ഇനിയൊരുവികസനം താങ്ങാനാവാതെ കെ.​എ​സ്.​ആ​ർ.​ടി.​സി ഹ​രി​പ്പാ​ട്​ ഡി​പ്പോ

ഹ​രി​പ്പാ​ട്: ഇ​ങ്ങ​നെ​യൊ​രു വി​ക​സ​നം ഒ​രു ഡി​പ്പോ​ക്കും വ​രു​ത്ത​രു​തേ എ​ന്ന പ്രാ​ർ​ഥ​ന​യാ​ണ് ഹ​രി​പ്പാ​ട് കെ.​എ​സ്.​ആ​ർ.​ടി.​സി ഡി​പ്പോ​യി​ലെ ജീ​വ​ന​ക്കാ​ർ​ക്കും ഇ​വി​ടു​ത്തെ യാ​ത്ര​ക്കാ​ർ​ക്കും. അ​ത്ര​യേ​റെ വി​ക​സ​നം​കൊ​ണ്ടു​ള്ള ദു​രി​ത​മ​നു​ഭ​വി​ച്ചു​ക​ഴി​ഞ്ഞു ഇ​വി​ട​ത്തു​കാ​ർ. ദേ​ശീ​യ​പാ​ത​ക്ക​രി​കി​ൽ പ​ഴ​യ ഡി​പ്പോ​യു​ടെ സ്ഥാ​ന​ത്ത് പ​ണി​തീ​രാ​തെ വ​ർ​ഷ​ങ്ങ​ളാ​യി ത​ല ഉ​യ​ർ​ത്തി​നി​ൽ​ക്കു​ന്ന ആ​ധു​നി​ക മാ​തൃ​ക​യി​ലു​ള്ള ബ​ഹു​നി​ല​ക്കെ​ട്ടി​ടം ജ​ന​ങ്ങ​ൾ​ക്കും ജീ​വ​ന​ക്കാ​ർ​ക്കും എ​ന്ന് ഉ​പ​കാ​ര​പ്പെ​ടു​മെ​ന്ന് ഇ​നി​യും പ​റ​യാ​റാ​യി​ട്ടി​ല്ല. പ്ര​ഖ്യാ​പ​ന​ങ്ങ​ൾ അ​ടി​ക്ക​ടി വ​രു​ന്ന​ത​ല്ലാ​തെ ഒ​ന്നും ന​ട​പ്പാ​കു​ന്നി​ല്ല. കെ​ട്ടി​ടം തു​റ​ക്കു​മ്പോ​ൾ ഡി​പ്പോ ഇ​വി​ടെ ഉ​ണ്ടാ​കു​മോ എ​ന്ന ആ​ശ​ങ്ക​യും നി​ല​നി​ൽ​ക്കു​ന്നു. സാ​മാ​ന്യം ലാ​ഭ​ക​ര​മാ​യി പ്ര​വ​ർ​ത്തി​ച്ചു​വ​ന്ന ഈ ​ഡി​പ്പോ​യും പ​രി​ഷ്കാ​ര​ങ്ങ​ളു​ടെ മ​റ​വി​ൽ അ​ട​ച്ചു​പൂ​ട്ട​ൽ ഭീ​ഷ​ണി​യി​ലാ​ണ്.

