ലോക്​ഡൗൺ ലംഘിച്ച് ക്രിക്കറ്റ് കളി; ശിക്ഷ ഒരു ദിവസത്തെ സാമൂഹ്യസേവനം

ഹരിപ്പാട്: ലോക്​ഡോൺ നിയന്ത്രണങ്ങൾ ലംഘിച്ച് ക്രിക്കറ്റ് കളിച്ച സംഘത്തിന് ശിക്ഷ ഒരു ദിവസത്തെ സാമൂഹ്യസേവനം. മഹാദേവികാട് പുളിക്കീഴ് വടക്കുവശം ക്രിക്കറ്റ് കളിച്ച് ഏഴോളം പേരെയാണ് തൃക്കുന്നപ്പുഴ പൊലീസ് പിടികൂടിയത്.

ഇവർക്ക് ഒരു ദിവസത്തെ സാമൂഹ്യസേവനമാണ് പോലീസ് നൽകിയ ശിക്ഷ. സ്​റ്റേഷനുസമീപം നടത്തുന്ന പൊലീസ് പരിശോധനയിൽ പങ്കെടുത്ത്​ മാസ്ക് ഉപയോഗിക്കുന്നതിന്‍റെയും സാമൂഹിക അകലം പാലിക്കുന്നതിന്‍റെയും ആവശ്യകതകൾ പറഞ്ഞ് ആളുകളെ ബോധവൽക്കരിക്കുകയാണ്​ ഇവരുടെ ദൗത്യം.