സ്ഥിരം കുറ്റവാളിയെ കാപ്പ പ്രകാരം നാടുകടത്തി

കായംകുളം: നിരവധി ക്രിമിനൽ കേസുകളിൽ പ്രതിയായ എരുവ കിഴക്ക് പുല്ലംപ്ലാവിൽ ചെമ്പകനിവാസ് ചന്തുവിനെ (അക്ഷയ്-21) കാപ്പ നിയമപ്രകാരം ജില്ലയിൽ പ്രവേശിക്കുന്നതിന് വിലക്ക് ഏർപ്പെടുത്തി. ജില്ല പൊലീസ് മേധാവിയുടെ അധികാരപരിധിയിൽ ആറ് മാസത്തേക്ക് പ്രവേശിക്കുന്നതാണ് തടഞ്ഞത്.

കുപ്രസിദ്ധ ഗുണ്ടയായ വിജിത്തിന്റെ സംഘത്തിൽപ്പെട്ട ഇയാൾ വധശ്രമം ഉൾപ്പെടെ കേസുകളിൽ പ്രതിയാണ്.ഇയാളുടെ ഇരട്ട സഹോദരൻ ചിന്തുവിനെതിരെ (അമൽ) മുമ്പ് കാപ്പ പ്രകാരം നടപടി സ്വീകരിച്ചിട്ടുണ്ട്.