ആ​ധു​നി​ക ഡി​പ്പോ അ​ഥ​വാ അ​ശാ​സ്ത്രീ​യ സ​മു​ച്ച​യം

മൂ​ന്ന​ര​പ്പ​തി​റ്റാ​ണ്ട് പ​ഴ​ക്ക​മു​ള്ള ഹ​രി​പ്പാ​ട് കെ.​എ​സ്.​ആ​ർ.​ടി.​സി ഡി​പ്പോ​ക്ക്​ ര​മേ​ശ് ചെ​ന്നി​ത്ത​ല ആ​ഭ്യ​ന്ത​ര മ​ന്ത്രി​യാ​യി​രി​ക്കെ​യാ​ണ്​ ആ​ധു​നീ​ക​ര​ണ പ​ദ്ധ​തി ആ​വി​ഷ്ക​രി​ച്ച​ത്‌. ഡി​പ്പോ​യും വാ​ണി​ജ്യ​സ​മു​ച്ച​യ​വും ഉ​ൾ​ക്കൊ​ള്ളു​ന്ന ആ​ധു​നി​ക സം​വി​ധാ​ന​ങ്ങ​ളോ​ടു​കൂ​ടി​യ കെ​ട്ടി​ട​വും അ​നു​ബ​ന്ധ സം​വി​ധാ​ന​ങ്ങ​ളു​മാ​ണ് വി​ഭാ​വ​നം ചെ​യ്ത​ത്. ഏ​ഴു​വ​ർ​ഷം മു​മ്പ് തു​ട​ങ്ങി​യ ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ ഇ​നി​യും പൂ​ർ​ത്തി​യാ​യി​ട്ടി​ല്ല. ആ​ദ്യ​ഘ​ട്ട​ത്തി​ൽ ജോ​ലി​ക​ൾ വേ​ഗം ന​ട​ന്നെ​ങ്കി​ലും അ​ഞ്ചു​വ​ർ​ഷ​മാ​യി നി​ർ​മാ​ണം ത​ട​സ്സ​പ്പെ​ട്ടി​രി​ക്കു​ക​യാ​ണ്. വൈ​ദ്യു​തീ​ക​ര​ണം, അ​ഗ്​​നി​ര​ക്ഷാ​ക്ര​മീ​ക​ര​ണം, മാ​ലി​ന്യ​സം​സ്ക​ര​ണം എ​ന്നി​വ​യു​മാ​യി ബ​ന്ധ​പ്പെ​ട്ട ജോ​ലി​യാ​ണ്​ ബാ​ക്കി​യു​ള്ള​ത്. നി​ർ​മാ​ണ​ക്ക​രാ​റു​കാ​ർ​ക്ക്​ ന​ൽ​കാ​നു​ള്ള​ത​ട​ക്കം ഏ​ഴ​ര​ക്കോ​ടി​യു​ണ്ടെ​ങ്കി​ലേ പ​ണി പൂ​ർ​ത്തി​യാ​ക്കാ​നാ​കൂ. ഈ ​തു​ക ഇ​നി​യും ക​ണ്ടെ​ത്താ​നാ​യി​ട്ടി​ല്ല.

