മനുഷ്യാവകാശ കമീഷന്റെ ഇടപെടൽ; ഷെരീഫിന്​ വെള്ളക്കെട്ടിൽനിന്ന്​ മോചനത്തിന്​ വഴിതെളിഞ്ഞു

ആ​ല​പ്പു​ഴ: ‘മാ​ധ്യ​മം’ വാ​ർ​ത്ത​യെ തു​ട​ർ​ന്ന്​​ മ​നു​ഷ്യാ​വ​കാ​ശ ക​മീ​ഷ​ന്റെ​യും ബാ​ലാ​വ​കാ​ശ ക​മീ​ഷ​ന്റെ​യും ഇ​ട​പെ​ട​ലി​ൽ വ​യോ​ധി​ക​രാ​യ കു​ടും​ബ​ത്തി​ന് വെ​ള്ള​ക്കെ​ട്ടി​ല്ലാ​തെ സ്വ​സ്ഥ​മാ​യി ക​ഴി​യാ​ൻ അ​വ​സ​ര​മൊ​രു​ങ്ങി. പു​റ​ക്കാ​ട് പ​ഞ്ചാ​യ​ത്ത് 11ാം വാ​ർ​ഡി​ൽ ഷ​മീ​ർ മ​ൻ​സി​ലി​ൽ ഷെ​രീ​ഫും കു​ടും​ബ​വു​മാ​ണ് വെ​ള്ള​ക്കെ​ട്ടി​ന്‍റെ ക​ഴി​ഞ്ഞി​രു​ന്ന​ത്. ഇ​വ​ർ താ​മ​സി​ക്കു​ന്ന പ്ര​ദേ​ശ​ത്തു​നി​ന്ന്​ വെ​ള്ളം ചെ​റി​യ​തോ​ട്ടി​ലൂ​ടെ 150 മീ​റ്റ​റോ​ളം അ​ക​ലെ​യു​ള്ള പൊ​തു​തോ​ട്ടി​ലേ​ക്ക് ഒ​ഴു​കി​മാ​റി​യി​രു​ന്ന​താ​ണ്.

ചെ​റി​യ​തോ​ട് സ​മീ​പ​വാ​സി​ക​ൾ കൈ​യേ​റി നി​ക​ത്തി​യ​തോ​ടെ വീ​ടി​ന്‍റെ ചു​റ്റും മ​ലി​ന​ജ​ല​ത്തി​ൽ മു​ങ്ങും. നാ​ലു​വ​ർ​ഷ​മാ​യി ഇ​വ​രു​ടെ ജീ​വി​തം ദു​രി​ത​പൂ​ർ​ണ​മാ​യി​രു​ന്നു. ഡി​സം​ബ​ർ 10ന് ​മ​നു​ഷ്യാ​വ​കാ​ശ ദി​ന​ത്തി​ൽ ഇ​വ​രു​ടെ ദു​രി​തം വി​വ​രി​ച്ച്​ ‘വെ​ള്ള​ക്കെ​ട്ടി​ല്ലാ​തെ ക​ഴി​യാ​നു​ള്ള അ​വ​കാ​ശ​ത്തി​നാ​യി ഒ​രു കു​ടും​ബം’ ത​ല​ക്കെ​ട്ടി​ൽ മാ​ധ്യ​മം വാ​ർ​ത്ത ന​ൽ​കി​യി​രു​ന്നു. വാ​ർ​ത്ത​യു​ടെ അ​ടി​സ്ഥാ​ന​ത്തി​ലാ​ണ് മ​നു​ഷ്യാ​വ​കാ​ശ ക​മീ​ഷ​ന്‍റെ​യും ബാ​ലാ​വ​കാ​ശ ക​മീ​ഷ​ന്‍റെ​യും ഇ​ട​പെ​ട​ലു​ണ്ടാ​യ​ത്.

വെ​ള്ള​ക്കെ​ട്ടു​മാ​യി ബ​ന്ധ​പ്പെ​ട്ട് തു​ട​ർ​ന​ട​പ​ടി​ക​ൾ​ക്കും പ്ര​ശ്ന​പ​രി​ഹാ​ര​ത്തി​നു​മാ​യി ത​ദ്ദേ​ശ സ്വ​യം​ഭ​ര​ണ വ​കു​പ്പ് ജോ​യ​ന്‍റ്​ ഡ​യ​റ​ക്ട​ർ​ക്ക് ക​മീ​ഷ​ൻ നി​ർ​ദേ​ശം ന​ൽ​കി. പ​രാ​തി പ​രി​ഹ​രി​ക്കു​ന്ന​തു​മാ​യി ബ​ന്ധ​പ്പെ​ട്ടു​ള്ള ന​ട​പ​ടി സ്വീ​ക​രി​ക്കാ​ൻ പു​റ​ക്കാ​ട് ഗ്രാ​മ​പ​ഞ്ചാ​യ​ത്തി​ലെ അ​സി. എ​ൻ​ജി​നീ​യ​റെ ചു​മ​ത​ല​പ്പെ​ടു​ത്തി. നി​ക​ത്തി​യ ത​ണ്ണ‌ീ​ർ​ത്ത​ട​വും ചെ​റു​തോ​ടു​ക​ളും പു​നഃ​സ്ഥാ​പി​ക്ക​ണ​മെ​ന്ന് പ​ഞ്ചാ​യ​ത്ത് എ​ൻ​ജി​നീ​യ​ർ റി​പ്പോ​ർ​ട്ട് സ​മ​ർ​പ്പി​ച്ചു.

