Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightAlappuzhachevron_rightHaripadchevron_rightകരുവാറ്റ സഹകരണ ബാങ്ക്...

കരുവാറ്റ സഹകരണ ബാങ്ക് കവർച്ച ; പഴുതടച്ച അന്വേഷണം, അന്തർസംസ്ഥാന സംഘമെന്ന്​ സംശയം

text_fields
bookmark_border
കരുവാറ്റ സഹകരണ ബാങ്ക് കവർച്ച ; പഴുതടച്ച അന്വേഷണം, അന്തർസംസ്ഥാന സംഘമെന്ന്​ സംശയം
cancel
camera_alt

ബാ​ങ്കി​െൻറ സ​മീ​പ​ത്തെ കു​റ്റി​ക്കാ​ടു​ക​ളി​ൽ പൊ​ലീ​സ് പ​രി​ശോ​ധ​ന ന​ട​ത്തു​ന്നു 

ഹ​രി​പ്പാ​ട്: ക​രു​വാ​റ്റ സ​ർ​വി​സ് സ​ഹ​ക​ര​ണ ബാ​ങ്ക്​ ക​വ​ർ​ച്ച​ക്ക് പി​ന്നി​ലെ സം​ഘ​ത്തെ​ക്കു​റി​ച്ച് പ​ഴു​ത​ട​ച്ച അ​ന്വേ​ഷ​ണ​വു​മാ​യി പൊ​ലീ​സ്. പ്ര​ഫ​ഷ​ന​ൽ തി​ക​വോ​ടെ ന​ട​ത്തി​യ ക​വ​ർ​ച്ച​ക്ക് പി​ന്നി​ൽ അ​ന്ത​ർ​സം​സ്ഥാ​ന സം​ഘ​മാ​ണെ​ന്നാ​ണ്​ പൊ​ലീ​സി​െൻറ അ​നു​മാ​നം. പ്രാ​ദേ​ശി​ക​മാ​യ പി​ന്തു​ണ ല​ഭി​ച്ചി​ട്ടു​ണ്ടെ​ന്നും സം​ശ​യി​ക്കു​ന്നു. നേ​രാം​വ​ണ്ണം ബോ​ർ​ഡു​പോ​ലു​മി​ല്ലാ​ത്ത പ​ഴ​ഞ്ച​ൻ കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന ബാ​ങ്കി​നെ ക​വ​ർ​ച്ച​ക്ക് തെ​ര​ഞ്ഞെ​ടു​ത്ത​താ​ണ് അ​ത്ത​ര​മൊ​രു സം​ശ​യം ബ​ല​പ്പെ​ടാ​ൻ കാ​ര​ണം.

സ്വ​ർ​ണ​ത്തി​െൻറ​യും പ​ണ​ത്തി​െൻറ​യും കാ​ര്യ​മാ​യ നി​ക്ഷേ​പ​മു​ണ്ടെ​ന്ന വി​വ​രം ആ​രോ കൈ​മാ​റി​യി​ട്ടു​ണ്ട്​ എ​ന്ന നി​ഗ​മ​ന​ത്തി​ലാ​ണ് അ​ന്വേ​ഷ​ണം മു​ന്നോ​ട്ടു​പോ​കു​ന്ന​ത്. ആ​ല​പ്പു​ഴ എ​സ്.​പി പി.​എ​സ്. സാ​ബു​വി​െൻറ മേ​ൽ​നോ​ട്ട​ത്തി​ൽ കാ​യം​കു​ളം ഡി​വൈ.​എ​സ്.​പി അ​ല​ക്സ് ബേ​ബി, ഹ​രി​പ്പാ​ട് സി.​ഐ ആ​ർ. ഫ​യാ​സ് എ​ന്നി​വ​രു​ടെ നേ​തൃ​ത്വ​ത്തി​ൽ 20 അം​ഗ സം​ഘ​മാ​ണ്​ കേ​സ്​ അ​ന്വേ​ഷി​ക്കു​ന്ന​ത്.

