തീരദേശ വികസനം: ഒറ്റപ്പെടലിന്‍റെ ആശങ്കയിൽ തീരവാസികൾ

കാ​യം​കു​ളം: തീ​ര​ദേ​ശ​ത്തു​കാ​രു​ടെ ന​ഗ​ര​ത്തി​ലേ​ക്കു​ള്ള സു​ഗ​മ​മാ​യ സ​ഞ്ചാ​രം ത​ട​യു​ന്ന​ത​ര​ത്തി​ലെ ദേ​ശീ​യ​പാ​ത വി​ക​സ​ന​ത്തി​ൽ നാ​ട്ടു​കാ​ർ ആ​ശ​ങ്ക​യി​ൽ. ദൈ​നം​ദി​ന ജീ​വി​ത​വു​മാ​യി ബ​ന്ധ​പ്പെ​ട്ട ആ​വ​ശ്യ​ങ്ങ​ൾ​ക്ക് വേ​ഗ​ത്തി​ൽ ആ​ശ്ര​യി​ക്കു​ന്ന ന​ഗ​രം കോ​ട്ട​കെ​ട്ടി വേ​ർ​തി​രി​ക്കു​ന്ന​താ​ണ് പാതവി​ക​സ​ന​മെ​ന്ന്​ ഇ​വ​ർ പ​റ​യു​ന്നു. സൂ​നാ​മി തി​ര​മാ​ല​ക​ൾ ആ​റാ​ട്ടു​പു​ഴ​യു​ടെ തീ​ര​ത്തെ വി​ഴു​ങ്ങി​യ​പ്പോ​ൾ ര​ക്ഷാ​പ്ര​വ​ർ​ത്ത​ന​ത്തി​ന് അ​ന്ന് അ​നു​ഭ​വി​ച്ച ഗ​താ​ഗ​ത പ്ര​തി​സ​ന്ധി​യെ വി​സ്മ​രി​ച്ചാ​ണ് ദേ​ശീ​യ​പാ​ത വി​ക​സ​നം രൂ​പ​പ്പെ​ടു​ത്തി​യി​രി​ക്കു​ന്ന​തെ​ന്ന​തും ശ്ര​ദ്ധേ​യം. 2004 ഡി​സം​ബ​ർ 26ന് ​ലോ​ക​ത്തെ ന​ടു​ക്കി​യ സൂ​നാ​മി ഭീ​ക​ര തി​ര​മാ​ല​ക​ൾ വ​രു​ത്തി​യ ന​ഷ്ട​ങ്ങ​ളു​ടെ മു​റി​പ്പാ​ടു​ക​ളി​ൽ​നി​ന്നും ആ​റാ​ട്ടു​പു​ഴ തീ​ര​ഗ്രാ​മം ഇ​ന്നും മു​ക്ത​രാ​യി​ട്ടി​ല്ല. സ്ത്രീ​ക​ളും കു​ട്ടി​ക​ളു​മ​ട​ക്കം 29 ജീ​വ​നാ​ണ് പൊ​ലി​ഞ്ഞ​ത്. നി​ര​വ​ധി​പ്പേ​ർ​ക്ക് പ​രി​ക്കേ​റ്റു. നൂ​റു​ക​ണ​ക്കി​ന് വീ​ടു​ക​ൾ ത​ക​ർ​ന്നു. ആ​യി​ര​ങ്ങ​ൾ വീ​ടു​വി​ട്ട് പ​ലാ​യ​നം ചെ​യ്തു. പ​രി​ക്കേ​റ്റ​വ​രെ കാ​യം​കു​ളം ഗ​വ. ആ​ശു​പ​ത്രി​യി​ലാ​ണ് ആ​ദ്യം എ​ത്തി​ച്ച​ത്.