നി​ർ​മി​ച്ച കെ​ട്ടി​ട​ത്തി​ൽ അ​ശാ​സ്ത്രീ​യ​ത ഏ​റെ​യാ​ണ്. ഡി​പ്പോ​ക്ക് അ​നു​യോ​ജ്യ​മാ​യ ത​ര​ത്തി​ല​ല്ല കെ​ട്ടി​ടം നി​ർ​മി​ച്ചി​ട്ടു​ള്ള​ത്. ദേ​ശീ​യ​പാ​ത​യു​ടെ സ്ഥ​ലം ഏ​റ്റെ​ടു​ക്ക​ൽ ന​ട​ന്നു​ക​ഴി​ഞ്ഞാ​ൽ ഒ​രു ബ​സ് പോ​ലും നി​ർ​ത്തി​യി​ടാ​നു​ള്ള സൗ​ക​ര്യം ഡി​പ്പോ​യു​ടെ മു​ന്നി​ലോ വ​ശ​ങ്ങ​ളി​ലോ ഉ​ണ്ടാ​കി​ല്ല. ബ​സു​ക​ൾ വ​ന്നു​പോ​കു​ന്ന​ത് നി​രീ​ക്ഷി​ക്കേ​ണ്ട സ്ഥാ​ന​ത്താ​ണ് സ്​​റ്റേ​ഷ​ൻ മാ​സ്​​റ്റ​ർ ഓ​ഫി​സ് സ്ഥാ​പി​ക്കേ​ണ്ട​തെ​ന്നി​രി​ക്കെ അ​തി​ന്​ സൗ​ക​ര്യ​മി​ല്ല. യാ​ത്ര​ക്കാ​ർ​ക്ക്​ ബ​സു​ക​ൾ വ​ന്നു​പോ​കു​ന്ന​ത് കാ​ണാ​ൻ പാ​ക​ത്തി​ൽ വി​ശ്ര​മി​ക്കാ​ൻ പ​റ്റി​യ ഇ​ടം ഉ​ണ്ടാ​കു​മോ​യെ​ന്ന ആ​ശ​ങ്ക​യും നി​ല​നി​ൽ​ക്കു​ന്നു. വാ​ണി​ജ്യ ആ​വ​ശ്യ​ങ്ങ​ൾ​ക്ക് ഉ​പ​യോ​ഗ​പ്പെ​ടു​ത്താ​ൻ ല​ക്ഷ്യ​മി​ട്ട് കെ​ട്ടി​ടം നി​ർ​മി​ക്കു​മ്പോ​ൾ ഭി​ത്തി കെ​ട്ടി​ത്തി​രി​ക്കാ​തെ വി​ശാ​ല​മാ​യി ഇ​ടു​ക​യാ​ണ് പ​തി​വ്. ഏ​റ്റെ​ടു​ക്കു​ന്ന​വ​ർ​ക്ക്​ അ​വ​രു​ടെ സ്ഥാ​പ​ന​ങ്ങ​ളു​ടെ രീ​തി​ക്ക​നു​സ​രി​ച്ച് അ​കം ക്ര​മീ​ക​രി​ക്കു​ന്ന​തി​നാ​ണി​ത്. ഇ​വി​ടെ നെ​ടു​െ​ക​യും കു​റു​െ​ക​യും ഭി​ത്തി നി​ർ​മി​ച്ച​ത് വി​ന​യാ​യി​ട്ടു​ണ്ട്. ഷോ​പ്പി​ങ്​ കോം​പ്ല​ക്സി​ലെ മു​റി​ക​ള്‍ നി​ര​വ​ധി ത​വ​ണ ലേ​ലം ചെ​യ്‌​തെ​ങ്കി​ലും ഏ​റ്റെ​ടു​ക്കാ​ന്‍ ആ​രും മു​ന്നോ​ട്ടു​വ​രാ​ത്ത സാ​ഹ​ച​ര്യ​ത്തി​ല്‍ ചെ​റി​യ മു​റി​ക​ള്‍ മാ​റ്റി വ​ലി​യ വി​സ്തീ​ര്‍ണ​ത്തോ​ടെ മു​റി ക്ര​മീ​ക​രി​ക്കാ​നാ​ണ്​ പു​തി​യ തീ​രു​മാ​നം. പാ​ർ​ക്കി​ങ്​ ഏ​രി​യ​യു​ടെ കാ​ര്യ​വും ബ​ഹു​ര​സ​മാ​ണ്. ഇ​വി​ടെ ക​ഴു​ത്ത​റ്റം പൊ​ക്ക​ത്തി​ൽ വെ​ള്ളം കെ​ട്ടി​ക്കി​ട​ക്കും. വെ​ള്ളം ഒ​ഴു​കി​പ്പോ​കാ​നു​ള്ള സം​വി​ധാ​നം ഏ​ർ​പ്പെ​ടു​ത്താ​ൻ വി​ട്ടു​പോ​യ​താ​ണ് കാ​ര​ണം.

വാ​ട​ക​യും ഡെ​പ്പോ​സി​റ്റും കേ​ട്ട് അ​മ്പ​ര​ന്ന്...