വ്യാ​ഴാ​ഴ്ച രാ​വി​ലെ​യാ​ണ് മോ​ഷ​ണ​ത്തെ​പ്പ​റ്റി പു​റം​ലോ​ക​മ​റി​യു​ന്ന​ത്. അ​ഞ്ചു​കി​ലോ 530 ഗ്രാം 899 ​മി​ല്ലി ഗ്രാം ​സ്വ​ർ​ണ​വും നാ​ല​ര ല​ക്ഷ​ത്തോ​ളം രൂ​പ​യു​മാ​ണ് മോ​ഷ​ണം പോ​യ​ത്. സ്വ​ർ​ണ​ത്തി​ന് ര​ണ്ട​ര​ക്കോ​ടി​യോ​ളം വി​ല​വ​രും. സി.​സി.​ടി.​വി ദൃ​ശ്യ​ങ്ങ​ൾ ശേ​ഖ​രി​ക്കു​ന്ന ക​മ്പ്യൂ​ട്ട​റും മോ​ഷ്​​ടാ​ക്ക​ൾ അ​പ​ഹ​രി​ച്ചു. ബാ​ങ്കി​ലേ​ക്കു​ള്ള ഇ​ട​വ​ഴി​ക​ളി​ലും റോ​ഡു​ക​ളി​ലും പൊ​ലീ​സ്​ പ​രി​ശോ​ധ​ന ന​ട​ത്തി. ബാ​ങ്കി​െൻറ ഒ​രു കി​ലോ​മീ​റ്റ​ർ ചു​റ്റ​ള​വി​ലു​ള്ള വീ​ടു​ക​ളി​െ​ല​യും ക​ട​ക​ളി​െ​ല​യും സി.​സി.​ടി.​വി ദൃ​ശ്യ​ങ്ങ​ൾ പൊ​ലീ​സ് പ​രി​ശോ​ധി​ക്കും. ബാ​ങ്കി​ലെ ജീ​വ​ന​ക്കാ​രെ ചോ​ദ്യം ചെ​യ്തു. മോ​ഷ്​​ടാ​ക്ക​ൾ ബാ​ങ്കി​ൽ ഉ​പേ​ക്ഷി​ച്ച പാ​ച​ക​വാ​ത​ക​ത്തി​െൻറ​യും ഓ​ക്സി​ജ​െൻറ​യും സി​ലി​ണ്ട​റു​ക​ളാ​ണ് പ്ര​ധാ​ന തെ​ളി​വ്. ഇ​ത കേ​ന്ദ്രീ​ക​രി​ച്ചു​ള്ള അ​ന്വേ​ഷ​ണ​വും പു​രോ​ഗ​മി​ക്കു​ക​യാ​ണ്. വാ​തി​ലും ജ​ന​ലും മേ​ൽ​ക്കൂ​ര​യു​മെ​ല്ലാം ദു​ർ​ബ​ല​മാ​യ ബാ​ങ്ക് കെ​ട്ടി​ട​ത്തി​ൽ ലോ​ക്ക​ർ മാ​ത്ര​മാ​ണ് സു​ശ​ക്ത​മാ​യി​ട്ടു​ള്ള​ത്. വാ​തി​ലി​ന്​ നി​ല​വാ​ര​മി​ല്ലാ​ത്ത പൂ​ട്ടാ​യ​തി​നാ​ൽ മോ​ഷ്​​ടാ​ക്ക​ൾ​ക്ക് ക​ട​ക്കാ​ൻ എ​ളു​പ്പ​മാ​യി​രു​ന്നു. ജ​ന​ല​ഴി​ക​ൾ മു​റി​ച്ച നി​ല​യി​ലാ​യി​രു​ന്നു. വാ​തി​ൽ അ​ക​ത്തു​നി​ന്ന് കു​റ്റി​യി​ട്ട​ശേ​ഷം ജ​ന​ൽ​വ​ഴി​യാ​ണ് മോ​ഷ്​​ടാ​ക്ക​ൾ പു​റ​ത്തു​ക​ട​ന്ന​ത്. അ​ക​ത്തു​നി​ന്ന് കു​റ്റി​യി​ട്ടി​രു​ന്ന​തി​നാ​ൽ കൊ​ല്ല​െൻറ സ​ഹാ​യ​ത്തോ​ടെ​യാ​ണ് വ്യാ​ഴാ​ഴ്​​ച പൊ​ലീ​സ്​ വാ​തി​ൽ തു​റ​ന്ന​ത്. ഗ്യാ​സ്ക​ട്ട​ർ ഉ​പ​യോ​ഗി​ച്ച് സ്ട്രോ​ങ്​ റൂം ​ത​ക​ർ​ത്താ​ണ് ക​വ​ർ​ച്ച ന​ട​ത്തി​യ​ത്. പാ​ച​ക വാ​ത​ക​വും ഓ​ക്സി​ജ​നും ഉ​പ​യോ​ഗി​ച്ച് ലോ​ക്ക​ർ മു​റി​ക്കു​ന്ന​ത് അ​പ​ക​ട​സാ​ധ്യ​ത​യു​ള്ള​താ​യി​ട്ടും ശ​ബ്​​ദം​പോ​ലും പു​റ​ത്ത് കേ​ൾ​ക്കാ​ത്ത ത​ര​ത്തി​ൽ ദേ​ശീ​യ​പാ​ത​യോ​ര​ത്തെ തി​ര​ക്കു​ള്ള ജ​ങ്ഷ​നി​ൽ നി​ല​കൊ​ള്ളു​ന്ന ബാ​ങ്കി​െൻറ ലോ​ക്ക​ർ ത​ക​ർ​ത്ത​ത് ക​വ​ർ​ച്ച​സം​ഘം നി​സ്സാ​ര​ക്കാ​ര​ല്ലെ​ന്ന് വ്യ​ക്ത​മാ​ക്കു​ന്നു. തു​ട​ർ​ച്ച​യാ​യി ആ​റു​ദി​വ​സ​ത്തെ അ​വ​ധി ല​ഭി​ച്ച​ത് മോ​ഷ്​​ടാ​ക്ക​ൾ​ക്ക് ക​ട​ന്നു​ക​ള​യാ​നു​ള്ള അ​വ​സ​ര​മൊ​രു​ക്കി. വി​വ​രം പു​റ​ത്ത​റി​യാ​ൻ കാ​ല​താ​മ​സം വ​ന്ന​ത് പ്ര​തി​ക​ളെ പി​ടി​കൂ​ടാ​നു​ള്ള നീ​ക്ക​ങ്ങ​ൾ​ക്ക് പൊ​ലീ​സി​ന് വി​ല​ങ്ങു​ത​ടി​യാ​യി.