അ​ന്ന് ര​ക്ഷാ​പ്ര​വ​ർ​ത്ത​ന​ത്തി​ന് പ്ര​ധാ​ന ത​ട​സ്സ​മാ​യ​ത് ദേ​ശീ​യ​പാ​ത​യി​ൽ​നി​ന്ന് തീ​ര​ഗ്രാ​മ​ത്തി​ലേ​ക്ക് വേ​ഗ​ത്തി​ലെ​ത്താ​നു​ള്ള റോ​ഡ് സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത​യാ​യി​രു​ന്നു. കാ​യം​കു​ളം കാ​യ​ലി​ന് കു​റു​കെ പാ​ല​മി​ല്ലാ​തി​രു​ന്ന​തി​നാ​ൽ 30 കി​ലോ​മീ​റ്റ​റോ​ളം ചു​റ്റി​സ​ഞ്ച​രി​ക്കേ​ണ്ടി വ​ന്നു. സൂ​നാ​മി​ക്ക് ശേ​ഷം കാ​യ​ലി​ന് കു​റു​കെ കൊ​ച്ചീ​ടെ ജെ​ട്ടി​യി​ൽ പാ​ലം വ​ന്ന​തോ​ടെ കാ​യം​കു​ള​ത്തേ​ക്കു​ള്ള ദൂ​രം 10 കി​ലോ​മീ​റ്റ​റാ​യി കു​റ​ഞ്ഞു. ഇ​പ്പോ​ഴും മ​ത്സ്യ​ബ​ന്ധ​ന​ത്തി​നി​ടെ ദു​ര​ന്ത​ത്തി​ൽ​പെ​ടു​ന്ന​വ​രെ വേ​ഗ​ത്തി​ൽ എ​ത്തി​ക്കു​ന്ന​തും കാ​യം​കു​ളം താ​ലൂ​ക്ക് ആ​ശു​പ​ത്രി​യി​ലേ​ക്കാ​ണ്.

ഇ​വ​രെ കൂ​ടാ​തെ കാ​യ​ലി​ന് കി​ഴ​ക്കേ ക​ര​യി​ലു​ള്ള മു​തു​കു​ളം, ചി​ങ്ങോ​ലി, ക​ണ്ട​ല്ലൂ​ർ, പ​ത്തി​യൂ​ർ പ​ഞ്ചാ​യ​ത്തു​ക​ളി​ലെ​യും ന​ഗ​ര​ത്തി​ലെ 15ഓ​ളം വാ​ർ​ഡു​ക​ളി​ലെ​യും പ​തി​നാ​യി​ര​ക്ക​ണ​ക്കി​ന് ജ​ന​ങ്ങ​ൾ​ക്ക് കി​ഴ​ക്ക​ൻ മേ​ഖ​ല​യി​ലേ​ക്ക് ക​ട​ക്കാ​നു​ള്ള ദേ​ശീ​യ​പാ​ത​യി​ലെ പ്ര​ധാ​ന ക​വാ​ട​മാ​ണ് കോ​ള​ജ് ജ​ങ്​​ഷ​ൻ. ഇ​വി​ടെ അ​ട​ക്കു​ന്ന​തോ​ടെ വ​ഴി​മു​ട്ടും. തീ​ര​വാ​സി​ക​ളു​ടെ നി​ത്യ​ജീ​വി​ത​ത്തോ​ട് ഇ​ഴ​ചേ​ർ​ന്ന് നി​ൽ​ക്കു​ന്ന നി​ര​വ​ധി​യാ​യ സം​രം​ഭ​ങ്ങ​ളും ദേ​ശീ​യ​പാ​ത​യു​ടെ കി​ഴ​ക്കേ ക​ര​യി​ലാ​ണു​ള്ള​ത്. ഇ​തൊ​ന്നും പ​രി​ഗ​ണി​ക്കാ​തെ ക​ന​ത്ത പ്ര​തി​ഷേ​ധം ഉ​യ​ർ​ന്ന​പ്പോ​ൾ ചെ​റി​യൊ​രു അ​ടി​പ്പാ​ത​യാ​ണ് ഇ​വി​ടേ​ക്ക് നി​ർ​ദേ​ശി​ച്ചി​രി​ക്കു​ക​യാ​ണ്. ഇ​ത് സു​ഗ​മ​മാ​യ ഗ​താ​ഗ​ത​ത്തി​ന് സ​ഹാ​യ​ക​ര​മ​ല്ലെ​ന്നാ​ണ് ചൂ​ണ്ടി​ക്കാ​ണി​ക്കു​ന്ന​ത്. ഈ ​സാ​ഹ​ച​ര്യ​ത്തി​ലാ​ണ് ഉ​യ​ര​പ്പാ​ത ആ​വ​ശ്യം പ്ര​സ​ക്ത​മാ​കു​ന്ന​ത്.