കെ​ട്ടി​ടം വാ​ട​ക​ക്ക്​ എ​ടു​ക്കാ​ൻ ബാ​ങ്കു​ക​ൾ അ​ട​ക്കം നി​ര​വ​ധി സ്ഥാ​പ​ന​ങ്ങ​ൾ എ​ത്തി​യെ​ങ്കി​ലും പി​ൻ​വാ​ങ്ങി. താ​ങ്ങാ​നാ​കാ​ത്ത ഡെ​പ്പോ​സി​റ്റും വാ​ട​ക​യും ചോ​ദി​ച്ച​താ​ണ് കാ​ര​ണം. ഇ​തു​മൂ​ലം മൂ​ന്നു​ത​വ​ണ ടെ​ൻ​ഡ​ർ ചെ​യ്തെ​ങ്കി​ലും ആ​രും എ​ടു​ക്കാ​ൻ ത​യാ​റാ​യി​ല്ല. ഹ​രി​പ്പാ​ട്ടെ മ​റ്റ് ക​ട​ക​ളു​ടെ ​െഡ​പ്പോ​സി​റ്റ് തു​ക​െ​യ​ക്കാ​ൾ വ​ള​രെ കൂ​ടു​ത​ലാ​ണെ​ന്നാ​ണ്​ വ്യാ​പാ​രി​ക​ളു​ടെ പ​രാ​തി. ഇ​തേ​തു​ട​ർ​ന്ന് വാ​ണി​ജ്യ സ​മു​ച്ച​യം ഒ​റ്റ യൂ​നി​റ്റാ​യി വാ​ട​ക​ക്ക്​ ന​ൽ​കു​ന്ന​തി​ന് തീ​രു​മാ​ന​മെ​ടു​ത്തി​രി​ക്കു​ക​യാ​ണ്. ദീ​ർ​ഘ​കാ​ല ലീ​സ് അ​നു​വ​ദി​ക്കു​ന്ന​തും ആ​ലോ​ചി​ക്കു​ന്നു. ര​ണ്ട് നി​ല​യി​ലാ​യി 46 ക​ട​മു​റി​യാ​ണ്​ വാ​ണി​ജ്യ സ​മു​ച്ച​യ​ത്തി​ലു​ള്ള​ത്. മൂ​ന്നാ​മ​ത്തെ നി​ല കെ.​എ​സ്.​ആ​ർ.​ടി.​സി ജീ​വ​ന​ക്കാ​ർ​ക്ക് വി​ശ്ര​മി​ക്കാ​നും ഓ​ഫി​സു​ക​ൾ​ക്കു​മു​ള്ള​താ​ണ്.

ഗാ​രേ​ജ് നി​ർ​ത്താ​ൻ നീ​ക്കം

ഡി​പ്പോ​യി​ലെ ഗാ​രേ​ജ് പ​രി​ഷ്കാ​ര​ങ്ങ​ളു​ടെ മ​റ​വി​ൽ നി​ർ​ത്ത​ൽ ചെ​യ്യാ​ൻ നീ​ക്കം. അ​സി. ഡി​പ്പോ എ​ൻ​ജി​നീ​യ​റെ അ​ടു​ത്തി​ടെ മാ​വേ​ലി​ക്ക​ര റീ​ജ​ന​ൽ വ​ർ​ക്​​ഷോ​പ്പി​ലേ​ക്ക് മാ​റ്റി. 28 പേ​രു​ണ്ടാ​യി​രു​ന്നു മെ​ക്കാ​നി​ക്ക​ൽ സ്​​റ്റാ​ഫി​നെ പ​കു​തി​യാ​ക്കി. പ​ടി​പ​ടി​യാ​യി വ​ർ​ക്​​ഷോ​പ് പൂ​ട്ടാ​നാ​ണ് നീ​ക്ക​മെ​ന്ന് തൊ​ഴി​ലാ​ളി​ക​ൾ സം​ശ​യി​ക്കു​ന്നു. ഗാ​രേ​ജി​െൻറ ഗ്രൗ​ണ്ട് ശോ​ച്യാ​വ​സ്ഥ​യി​ലാ​ണ്. എ.​എം. ആ​രി​ഫ് എം.​പി​യു​ടെ ഫ​ണ്ടു​പ​യോ​ഗി​ച്ച് ഗ്രൗ​ണ്ടി​െൻറ ശോ​ച്യാ​വ​സ്ഥ നീ​ക്കു​മെ​ന്ന്​ പ്ര​ഖ്യാ​പ​നം ഉ​ണ്ടാ​യെ​ങ്കി​ലും യാ​ഥാ​ർ​ഥ്യ​മാ​യി​ല്ല.

