നാ​ടി​ന്​ മാ​തൃ​ക കാ​ട്ടു​ക​യാ​ണ്​ ആ​ല​പ്പു​ഴ ന​ഗ​രം

മൂ​ക്ക്​ പൊ​ത്തേ​ണ്ട, ആ​ല​പ്പു​ഴ ന​ഗ​ര​ത്തി​ൽ

ആ​ല​പ്പു​ഴ: നാ​ടാ​കെ മാ​ലി​ന്യം കൊ​ണ്ട്​ പൊ​റു​തി​മു​ട്ടു​മ്പോ​ൾ നാ​ടി​ന്​ മാ​തൃ​ക കാ​ട്ടു​ക​യാ​ണ്​ ആ​ല​പ്പു​ഴ ന​ഗ​രം. ന​ഗ​ര​ത്തി​ലൂ​ടെ സ​ഞ്ച​രി​ച്ചാ​ൽ എ​വി​ടെ​യും മൂ​ക്കു​പൊ​ത്തേ​ണ്ട അ​വ​സ്ഥ​യി​ല്ല. ക​നാ​ലു​ക​ളി​ൽ മാ​ലി​ന്യം കു​മി​ഞ്ഞ്​ കൂ​ടി​യി​ട്ടി​ല്ല. മാ​ലി​ന്യ സം​സ്​​ക​ര​ണ മേ​ഖ​ല​യി​ൽ വ്യ​ക്ത​മാ​യ മു​ന്നേ​റ്റ​മാ​ണ്​ ആ​ല​പ്പു​ഴ ന​ഗ​ര​സ​ഭ കൈ​വ​രി​ച്ചി​രി​ക്കു​ന്ന​ത്. ശു​ചി​ത്വ​ത്തി​ന്റെ പേ​രി​ലു​ള്ള ദേ​ശീ​യ പു​ര​സ്കാ​രം നേ​ടി​യ ന​ഗ​ര​സ​ഭ​യാ​ണ്​ ആ​ല​പ്പു​ഴ. ദേ​ശീ​യ റാ​ങ്കി​ങി​ൽ സം​സ്ഥാ​ന​ത്തെ ന​ഗ​ര​സ​ഭ​ക​ളി​ൽ ആ​ല​പ്പു​ഴ​യാ​യി​രു​ന്നു മു​ന്നി​ൽ. ന​ഗ​ര​സ​ഭ പ്ര​ദേ​ശ​ത്ത്​ ഖ​ര​മാ​ലി​ന്യ സം​സ്ക​ര​ണ​ത്തി​ൽ 70 ശ​ത​മാ​ന​മെ​ങ്കി​ലും നേ​ട്ട​മു​ണ്ടാ​യെ​ന്നാ​ണ് അ​ധി​കൃ​ത​രു​ടെ വി​ല​യി​രു​ത്ത​ൽ. വീ​ടു​ക​ളി​ൽ പ്ലാ​സ്റ്റി​ക്​ ശേ​ഖ​ര​ണം 80 ശ​ത​മാ​ന​ത്തോ​ളം സാ​ധ്യ​മാ​കു​ന്നു​ണ്ട്.