85 വ​ർ​ഷ​ത്തെ പ​ഴ​ക്ക​മു​ള്ള​താ​ണ്​ ടി.​ബി ജ​ങ്​​ഷ​നി​െ​ല ക​രു​വാ​റ്റ 2145 ന​മ്പ​ർ സ​ർ​വി​സ് സ​ഹ​ക​ര​ണ ബാ​ങ്ക്. നാ​ലു കോ​ടി​യു​ടെ ഇ​ൻ​ഷു​റ​ൻ​സ് പ​രി​ര​ക്ഷ ബാ​ങ്കി​ലെ സ്വ​ർ​ണ​ത്തി​നു​ണ്ടെ​ന്നും ഇ​ട​പാ​ടു​കാ​ർ ആ​ശ​ങ്ക​പ്പെ​ടേ​ണ്ട​തി​ല്ലെ​ന്നും ബാ​ങ്ക് പ്ര​സി​ഡ​ൻ​റ് പ്ര​ദീ​പ് പോ​ക്കാ​ട്ട് പ​റ​ഞ്ഞു. ഇ​ട​പാ​ടു​കാ​ർ​ക്ക് ന​ഷ്​​ട​മാ​യ സ്വ​ർ​ണ​ത്തി​ന് തു​ല്യ​മാ​യ തു​ക ല​ഭി​ക്കു​മെ​ന്നും ബാ​ങ്ക് അ​ധി​കൃ​ത​ർ അ​റി​യി​ച്ചു. ബാ​ങ്ക്​ പ്ര​വ​ർ​ത്ത​നം പു​ന​രാ​രം​ഭി​ക്കാ​നും കാ​വ​ൽ​ക്കാ​ര​നെ നി​യ​മി​ക്കാ​നും വെ​ള്ളി​യാ​ഴ്ച കൂ​ടി​യ ഡ​യ​റ​ക്ട​ർ ബോ​ർ​ഡ് യോ​ഗ​ത്തി​ൽ തീ​രു​മാ​ന​മാ​യി. ഓ​ണ​ത്തി​ന് മു​മ്പു​ള്ള ദി​വ​സ​ങ്ങ​ളി​ൽ ധാ​രാ​ള​മാ​യി സ്വ​ർ​ണ​പ്പ​ണ​യ ഇ​ട​പാ​ട് ന​ട​ന്നി​രു​ന്നു.

സ​മ​യം ക​ഴി​ഞ്ഞ​തി​നാ​ൽ ആസ്​ഥാന ബാ​ങ്കി​ൽ അ​ട​ക്കാ​ൻ സാ​ധി​ക്കാ​തി​രു​ന്ന​തി​നെ തു​ട​ർ​ന്നാ​ണ് നാ​ല​ര ല​ക്ഷം രൂ​പ ലോ​ക്ക​റി​ൽ സൂ​ക്ഷി​ക്കേ​ണ്ടി​വ​ന്ന​തെ​ന്ന് ജീ​വ​ന​ക്കാ​ർ പ​റ​യു​ന്നു.


ലേഖകൻ- ഷമീർ ആറാട്ടുപുഴ

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Karuvatta Co-operative Bank robbery
Next Story