'തോറ്റിട്ടില്ല, തോറ്റിട്ടില്ല, തോറ്റ ചരിത്രം കേട്ടിട്ടില്ല'

കാ​യം​കു​ളം: ന​ഗ​ര​സ​ഭ ച​രി​ത്ര​ത്തി​ൽ 'സ്വ​ത​ന്ത്ര​െൻറ' വി​ല അ​ട​യാ​ള​പ്പെ​ടു​ത്തി​യ ക​രു​വി​ൽ നി​സാ​ർ വീ​ണ്ടും സ്വ​ത​ന്ത്ര കു​പ്പാ​യ​ത്തി​ൽ ജ​ന​വി​ധി തേ​ടു​ന്നു. ര​ണ്ടു​ത​വ​ണ വീ​തം സ്വ​ത​ന്ത്ര​നാ​യും സോ​ഷ്യ​ലി​സ്​​റ്റാ​യും വി​ജ​യി​ച്ച​ശേ​ഷം വീ​ണ്ടും സ്വ​ത​ന്ത്ര​നാ​കേ​ണ്ടി​വ​ന്ന​തി​ന് പി​ന്നി​ൽ നി​ല​പാ​ടി​െൻറ രാ​ഷ്​​ട്രീ​യം​കൂ​ടി ഉ​ൾ​പ്പെ​ടു​ന്നു. ലോ​ക്​​താ​ന്ത്രി​ക് ജ​ന​താ​ദ​ളി​നൊ​പ്പം ഇ​ട​തു​പ​ക്ഷ​ത്ത് എ​ത്തി​യെ​ങ്കി​ലും ന​ഗ​ര വി​ക​സ​ന​ത്തി​ൽ നി​ല​പാ​ട് മാ​റ്റാ​ൻ ത​യാ​റാ​കാ​തി​രു​ന്ന​താ​ണ് തി​രി​ച്ച​ടി​യാ​യ​ത്. സെ​ൻ​ട്ര​ൽ സ്വ​കാ​ര്യ സ്​​റ്റാ​ൻ​ഡ്, സ​സ്യ​മാ​ർ​ക്ക​റ്റ് ക​ട​മു​റി കൈ​മാ​റ്റം തു​ട​ങ്ങി​യ വി​ഷ​യ​ങ്ങ​ളി​ൽ പ്ര​തി​പ​ക്ഷ​ത്തി​നൊ​പ്പം ചേ​ർ​ന്ന് പ​ഴ​യ​നി​ല​പാ​ട് പ​ര​സ്യ​മാ​യി പ്ര​ഖ്യാ​പി​ച്ച​ത്​ ഇ​ട​തു​മു​ന്ന​ണി​യു​ടെ അ​നി​ഷ്​​ട​ത്തി​നി​ട​യാ​ക്കി​രു​ന്നു.

ഇ​തോ​ടെ​യാ​ണ് 2010ൽ ​യു.​ഡി.​എ​ഫ് ടി​ക്ക​റ്റി​ൽ 74വോ​ട്ടി​ന് വി​ജ​യി​ച്ച 42ാം വാ​ർ​ഡി​ൽ സ്വ​ത​ന്ത്ര​നാ​യി രം​ഗ​ത്തി​റ​ങ്ങാ​ൻ കാ​ര​ണ​മാ​യ​ത്. അ​ന്ന് സി.​പി.​എം സ്ഥാ​നാ​ർ​ഥി​യാ​യി നി​സാ​റി​നെ നേ​രി​ട്ട തു​ണ്ട​ത്തി​ൽ ശ്രീ​ഹ​രി​യാ​ണ് ഇ​ത്ത​വ​ണ കോ​ൺ​ഗ്ര​സ് ടി​ക്ക​റ്റി​ൽ മ​ത്സ​രി​ക്കു​ന്ന​ത്. നി​സാ​ർ 2000ത്തി​ൽ 30ാം വ​യ​സ്സി​ലാ​ണ് 35ാം വാ​ർ​ഡി​ൽ ക​ന്നി​യ​ങ്ക​ത്തി​നി​റ​ങ്ങു​ന്ന​ത്. പ്ര​ബ​ല മു​ന്ന​ണി​സ്ഥാ​നാ​ർ​ഥി​ക​ളെ അ​ട്ടി​മ​റി​ച്ച് 47വോ​ട്ടി​നാ​ണ് ജ​യി​ച്ച​ത്. തു​ട​ർ​ന്ന് ന​ഗ​ര​ഭ​ര​ണ​ത്തി​ൽ യു.​ഡി.​എ​ഫി​നെ പി​ന്തു​ണ​ച്ച് സ്ഥി​രം സ​മി​തി അ​ധ്യ​ക്ഷ​നാ​യെ​ങ്കി​ലും 2005ലെ ​മ​ത്സ​ര​ത്തി​ൽ പി​ന്തു​ണ​ക്കാ​ൻ ത​യാ​റാ​യി​ല്ല. തു​ട​ർ​ന്ന് 44ാം വാ​ർ​ഡി​ൽ മ​ത്സ​രി​ച്ച് 64 വോ​ട്ടി​ന് ജ​യി​ച്ചു.

ശ​ത്രു​ത മ​റ​ന്ന് വീ​ണ്ടും യു.​ഡി.​എ​ഫി​നെ തു​ണ​ച്ച് സ്ഥി​രം സ​മി​തി അ​ധ്യ​ക്ഷ​നാ​യി. 2010ൽ ​ജ​ന​താ​ദ​ളു​കാ​ര​നാ​യി 42ാം വാ​ർ​ഡി​ൽ യു.​ഡി.​എ​ഫു​കാ​ര​നാ​യി മ​ത്സ​രി​ച്ച് 74 വോ​ട്ടി​ന് തെ​ര​ഞ്ഞെ​ടു​ക്ക​പ്പെ​ട്ടു. 2015ലും ​ഇ​തേ ബാ​ന​റി​ൽ 40ൽ ​മ​ത്സ​രി​ച്ച് 303 വോ​ട്ടി​ന് വി​ജ​യി​ച്ചു. ഒാ​രോ വ​ർ​ഷ​വും ഭൂ​രി​പ​ക്ഷം വ​ർ​ധി​പ്പി​ച്ച് ജ​ന​കീ​യ അം​ഗീ​കാ​രം തെ​ളി​യി​ച്ചി​ട്ടും നി​ല​പാ​ട് കാ​ര​ണം വീ​ണ്ടും സ്വ​ത​ന്ത്ര​നാ​കേ​ണ്ടി വ​ന്ന​തി​ൽ സ​ന്തോ​ഷ​മേ​യു​ള്ളൂ​വെ​ന്ന് നി​സാ​ർ പ​റ​യു​ന്നു.