റാ​ണി​ത്തോ​ടി​ന്‍റെ ദു​രി​തം​പേ​റി നാ​ട്ടു​കാ​ർ; ആല‘പ്പുഴ’യുടെ മാലിന്യ‘റാണി’

ആ​ല​പ്പു​ഴ: നാ​ട്ടി​ലെ സ​ക​ല മാ​ലി​ന്യ​വും ത​ള്ളു​ന്ന​ത് ന​ഗ​ര​ഹൃ​ദ​യ​ത്തി​ലൂ​ടെ ക​ട​ന്നു​പോ​കു​ന്ന റാ​ണി​ത്തോ​ട്ടി​ലേ​ക്കാ​ണ്. അ​ത്ര​ക്കു​ണ്ട്​ ഇ​വി​ട​ത്തെ മാ​ലി​ന്യം. ന​ഗ​ര​സ​ഭ​യു​ടെ ആ​ലി​ശ്ശേ​രി, സി​വി​ൽ സ്റ്റേ​ഷ​ൻ, റെ​യി​ൽ​വേ സ്റ്റേ​ഷ​ൻ, ല​ജ്​​ന​ത്ത്‌, സ​ക്ക​റി​യ ബ​സാ​ർ, വ​ലി​യ​കു​ളം, വ​ട്ട​യാ​ൽ, കു​തി​ര​പ്പ​ന്തി, ഇ​ര​വു​കാ​ട്, ഗു​രു​മ​ന്ദി​രം, ബീ​ച്ച്, വാ​ട​ക്ക​ൽ എ​ന്നി​ങ്ങ​നെ 12 വാ​ർ​ഡു​ക​ളി​ലൂ​ടെ​യാ​ണ് ഇ​തി​ന്‍റെ ഒ​ഴു​ക്ക്. തോ​ടി​ന്‍റെ ഇ​രു​വ​ശ​ത്തും താ​മ​സി​ക്കു​ന്ന​ത്​ 3700ല​ധി​കം കു​ടും​ബ​ങ്ങ​ളാ​ണ്.

തു​റ​മു​ഖ ന​ഗ​ര​ത്തി​ന്റെ പ്ര​താ​പ​കാ​ല​ത്ത്​ ഈ ​തോ​ട്ടി​ലൂ​ടെ ബോ​ട്ടും വ​ള്ള​വു​മൊ​ക്കെ ക​ട​ന്നെ​ത്തി​യെ​ന്ന്​ പ​റ​ഞ്ഞാ​ൽ ആ​രും അ​ത്ഭു​ത​പ്പെ​ടും. ഇ​പ്പോ​ൾ തോ​ടി​ന് പ​ല​യി​ട​ത്തും ഓ​ട​യു​ടെ വ​ലു​പ്പം പോ​ലു​മി​ല്ല. വീ​തി​യു​ള്ള സ്ഥ​ല​ങ്ങ​ളി​ൽ സം​ര​ക്ഷ​ണ​വും ശു​ചീ​ക​ര​ണ​വു​മി​ല്ല. വി​വി​ധ ക​നാ​ലു​ക​ളു​മാ​യി ​കോ​ർ​ത്തി​ണ​ക്കു​ന്ന ഷ​ഡാ​മ​ണി​​ത്തോ​ടും മാ​ലി​ന്യ​ത്തി​ൽ മു​ങ്ങി. അ​മ്പ​ല​പ്പു​ഴ കാ​പ്പി​ത്തോ​ട് മു​ത​ൽ ന​ഗ​ര​ത്തി​ൽ ക​മേ​ഴ്സ്യ​ൽ ക​നാ​ൽ​വ​രെ നീ​ള​ത്തി​ൽ കി​ട​ക്കു​ന്ന​താ​ണി​ത്. മ​ഴ​ക്കാ​ല​ത്ത് ക​നാ​ലു​ക​ളി​ലെ നീ​രൊ​ഴു​ക്ക് സു​ഗ​മാ​ക്കാ​ൻ ആ​വി​ഷ്​​ക​രി​ച്ച പ​ല പ​ദ്ധ​തി​ക​ളും ക​ട​ലാ​സ്സി​ലാ​ണ്. ചെ​റി​യ മ​ഴ​യി​ൽ​പോ​ലും ന​ഗ​ര​ത്തി​ലെ റോ​ഡു​ക​ളും താ​ഴ്ന്ന പ്ര​ദേ​ശ​ങ്ങ​ളും വെ​ള്ള​ക്കെ​ട്ടി​ൽ മു​ങ്ങു​ന്ന​താ​ണ് പ​തി​വ്.

