സ്നേഹവീട് കല്യാണവീടായി; ദിവ്യക്ക്​ ഇത് ആഗ്രഹസാഫല്യം

ഹ​രി​പ്പാ​ട്: കു​ടും​ബ​ത്തി​ലെ സ​ന്തോ​ഷ മു​ഹൂ​ർ​ത്ത​ങ്ങ​ളെ​ല്ലാം ഓ​ർ​മ​ക​ളി​ൽ അ​യ​വി​റ​ക്കി ജീ​വി​ക്കു​ന്ന സ്നേ​ഹ​വീ​ട്ടി​ലെ അ​മ്മ​മാ​ർ​ക്ക് ദി​വ്യ​യു​ടെ ക​ല്യാ​ണം പ​ക​ർ​ന്നു​ന​ൽ​കി​യ​ത് ആ​ഹ്ലാ​ദ​ത്തി​ന്‍റെ ഒ​രു പി​ടി മു​ഹൂ​ർ​ത്ത​ങ്ങ​ൾ. സു​ധി​നും ദി​വ്യ​യും വ​ര​ണ​മാ​ല്യം ചാ​ർ​ത്തി ഒ​ന്നാ​കു​ന്ന മം​ഗ​ള മു​ഹൂ​ർ​ത്തം ക​ൺ​നി​റ​യെ ക​ണ്ടും മ​ന​സ്സ​റി​ഞ്ഞ്​ പ്രാ​ർ​ഥി​ച്ചും അ​വ​ർ ച​ട​ങ്ങി​ൽ പ​ങ്കു​കൊ​ണ്ട​പ്പോ​ൾ ദി​വ്യ​ക്ക് സ​ന്തോ​ഷ​ത്തോ​ടൊ​പ്പം വാ​ക്കു​പാ​ലി​ച്ച​തി​ന്‍റെ സം​തൃ​പ്തി​യും. ആ​യാ​പ​റ​മ്പ് ഗാ​ന്ധി​ഭ​വ​ൻ സ്നേ​ഹ​വീ​ടാ​ണ് ശ​നി​യാ​ഴ്ച വി​വാ​ഹ വീ​ടാ​യ​ത്.

ആ​ല​പ്പു​ഴ കി​ട​ങ്ങ​റ ത​ട്ടാ​ശ്ശേ​രി​ൽ സ​ത്യ​ൻ-​ഉ​ഷ ദ​മ്പ​തി​ക​ളു​ടെ മ​ക​ൻ സു​ധി​നും ത​ല​വ​ടി പ​ത്തി​ശ്ശേ​രി​ൽ ഓ​മ​ന​ക്കു​ട്ട​ൻ-​സ​ര​ള ദ​മ്പ​തി​ക​ളു​ടെ മ​ക​ൾ ദി​വ്യ​യു​മാ​യു​ള്ള വി​വാ​ഹ​മാ​ണ് സ്നേ​ഹ​വീ​ട്ടി​ലെ അ​ന്തേ​വാ​സി​ക​ളു​ടെ സാ​ന്നി​ധ്യ​ത്തി​ൽ ന​ട​ന്ന​ത്. ഗാ​ന്ധി​ഭ​വ​ൻ സ്നേ​ഹ​വീ​ട്ടി​ൽ കു​ടും​ബ​ത്തി​ലെ ച​ട​ങ്ങി​നെ​ത്തി​യ ദി​വ്യ അ​വി​ട​ത്തെ അ​മ്മ​മാ​രോ​ട് വി​വാ​ഹ​ത്തി​ന് ക്ഷ​ണി​ക്കും, വ​ര​ണം എ​ന്ന് പ​റ​ഞ്ഞി​രു​ന്നു. അ​മ്മ​മാ​ർ വ​രാ​മെ​ന്നും ഏ​റ്റു. വി​വാ​ഹം തീ​രു​മാ​നി​ച്ച​പ്പോ​ൾ ദി​വ്യ​യു​ടെ മ​ന​സ്സി​ൽ ആ​ദ്യം ഓ​ടി​യെ​ത്തി​യ​ത് അ​മ്മ​മാ​ർ​ക്ക് കൊ​ടു​ത്ത വാ​ക്കാ​യി​രു​ന്നു. അ​മ്മ​മാ​ർ ത​ന്‍റെ വീ​ട്ടി​ൽ എ​ത്തു​ന്ന​തി​ന് പ​രി​മി​തി​ക​ൾ ഉ​ണ്ടെ​ന്ന് മ​ന​സ്സി​ലാ​ക്കി​യ ദി​വ്യ വ​ര​ന്‍റെ​യും ത​ന്‍റെ​യും വീ​ട്ടു​കാ​രു​ടെ സ​മ്മ​ത​ത്തോ​ടെ ഗാ​ന്ധി​ഭ​വ​ൻ​ത​ന്നെ ക​ല്യാ​ണ​മ​ണ്ഡ​പം ആ​ക്കാ​ൻ തീ​രു​മാ​നി​ച്ചു. ആ​ചാ​ര​പ്ര​കാ​രം ല​ളി​ത ച​ട​ങ്ങു​ക​ളോ​ടെ വി​വാ​ഹം ന​ട​ന്നു.

ആ​ല​പ്പു​ഴ ജി​ല്ല പ​ഞ്ചാ​യ​ത്ത്‌ വി​ക​സ​ന​കാ​ര്യ സ്ഥി​രം സ​മി​തി ചെ​യ​ർ​പേ​ഴ്സ​ൻ എ. ​ശോ​ഭ, ചെ​റു​ത​ന ഗ്രാ​മ പ​ഞ്ചാ​യ​ത്ത്‌ അം​ഗം എ​സ്. അ​നി​ല എ​ന്നി​വ​രും എ​ത്തി. വ​ധൂ​വ​ര​ന്മാ​ർ യാ​ത്ര ചോ​ദി​ച്ച​പ്പോ​ൾ ഗാ​ന്ധി​ഭ​വ​ൻ കു​ടും​ബാം​ഗ​ങ്ങ​ളു​ടെ ക​ണ്ണു​ക​ൾ നി​റ​ഞ്ഞു. മ​ക​ളെ യാ​ത്ര​യാ​ക്കു​ന്ന​തു​പോ​ലെ അ​മ്മ​മാ​ർ വി​തു​മ്പി. ഗാ​ന്ധി​ഭ​വ​ൻ സ്‌​നേ​ഹ​വീ​ട് ഡ​യ​റ​ക്ട​ർ മു​ഹ​മ്മ​ദ്‌ ഷെ​മീ​ർ, അം​ഗം പ്ര​ണ​വം ശ്രീ​കു​മാ​ർ, ഗോ​പാ​ല​കൃ​ഷ്ണ​ൻ എ​ന്നി​വ​ർ നേ​തൃ​ത്വം ന​ൽ​കി.