തു​ട​ർ​ന്ന്​ പ്ര​ദേ​ശ​ത്തെ ത​ണ്ണീ​ർ​ത്ത​ടം, അ​നു​ബ​ന്ധ​തോ​ട്, ഇ​ട​ത്തോ​ട് എ​ന്നി​വ​യു​ടെ റ​വ​ന്യൂ രേ​ഖ​ക​ൾ പ്ര​കാ​ര​മു​ള്ള അ​ള​വി​ൽ കൈ​യേ​റ്റം ഒ​ഴി​പ്പി​ച്ച്​ വെ​ള്ള​ക്കെ​ട്ടി​ന് പ​രി​ഹാ​രം കാ​ണാ​ൻ ത​ഹ​സി​ൽ​ദാ​ർ​ക്ക് നി​ർ​ദേ​ശം ന​ൽ​കി. അ​ടി​യ​ന്ത​ര​മാ​യി പ്ര​ശ്ന പ​രി​ഹാ​രം ഉ​ണ്ടാ​ക്കു​ന്ന​തി​ന് പു​റ​ക്കാ​ട് പ​ഞ്ചാ​യ​ത്ത് സെ​ക്ര​ട്ട​റി, വി​ല്ലേ​ജ് ഓ​ഫി​സ​ർ, ഭൂ​രേ​ഖ വി​ഭാ​ഗം അ​മ്പ​ല​പ്പു​ഴ ത​ഹ​സി​ൽ​ദാ​ർ എ​ന്നി​വ​ർ​ക്ക് ക​ർ​ശ​ന​നി​ർ​ദേ​ശ​വും ന​ൽ​കി.

70 വ​ർ​ഷ​മാ​യി ഷെ​രീ​ഫും കു​ടും​ബ​വും ഇ​വി​ടു​ത്തെ സ്ഥി​ര​താ​മ​സ​ക്കാ​രാ​ണ്. 70 വ​യ​സ്സു​ള്ള ഷെ​രീ​ഫ്, ഭാ​ര്യ സൈ​ന​ബ ബീ​വി, മ​ക​ൻ ഷെ​മീ​ർ, മ​രു​മ​ക​ൾ ജു​ബീ​ന, ഇ​വ​രു​ടെ ര​ണ്ട് മ​ക്ക​ൾ, മ​ക​ൾ സ​ഫീ​ന, ഇ​വ​രു​ടെ ര​ണ്ട് മ​ക്ക​ൾ ഉ​ൾ​പ്പെ​ടെ​യാ​ണ് താ​മ​സം. ഷെ​രീ​ഫ് ഞ​ര​മ്പ് സം​ബ​ന്ധ​മാ​യ രോ​ഗ​ത്തി​ന് ചി​കി​ത്സ​ക്കി​ട​യി​ൽ ഹൃ​ദ​യ​സം​ബ​ന്ധ​മാ​യ രോ​ഗ​വും പി​ടി​പെ​ട്ട് ക​ഴി​യു​ക​യാ​ണ്. 65 വ​യ​സ്സു​ള്ള സൈ​ന​ബ ബീ​വി ഹൃ​ദ്രോ​ഗി​യാ​ണ്. ജു​ബി​ന ശ്വാ​സ​കോ​ശ സം​ബ​ന്ധ​മാ​യ ചി​കി​ത്സ​യി​ലാ​ണ്.

ക​ല​ക്ട​ർ​ക്ക് ന​ൽ​കി​യ പ​രാ​തി​യെ തു​ട​ർ​ന്ന് വെ​ള​ള​ക്കെ​ട്ടി​ന് പ​രി​ഹാ​രം കാ​ണ​ണ​മെ​ന്ന് പ​ഞ്ചാ​യ​ത്ത്, വി​ല്ലേ​ജ് അ​ധി​കൃ​ത​ർ​ക്ക് നി​ർ​ദേ​ശം ന​ൽ​കി​യ​താ​ണ്. ഇ​തി​ന്‍റെ അ​ടി​സ്ഥാ​ന​ത്തി​ൽ വി​ല്ലേ​ജ്, പ​ഞ്ചാ​യ​ത്ത് അ​ധി​കൃ​ത​ർ സ്ഥ​ലം സ​ന്ദ​ർ​ശി​ച്ച് പ​രി​ഹാ​ര​മെ​ന്ന നി​ല​യി​ൽ ഷെ​രീ​ഫി​ന്റെ പു​ര​യി​ട​ത്തി​ൽ​നി​ന്ന്​ പൈ​പ്പു​ക​ൾ സ്ഥാ​പി​ച്ച് വെ​ള്ളം ഒ​ഴു​ക്കി​വി​ടാ​മെ​ന്ന തീ​രു​മാ​ന​വും എ​ടു​ത്തു. എ​ന്നാ​ൽ, പ​ഞ്ചാ​യ​ത്ത് വേ​ണ്ട ന​ട​പ​ടി സ്വീ​ക​രി​ച്ചി​ട്ടി​ല്ലെ​ന്ന് ഷെ​മീ​ർ ആ​രോ​പി​ച്ചു.