ര​മോ​ക്ഷം' കൊ​ട്ടാ​ര​ത്തി​ലെ മ​നോ​ഹ​ര കാ​ഴ്ച​ക​ളി​ലൊ​ന്ന്. പു​രാ​ണ​പ്ര​സി​ദ്ധ​മാ​യ ഗ​ജേ​ന്ദ്ര​മോ​ക്ഷം ക​ഥ​യെ ആ​സ്പ​ദ​മാ​ക്കി​യ ചി​ത്ര​ത്തി​ന്​ 154 ച​തു​ര​ശ്ര​യ​ടി വ​ലു​പ്പ​മു​ണ്ട്. കാ​വി​ക​ല​ർ​ന്ന ചു​വ​പ്പി​ൽ വ​ര​ച്ച ഗ​രു​ഡ​ൻ, ഹ​രി​ത​നീ​ല​വ​ർ​ണ​ത്തി​ലെ മ​ഹാ​വി​ഷ്ണു, ഗ​ജേ​ന്ദ്ര​ൻ, ക​റു​ത്ത വ​ര​ക​ളാ​ൽ മു​ത​ല, ഋ​ഷീ​ശ്വ​ര​ന്മാ​ർ, ആ​ന​ക​ൾ, കി​ന്ന​ര​പ്പ​ക്ഷി​ക​ൾ, താ​മ​ര​പ്പൊ​യ്ക, ശ്രീ​കൃ​ഷ്ണ​രൂ​പം, കൃ​ഷ്ണ​നും ഗോ​പി​ക​യും ഗോ​പ​സ്ത്രീ​ക​ൾ എ​ന്നി​വ​യു​മു​ണ്ട്. മൂ​ന്ന് നൂ​റ്റാ​ണ്ടി​ലേ​റെ പ​ഴ​ക്ക​മാ​ണ് ചി​ത്ര​ത്തി​നു​ള്ള​ത്. പ​ച്ചി​ല​ച്ചാ​റ്, പ​ഴ​ച്ചാ​റ്, മ​ഞ്ഞ​ൾ​പ്പൊ​ടി, ചു​ണ്ണാ​മ്പ്, ഇ​ഷ്​​ടി​ക​പ്പൊ​ടി, പ​ന​ച്ച​ക്ക​യു​ടെ പ​ശ, ക​ള്ളി​മു​ള്ളി​െൻറ നീ​ര് എ​ന്നി​വ​യു​ടെ കൂ​ട്ടാ​ണ് ചി​ത്ര​ര​ച​ന​ക്ക്​ ഉ​പ​യോ​ഗി​ച്ച​ത്.

1960ൽ ​പു​രാ​വ​സ്തു​വ​കു​പ്പ് ഏ​റ്റെ​ടു​ത്ത​തോ​ടെ സം​സ്ഥാ​ന​ത്തിെൻറ വി​വി​ധ ഭാ​ഗ​ങ്ങ​ളി​ൽ​നി​ന്നു​ള്ള വ​സ്തു​ക്ക​ളും പ്ര​ദ​ർ​ശ​ന​ത്തി​നു​ണ്ട്. കാ​യം​കു​ളം വാ​ൾ, വി​വി​ധ യു​ദ്ധോ​പ​ക​ര​ണ​ങ്ങ​ൾ, കൈ​യാ​മ​ങ്ങ​ൾ, ക​ണ്ണാ​ടി​യും പ്ര​ഭ​യും, സം​സ്കൃ​ത​ത്തി​ൽ ര​ചി​ച്ച ബൈ​ബി​ൾ, നാ​ഗ​രൂ​പ​ങ്ങ​ൾ, തൂ​ക്ക​ക്ക​ട്ടി​ക​ളും അ​ള​വു​പാ​ത്ര​ങ്ങ​ളും തു​ട​ങ്ങി​യ​വ ഒ​രു​ക്കി​യി​ട്ടു​ണ്ട്. ഹ​ര​പ്പ-​മോ​ഹ​ൻ​െ​ജാ​ദാ​രോ ഉ​ൽ​ഖ​ന​നാ​വ​ശി​ഷ്​​ട​ങ്ങ​ൾ, മ​ഹാ​ശി​ലാ​യു​ഗ സം​സ്കാ​ര അ​വ​ശി​ഷ്​​ട​ങ്ങ​ൾ തു​ട​ങ്ങി അ​പൂ​ർ​വ​മാ​യ കാ​ഴ്ച​വ​സ്തു​ക്ക​ളു​മു​ണ്ട്.