സ്​​റ്റേ​ഷ​ൻ മാ​സ്​​റ്റ​ർ ഓ​ഫി​സ്

ദ​യ​നീ​യ​മാ​ണ് ഡി​പ്പോ​യി​ലെ ജീ​വ​ന​ക്കാ​രു​ടെ അ​വ​സ്ഥ. വി​ക​സ​ന​ത്തി​ന് പേ​രി​ൽ അ​വ​ർ ദു​രി​ത​മ​നു​ഭ​വി​ക്കാ​ൻ തു​ട​ങ്ങി​യി​ട്ട് വ​ർ​ഷ​ങ്ങ​ളാ​യി. കാ​ലി​ത്തൊ​ഴു​ത്തി​നെ​ക്കാ​ൾ പ​രി​താ​പ​ക​ര​മാ​യ ഷെ​ഡി​ലാ​ണ്​ സ്​​റ്റേ​ഷ​ൻ മാ​സ്​​റ്റ​ർ ഓ​ഫി​സ്. മ​ഴ​ക്കാ​ല​മാ​യാ​ൽ സ​മീ​പ​ത്തു​കൂ​ടി ക​ട​ന്നു​പോ​കു​ന്ന ഓ​ട​യി​ലെ വെ​ള്ളം ഈ ​ഷെ​ഡി​ൽ എ​ത്തും. നാ​ലു​പേ​ർ​ക്ക് ഇ​രി​ക്കാ​നു​ള്ള ഇ​ടം പോ​ലും ഇ​ല്ല. മ​റ്റ് മാ​ർ​ഗ​ങ്ങ​ൾ ഇ​ല്ലാ​ത്ത​തി​നാ​ൽ ഇ​ര​ട്ടി​യോ​ളം ജീ​വ​ന​ക്കാ​രാ​ണ്​ ഇ​തി​നു​ള്ളി​ൽ തി​ങ്ങി​ക്കൂ​ടി ഇ​രി​ക്കു​ന്ന​ത്.

ഇ​ഴ​ജ​ന്തു​ക്ക​ളു​ടെ ശ​ല്യം വേ​റെ. ജീ​ർ​ണാ​വ​സ്ഥ​യി​ലു​ള്ള ബ​സി​െൻറ സീ​റ്റാ​ണ് ഇ​വ​ർ ഇ​രി​പ്പി​ട​മാ​യി ഉ​പ​യോ​ഗി​ക്കു​ന്ന​ത്. കാ​ൻ​റീ​ൻ വ​ർ​ഷ​ങ്ങ​ളാ​യി അ​ട​ഞ്ഞു​കി​ട​ക്കു​ന്നു. വാ​ട​ക കൂ​ട്ടി​യ​താ​ണ് എ​ടു​ക്കാ​ൻ ആ​ളി​ല്ലാ​ത്ത അ​വ​സ്ഥ​യി​ലെ​ത്തി​ച്ച​ത്.

