കേരള സർവകലാശാല ഒന്നാം റാങ്ക് ജേതാവിനെ അനുമോദിച്ചു

കായംകുളം: കേരള സർവകലാശാലയിൽ നിന്നും ബി.എ അറബിക്കിന് ഒന്നാം റാങ്ക് നേടിയ എം.എസ്.എം കോളജ് വിദ്യാർഥി ഉവൈസ് ശിഹാബുദ്ദീനെ എം.എസ്.എഫ് നിയോജക മണ്ഡലം കമ്മിറ്റിയുടെ നേതൃത്വത്തിൽ അനുമോദിച്ചു. ജില്ല പ്രസിഡന്‍റ് ഇജാസ് ലിയാഖത്ത് പൊന്നാട അണിയിച്ചു. നിയോജക മണ്ഡലം പ്രസിഡന്‍റ് ബാദുഷാ ബഷീർ, ജനറൽ സെക്രട്ടറി ഇർഫാൻ ഐകരയിൽ, ജില്ല സെക്രട്ടറി എം.എച്ച്. ഉനൈസ്, നെസ്മൽ ബഷീർ, ഇഹ്‌സാൻ ഇർഷാദ്, അഫ്രിൻ നവാസ് തുടങ്ങിയവർ പങ്കെടുത്തു.