മാ​തൃ​ക​യാ​യി തു​മ്പൂ​ർ മൂ​ഴി പ്ലാ​ന്‍റു​ക​ൾ

മി​ക്ക​യി​ട​ത്തും മാ​ലി​ന്യം നി​റ​ഞ്ഞ്​ ഉ​പ​യോ​ഗ​ശൂ​ന്യ​മാ​യി കി​ട​ക്കു​ന്ന തു​മ്പൂ​ർ മൂ​ഴി പ്ലാ​ന്‍റു​ക​ളാ​ണ്​ കാ​ണാ​നാ​കു​ക. പ​ക്ഷേ, ആ​ല​പ്പു​ഴ ന​ഗ​ര​ത്തി​ൽ പ്ര​വ​ർ​ത്തി​ക്കാ​ത്ത​വ മൂ​ന്നെ​ണ്ണം മാ​ത്ര​മാ​ണ്. ജൈ​വ മാ​ലി​ന്യ സം​സ്ക​ര​ണ​ത്തി​ൽ ഇ​വി​ട​ത്തെ​ തു​മ്പൂ​ർ മൂ​ഴി എ​യ്​​റോ​ബി​ക്​ ക​മ്പോ​സ്റ്റ്​ സം​സ്ക​ര​ണ യൂ​നി​റ്റു​ക​ൾ മാ​തൃ​ക കാ​ട്ടു​ക​യാ​ണ്. പൊ​തു ഇ​ട​ങ്ങ​ളി​ൽ 18 എ​യ്​​റോ​ബി​ക്​ ക​മ്പോ​സ്റ്റ്​ യൂ​ണി​റ്റു​ക​ളു​ണ്ട്. കാ​ഞ്ഞി​രം​ചി​റ വാ​ർ​ഡി​ൽ റെ​യി​ൽ​വേ മേ​ൽ​പാ​ല​ത്തി​ന​ടു​ത്ത്​ വ​ല​തു​വ​ശ​ത്ത്​ ഒ​രെ​ണ്ണം, പ്രൈ​വ​റ്റ്​ ബ​സ്റ്റാ​ൻ​ഡി​ന​ടു​ത്തു​ള്ള​ത്, പു​ന്ന​മ​ട​യി​ലേ​ത്​​ എ​ന്നി​വ​യാ​ണ്​ പ്ര​വ​ർ​ത്തി​ക്കാ​ത്ത​ത്. ഇ​വ മൂ​ന്നും പ്ര​വ​ർ​ത്ത​ന സ​ജ്ജ​മാ​ക്കാ​നു​ള്ള അ​റ്റ​കു​റ്റ​പ്പ​ണി​ക​ൾ ന​ട​ന്നു​വ​രു​ന്നു. ഫ്ലൈ ​ഓ​വ​റി​ന​ടു​ത്ത്​ ഒ​രെ​ണ്ണം കൂ​ടി സ്ഥാ​പി​ക്കാ​നു​ള്ള നീ​ക്ക​ത്തി​ലു​മാ​ണ്​ ന​ഗ​ര​സ​ഭ.

മാ​ലി​ന്യ സം​സ്ക​ര​ണം സം​സ്കാ​ര​മാ​കു​ന്നി​ല്ല

ന​ഗ​ര​സ​ഭ​യി​ൽ 38,000 വീ​ടു​ക​ളാ​ണു​ള്ള​ത്. 24,000ത്തോ​ളം വീ​ടു​ക​ളി​ൽ ബ​യോ ബി​ന്നു​ക​ൾ ന​ൽ​കി​യി​ട്ടു​ണ്ട്. ബി​ന്നു​ക​ൾ വാ​ങ്ങി​യ മി​ക്ക​വ​രും അ​വ മ​റ്റ്​ ആ​വ​ശ്യ​ങ്ങ​ൾ​ക്കാ​ണ്​ ഉ​പ​യോ​ഗി​ക്കു​ന്ന​ത്. ന​ഗ​ര​സ​ഭ​ക്ക്​ ഇ​ത്ര​ത്തോ​ള​മേ ചെ​യ്യാ​ൻ ക​ഴി​യു​ക​യു​ള്ളൂ. ഓ​രോ വീ​ട്ടി​ലും ചെ​ന്ന്​ ആ​ൾ​ക്കാ​രെ കൈ​പി​ടി​ച്ച്​ മാ​ലി​ന്യ​ങ്ങ​ൾ ബി​ന്നി​ൽ നി​ക്ഷേ​പി​പ്പി​ക്കു​ക പ്രാ​യോ​ഗി​ക​മ​ല്ലെ​ന്ന്​ ന​ഗ​ര​സ​ഭ വൈ​സ് ചെ​യ​ർ​മാ​ൻ പി.​എ​സ്.​എം ഹു​സൈ​ൻ മാ​ധ്യ​മ​ത്തോ​ട്​ പ​റ​ഞ്ഞു. മാ​ലി​ന്യ സം​സ്ക​ര​ണം സം​സ്കാ​ര​മാ​കു​ക​യാ​ണ്​ അ​തി​ന്​ വേ​ണ്ട​ത്. ബോ​ധ​വ​ത്​​ക​ര​ണം ആ​വ​ശ്യ​മാ​ണ്. ഇ​ത്ര​യേ​റെ ബി​ന്നു​ക​ൾ ഒ​രു ന​ഗ​ര​ത്തി​ൽ ന​ൽ​കി​യ​ത്​ ആ​ല​പ്പു​ഴ​യി​ലാ​ണെ​ന്നും അ​ദ്ദേ​ഹം പ​റ​ഞ്ഞു.