ഉണ്ടായിരുന്ന ബസുകൾ കൊണ്ടുപോയി; റൂട്ടിലോടാൻ ഇല്ല

ദി​നം​പ്ര​തി 42 ഷെ​ഡ്യൂ​ളു​ക​ൾ വി​ജ​യ​ക​ര​മാ​യി ന​ട​ത്തി​ക്കൊ​ണ്ടി​രു​ന്ന ഡി​പ്പോ​യി​ൽ നാ​ൾ​ക്കു​നാ​ൾ എണ്ണം കു​റ​യു​ക​യാ​ണ്. ലോ​ക് ഡൗ​ൺ പ്ര​ഖ്യാ​പി​ച്ച ഘ​ട്ട​ത്തി​ൽ 36 ഷെ​ഡ്യൂ​ൾ ആ​യി കു​റ​ച്ചു. പ​രി​ഷ്കാ​ര​ങ്ങ​ളു​ടെ മ​റ​വി​ൽ വീ​ണ്ടും ഏ​ഴെ​ണ്ണം​കൂ​ടി കു​റ​ച്ച​തോ​ടെ 29 ഷെ​ഡ്യൂ​ളു​ക​ളി​ൽ എ​ത്തി​നി​ൽ​ക്കു​ക​യാ​ണ്. ഇ​വി​ടു​ത്തെ 29 ഓ​ർ​ഡി​ന​റി ബ​സു​ക​ളി​ൽ 14 എ​ണ്ണം പാ​ർ​ക്ക് പ​ട്ടി​ക​യി​ൽ​പ്പെ​ടു​ത്തി കാ​യം​കു​ളം ചാ​ത്ത​ന്നൂ​ർ ഡി​പ്പോ​യി​ലേ​ക്ക് മാ​റ്റി​യി​രു​ന്നു. ഇ​വി​ടെ​യു​ണ്ടാ​യി​രു​ന്ന അ​ഞ്ച് ജ​നു​റം ബ​സു​ക​ളും കൊ​ണ്ടു​പോ​യി.

ലോ​ക്ഡൗ​ൺ പ്ര​ഖ്യാ​പി​ച്ച​തി​നെ തു​ട​ർ​ന്ന് ബ​സു​ക​ൾ ഓ​ടാ​ത്ത സാ​ഹ​ച​ര്യ​ത്തി​ലാ​യി​രു​ന്നു ഈ ​ന​ട​പ​ടി. ദീ​ർ​ഘ​കാ​ലം നി​ർ​ത്തി​യി​ട്ട ബ​സു​ക​ൾ ഒ​ന്നി​ച്ച് ഒ​രി​ട​ത്ത് സൂ​ക്ഷി​ക്കു​ന്ന​തി​നാ​ണ് പാ​ർ​ക്ക് പ​ദ്ധ​തി ന​ട​പ്പാ​ക്കി സൗ​ക​ര്യ​മു​ള്ള ഡി​പ്പോ​ക​ളി​ലേ​ക്ക് മാ​റ്റി​യ​ത്. എ​ന്നാ​ൽ, ലോ​ക്ഡൗ​ൺ പി​ൻ​വ​ലി​ച്ച് മാ​സ​ങ്ങ​ൾ ക​ഴി​ഞ്ഞി​ട്ടും ബ​സു​ക​ൾ ഒ​ന്നും തി​രി​ച്ചെ​ത്തി​യി​ല്ല. ആ​യാ​പ​റ​മ്പ് , പ​ള്ളി​പ്പാ​ട്, വ​ഴു​താ​നം, കു​മാ​ര​കോ​ടി, ആ​റാ​ട്ടു​പു​ഴ, പ​ത്ത​നം​തി​ട്ട, മ​ല​യാ​ല​പ്പു​ഴ, ഏ​വൂ​ർ - മു​ട്ടം - കാ​യം​കു​ളം, വ​ലി​യ​ഴീ​ക്ക​ൽ - ആ​ല​പ്പു​ഴ എ​ന്നീ ലാ​ഭ​ക​ര​മാ​യ സ​ർ​വി​സു​ക​ൾ ബ​സി​ല്ലാ​ത്ത​തി​നാ​ൽ നി​ല​ച്ചി​രി​ക്കു​ക​യാ​ണ്.

