കാക്കിക്കുള്ളിലെ കർഷകർ ഒത്തുചേർന്ന​ു; പച്ചപ്പണിഞ്ഞ്​ സ്​റ്റേഷൻ വളപ്പ്

കാ​യം​കു​ളം: കാ​ക്കി​ക്കു​ള്ളി​ലെ ക​ർ​ഷ​ക​ർ ഒ​ത്തു​ചേ​ർ​ന്ന​പ്പോ​ൾ കാ​ടു​മൂ​ടി​യ സ്​​റ്റേ​ഷ​ൻ വ​ള​പ്പി​ൽ പ​ച്ച​ക്ക​റി​ക​ൾ വി​ള​യു​ന്നു. കാ​യം​കു​ളം ട്രാ​ഫി​ക് സ്​​റ്റേ​ഷ​ൻ പ​രി​സ​ര​ത്താ​ണ് പൊ​ലീ​സു​കാ​ർ സം​ഘ​കൃ​ഷി​യു​ടെ വി​ജ​യ​ഗാ​ഥ ര​ചി​ച്ച​ത്. കാ​ട് വെ​ട്ടി​ത്തെ​ളി​ച്ച് കൃ​ഷി ചെ​യ്യാ​മെ​ന്നു​ള്ള പൊ​ലീ​സു​കാ​രു​ടെ താ​ൽ​പ​ര്യ​ത്തി​ന് ഡി​വൈ.​എ​സ്.​പി അ​ല​ക്സ് ബേ​ബി സ​മ്മ​തം മൂ​ളി​യ​തോ​ടെ കാ​ര്യ​ങ്ങ​ൾ വേ​ഗ​ത്തി​ലാ​യി.

കൃ​ഷി​ഭ​വ​നി​ൽ​നി​ന്ന്​ വി​ത്തു​ക​ൾ കൂ​ടി എ​ത്തി​ച്ച​തോ​ടെ വി​ശ്ര​മ​വേ​ള​ക​ളി​ൽ കാ​ടു​വെ​ട്ടി​ത്തെ​ളി​ച്ച് മ​െ​ണ്ണാ​രു​ക്കി ഭൂ​മി പാ​ക​പ്പെ​ടു​ത്തി. തു​ട​ർ​ന്ന് വെ​ണ്ട, പ​യ​ർ, ചീ​ര, കോ​ളി​ഫ്ല​വ​ർ, വ​ഴു​ത​ന തു​ട​ങ്ങി​യ​വ​യാ​ണ് പ​രീ​ക്ഷ​ണാ​ടി​സ്ഥാ​ന​ത്തി​ൽ കൃ​ഷി​ചെ​യ്ത​ത്. ജൈ​വ​വ​ള പ്ര​യോ​ഗ​വും മി​ക​ച്ച പ​രി​പാ​ല​ന​വും ന​ൽ​കി​യ​പ്പോ​ൾ തൈ​ക​ളെ​ല്ലാം ത​ഴ​ച്ചു​വ​ള​ർ​ന്നു. ആ​ദ്യ​കൃ​ഷി​യി​ൽ നൂ​റു​മേ​നി വി​ള​വ് ല​ഭി​ച്ച​തി​ലൂ​ടെ കൃ​ഷി വ്യാ​പി​പ്പി​ക്കാ​നു​ള്ള ശ്ര​മ​ത്തി​ലാ​ണി​വ​ർ. കൂ​ടു​ത​ൽ ഭാ​ഗം വൃ​ത്തി​യാ​ക്കി പാ​വ​ൽ, പ​ട​വ​ലം തു​ട​ങ്ങി​യ​വ​കൂ​ടി കൃ​ഷി ചെ​യ്യാ​നാ​ണ് ല​ക്ഷ്യ​മി​ടു​ന്ന​തെ​ന്ന്​ എ​സ്.െ​എ എം. ​രാ​ജേ​ന്ദ്ര​ൻ പ​റ​ഞ്ഞു.

സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ അ​നി​ൽ​കു​മാ​ർ, അ​നൂ​പ്, അ​രു​ൺ, അ​നി​രു​ദ്ധ​ൻ, ഹോം ​ഗാ​ർ​ഡു​ക​ളാ​യ വി​ദ്യാ​ധ​ര​ൻ, രാ​ജു തു​ട​ങ്ങി​യ​വ​രാ​ണ് കൃ​ഷി​ക്ക് മേ​ൽ​നോ​ട്ടം വ​ഹി​ക്കു​ന്ന​ത്.