ച​ളി​നി​റ​ഞ്ഞ്​ ദു​ർ​ഗ​ന്ധം

മാ​ലി​ന്യ​വും ച​ളി​യും നി​റ​ഞ്ഞ്​ പ്ര​ദേ​ശ​വാ​സി​ക​ൾ​ക്ക്​ ദു​ർ​ഗ​ന്ധം പ​ര​ത്തു​ന്ന തോ​ടു​ക​ളാ​ണ്​ റാ​ണി​യും ഷ​ഡാ​മ​ണി​യും. മ​ലി​ന​ജ​ലം കെ​ട്ടി​ക്കി​ട​ന്ന്​ കൊ​തു​ക് പെ​രു​കി പ​ട​ർ​ത്തു​ന്ന സാം​ക്ര​മി​ക​രോ​ഗ​ങ്ങ​ൾ വേ​റെ​യും.

തോ​ട്ടി​ലൂ​ടെ ഒ​ഴു​കു​ന്ന വെ​ള്ള​ത്തി​ന്​ ക​രി​നി​റ​മാ​ണ്. മ​ഴ​യെ​ത്തി​യാ​ൽ തോ​ട്ടി​ലെ വെ​ള്ളം പൊ​ങ്ങി വീ​ടു​ക​ളി​ലേ​ക്കെ​ത്തും. മ​ലി​ന​ജ​ലം ക​ല​ർ​ന്ന്​ കു​ടി​വെ​ള്ളം​പോ​ലും ചീ​ത്ത​യാ​കും. ഒ​ഴു​കി​യെ​ത്തു​ന്ന​തും ത​ള്ളു​ന്ന​തു​മാ​യ പ്ലാ​സ്റ്റി​ക്​ മാ​ലി​ന്യ​ത്തി​ന്റെ കാ​ര്യം പ​റ​യേ​ണ്ട. ക​ല​ക്ട​റേ​റ്റി​ന്​ സ​മീ​പ​ത്തെ സ​ക്ക​റി​യ ബ​സാ​റി​ലൂ​ടെ​യു​ള്ള റാ​ണി​ത്തോ​ടി​ന്‍റെ​യും കൈ​വ​ഴി​യാ​യ തോ​ടി​ന്‍റെ​യും കാ​ര്യം അ​തി​ദ​യ​നീ​യ​മാ​ണ്. പൊ​ലീ​സ്​ ക്വാ​ർ​ട്ടേ​ഴ്സ് മു​ത​ൽ പു​ല്ലും​പു​റം പാ​ലം​വ​രെ പു​റ​ത്തു​നി​ന്നെ​ത്തി മാ​ലി​ന്യം വ​ലി​ച്ചെ​റി​യു​ന്ന​ത്​ പ്ര​ധാ​ന​പ്ര​ശ്​​ന​മാ​ണ്. ജ​ന​റ​ൽ ആ​ശു​പ​ത്രി-​ക​ട​പ്പു​റം റോ​ഡി​ൽ റ​ബ​ർ ഫാ​ക്ട​റി റോ​ഡി​ലേ​ക്ക് ക​യ​റി​യാ​ലും മാ​ലി​ന്യ​മ​യ​മാ​ണ്. മ​ഴ ക​ന​ത്താ​ലും ക​ട​ൽ കേ​റി​യാ​ലും റാ​ണി​ത്തോ​ടി​ന്റെ ഒ​ഴു​ക്ക്​ ത​ട​സ്സ​പ്പെ​ടും.

പു​തി​യ ക​ലു​ങ്കു​ക​ൾ ജ​ല​മൊ​ഴു​ക്കി​ന്​ ത​ട​സ്സം

മാ​ലി​ന്യ​ത്താ​ൽ വീ​ർ​പ്പു​മു​ട്ടി നീ​രൊ​ഴു​ക്ക്​ നി​ല​ച്ച റാ​ണി​ത്തോ​ട്ടി​ന്‍റെ ആ​ഴം കൂ​ട്ട​ണ​മെ​ന്ന​താ​ണ്​ പ്ര​ധാ​ന ആ​വ​ശ്യം. ഇ​തി​നോ​ട്​ ചേ​ർ​ന്നൊ​ഴു​കു​ന്ന കൈ​ത്തോ​ടു​ക​ളു​ടെ​യും സ്ഥി​തി സ​മാ​ന​മാ​ണ്. മ​ഴ​ക്കാ​ല​പൂ​ർ​വ ശു​ചീ​ക​ര​ണം പ​​ല​പ്പോ​ഴും പേ​രി​ലൊ​തു​ങ്ങും. ന​ഗ​ര​ത്തി​ൽ തോ​ടു​ക​ളു​ടെ മു​ക​ളി​ലൂ​ടെ പു​തു​താ​യി പ​ണി​ത ക​ലു​ങ്കു​ക​ളും ജ​ല​മൊ​ഴു​ക്കി​ന്​ ത​ട​സ്സ​മാ​ണ്. ക​ലു​ങ്ക് ഉ​യ​ർ​ത്തി നി​ർ​മി​ക്കാ​ത്ത​താ​ണ് കാ​ര​ണം. ‌