ഇ​തു​മൂ​ലം ക​ടു​ത്ത യാ​ത്രാ​ദു​രി​ത​മാ​ണ് ഗ്രാ​മ​വാ​സി​ക​ൾ അ​നു​ഭ​വി​ക്കു​ന്ന​ത്. പ​ന്ത​ളം വ​ഴി പ​ത്ത​നം​തി​ട്ട ചെ​യി​ൻ സ​ർ​വി​സി​ൽ മൂ​ന്ന് വ​ണ്ടി​ക​ൾ ഉ​ണ്ടാ​യി​രു​ന്ന​ത് ഒ​ന്നാ​യി ചു​രു​ക്കി. എ​ട​ത്വ, തി​രു​വ​ല്ല ,മാ​വേ​ലി​ക്ക​ര റൂ​ട്ടി​ൽ രാ​ത്രി ഏ​ഴു​മ​ണി​ക്ക് ശേ​ഷം ബ​സി​ല്ല. ആ​ല​പ്പു​ഴ, എ​റ​ണാ​കു​ളം, കോ​ട്ട​യം, ഇ​ടു​ക്കി, തൃ​ശൂ​ർ ജി​ല്ല​ക​ൾ ഉ​ൾ​പ്പെ​ടു​ന്ന കെ.​എ​സ്.​ആ​ർ.​ടി.​സി​യു​ടെ മ​ധ്യ​മേ​ഖ​ല​യി​ൽ ഏ​റ്റ​വും ഉ​യ​ർ​ന്ന ക​ല​ക്​​ഷ​ൻ ഹ​രി​പ്പാ​ട് ഡി​പ്പോ​യി​ലാ​യി​രു​ന്നു. ബ​സു​ക​ൾ വി​ട്ടു​കി​ട്ടാ​ത്ത​തു​മൂ​ലം ലാ​ഭ​ത്തി​ലു​ള്ള സ​ർ​വി​സു​ക​ൾ പോ​ലും ന​ട​ത്താ​ൻ ക​ഴി​യാ​ത്ത അ​വ​സ്ഥ​യി​ലാ​ണ് അ​ധി​കൃ​ത​ർ.

മ​ഴ​യും വെ​യി​ലു​മേ​റ്റ് യാ​ത്ര​ക്കാ​ർ

ജീ​വ​ന​ക്കാ​രെ​പ്പോ​ലെ ദു​രി​താ​വ​സ്ഥ​യി​ലാ​ണ് യാ​ത്ര​ക്കാ​രും. മ​ഴ​യും വെ​യി​ലും ഏ​ൽ​ക്കാ​തെ ബ​സ്​ കാ​ത്തി​രി​ക്കാ​ൻ ന​ല്ലൊ​രു സം​വി​ധാ​നം ഇ​വി​ടെ​യി​ല്ല. ന​വീ​ക​ര​ണം തു​ട​ങ്ങി​യ​പ്പോ​ൾ താ​ൽ​ക്കാ​ലി​ക​മാ​യി നി​ർ​മി​ച്ച വെ​യി​റ്റി​ങ്​ ഷെ​ഡി​െൻറ മേ​ൽ​ക്കൂ​ര ത​ക​ർ​ന്ന നി​ല​യി​ലാ​ണ്. കാ​ല​വ​ർ​ഷ സ​മ​യ​ത്തെ​ല്ലാം ക​ടു​ത്ത ദു​രി​ത​മാ​ണ് യാ​ത്ര​ക്കാ​ർ അ​നു​ഭ​വി​ച്ച​ത്. മ​ഴ​വ​ന്നാ​ൽ ക​യ​റി​നി​ൽ​ക്കാ​ൻ മ​റ്റൊ​രി​ട​വും ഇ​ല്ല.

(അ​വ​സാ​നി​ച്ചു)