ഈ ​തോ​ട് എ​ങ്ങ​നെ ഒ​ഴു​കു​മെ​ന്ന്​ ചി​ന്തി​ക്കാ​തെ​യാ​ണ്​ പ​ല​യി​ട​ത്തെ​യും നി​ർ​മാ​ണം. ക​ള​ർ​കോ​ട് ഭാ​ഗ​ത്തു​നി​ന്ന്​ ബൈ​പാ​സി​ലേ​ക്ക്​ പ്ര​വേ​ശി​ക്കു​ന്ന റോ​ഡി​ൽ ഇ​ര​വു​കാ​ട് പാ​ല​ത്തി​ന്​ താ​ഴെ റാ​ണി​ത്തോ​ടി​ന്​ കു​ഴ​ലു​ക​ൾ സ്ഥാ​പി​ച്ചി​ട്ടു​ണ്ട്. എ​ന്നാ​ൽ, ഒ​രു തു​ള്ളി വെ​ള്ളം​പോ​ലും അ​പ്പു​റ​ത്തെ​ത്തു​ന്നി​ല്ല. നി​ർ​മാ​ണ​ത്തി​ലെ പോ​രാ​യ്‌​മ​ക​ളാ​ൽ കാ​ടു​പി​ടി​ച്ച്​ ദു​ർ​ഗ​ന്ധം പേ​റി​ക്കി​ട​ക്കു​ക​യാ​ണ് ഈ ​സ്ഥ​ലം.

പ്ര​ത്യേ​ക പാ​ക്കേ​ജ്​ വേ​ണം

വ​ർ​ഷാ​വ​ർ​ഷം തോ​ടു​ക​ളു​ടെ ന​വീ​ക​ര​ണ​ത്തി​ന് ന​ഗ​ര​സ​ഭ പ്ര​ഖ്യാ​പി​ക്കു​ന്ന​ത്​​ കോ​ടി​ക​ളു​ടെ പ​ദ്ധ​തി​ക​ളാ​ണ്. ഇ​തൊ​ന്നും ഫ​ല​പ്ര​ദ​മാ​കു​ന്നി​ല്ലെ​ന്ന​താ​ണ്​ വ​സ്തു​ത. മാ​ലി​ന്യം​പേ​റു​ന്ന തോ​ടു​ക​ളു​ടെ ശു​ചീ​ക​ര​ണ​ത്തി​നും സം​ര​ക്ഷ​ണ​ത്തി​നും പ്ര​ത്യേ​ക പാ​ക്കേ​ജ്​ ആ​വ​ശ്യ​മാ​ണ്. മ​ഴ​ക്കാ​ല​മെ​ത്തു​​​മ്പോ​ൾ ശു​ചീ​ക​ര​ണ​ത്തി​നാ​യി വ​ലി​യ തു​ക​യാ​ണ്​ ചെ​ല​വ​ഴി​ക്കു​ന്ന​ത്. ഇ​ട​ത്തോ​ടു​ക​ളു​ടെ ചി​ല​യി​ട​ങ്ങ​ളി​ൽ മാ​ത്ര​മാ​ണ്​ വൃ​ത്തി​യാ​ക്ക​ൽ. അ​ത്​ മൂ​ന്നാ​ഴ്ച പി​ന്നി​ടു​​​​മ്പോ​ൾ വീ​ണ്ടും ച​ളി​നി​റ​ഞ്ഞ്​ കാ​ടു​മൂ​ടി​യി​ട്ടു​ണ്ടാ​കും. ആ​ല​പ്പു​ഴ ന​ഗ​ര​സ​ഭ​യും ഇ​റി​ഗേ​ഷ​ൻ വ​കു​പ്പും ചേ​ർ​ന്ന്​ ല​ക്ഷ​ങ്ങ​ൾ മു​ട​ക്കി ന​വീ​ക​രി​ച്ച റാ​ണി​ത്തോ​ടി​ന്‍റെ ഇ​പ്പോ​ഴ​ത്തെ ചി​ത്രം ക​ണ്ടാ​ൽ ആ​രും ഞെ​ട്ടി​പ്പോ​കും.