തെ​രു​വു​ക​ളി​ലെ പ്ല​ാസ്റ്റി​ക്​: വി​ദ്യാ​ർ​ഥി​ക​ൾ​ക്കും പ​ങ്ക്​

വ​ലി​ച്ചെ​റി​യ​ൽ മു​ക്​​തം എ​ന്ന​തി​ൽ പൂ​ർ​ണ വി​ജ​യം കൈ​വ​രി​ക്കാ​ൻ ന​ഗ​ര​സ​ഭ​ക്കാ​യി​ട്ടി​ല്ല. അ​ക്കാ​ര്യ​ത്തി​ലും ജ​ന​ങ്ങ​ളു​ടെ സ​ഹ​ക​ര​ണ​മാ​ണ്​ പ്ര​ധാ​നം. പൊ​തു ഇ​ട​ങ്ങ​ളി​ൽ മാ​ലി​ന്യം എ​റി​യി​ല്ല എ​ന്ന​ത്​ ഓ​രോ​രു​ത്ത​രു​ടെ​യും സം​സ്കാ​ര​മാ​കു​ന്നി​ല്ലെ​ന്ന കു​റ്റ​പ്പെ​ടു​ത്ത​ലാ​ണ്​ ന​ഗ​ര​സ​ഭ​ക്ക്. മു​ൻ​കാ​ല​ങ്ങ​ളെ അ​പേ​ക്ഷി​ച്ച്​ വ​ലി​ച്ചെ​റി​യ​ൽ ഗ​ണ്യ​മാ​യി കു​റ​ഞ്ഞി​ട്ടു​ണ്ട്.

തെ​രു​വോ​ര​ങ്ങ​ളി​ലും പ​റ​മ്പു​ക​ളി​ലും വീ​ണു​കി​ട​ക്കു​ന്ന പ്ലാ​സ്റ്റി​ക്​ ശേ​ഖ​രി​ക്കാ​ൻ ന​ഗ​ര​സ​ഭ ത​യാ​റാ​യി​ട്ടി​ല്ല. തെ​രു​വു​ക​ളി​ലും എ​ല്ലാ റോ​ഡു​ക​ളി​ലും ​പ്ലാ​സ്റ്റി​ക്​ കു​പ്പി​ക​ളും നി​ത്യോ​പ​യോ​ഗ സാ​ധ​ന​ങ്ങ​ൾ പാ​ക്ക്​ ചെ​യ്തു​വ​രു​ന്ന ക​വ​റു​ക​ളും കി​ട​ക്കു​ക​യാ​ണ്. വി​ദ്യാ​ർ​ഥി​ക​ളും​ തെ​രു​വു​ക​ളെ പ്ല​സ്റ്റി​ക്​ മ​യ​മാ​ക്കു​ന്ന​തി​ൽ പ​ങ്കു​വ​ഹി​ക്കു​ന്നു. സോ​ഫ്​​ട്​ ഡ്രി​ങ്ക്​​ക​ളും സ്നാ​ക്സു​ക​ളും ഐ​സ്​​ക്രീ​മു​ക​ളും മി​ഠാ​യി​ക​ളും ക​ഴി​ച്ചി​ട്ട്​ അ​വ​യു​ടെ ബോ​ട്ടി​ലു​ക​ളും ക​വ​റു​ക​ളും യാ​തൊ​രു ശ​ങ്ക​യു​മി​ല്ലാ​തെ വി​ദ്യാ​ർ​ഥി​ക​ൾ തെ​രു​വു​ക​ളി​ലേ​ക്ക്​ വ​ലി​ച്ചെ​റി​യു​ക​യാ​ണ്.

സ്കൂ​ൾ ത​ല ശു​ചി​ത്വ പ്ര​വ​ർ​ത്ത​ന​ങ്ങ​ൾ​ക്ക് തു​ട​ക്ക​മി​ട്ടി​രു​ന്നു. അ​ധ്യാ​പ​ക​രു​ടെ​യും ര​ക്ഷാ​ക​ർ​തൃ​സ​മി​തി​യു​ടെ​യും വി​ദ്യാ​ർ​ഥി​ക​ളു​ടെ​യും നേ​തൃ​ത്വ​ത്തി​ൽ സ്കൂ​ളു​ക​ളി​ൽ ശു​ചീ​ക​ര​ണം ന​ട​ത്തു​ക​യും ചെ​യ്തി​രു​ന്നു. വ​ലി​ച്ചെ​റി​യ​ൽ ശീ​ല​ത്തി​ൽ നി​ന്ന്​ കു​ട്ടി​ക​ളെ പി​ന്തി​രി​പ്പി​ക്കാ​നു​ള്ള ബോ​ധ​വ​ത്​​ക​ര​ണം ന​ട​ന്നി​ട്ടി​ല്ല എ​ന്ന​തി​ന്​ തെ​ളി​വാ​കു​ക​യാ​ണ്​ വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ പ​രി​സ​ര​ങ്ങ​ൾ.

എ​ല്ലാ​വ​രും യൂ​സ​ർ ഫീ, ​ഫ്ര​ണ്ട്​​ലി അ​ല്ല

ന​ഗ​ര​ത്തി​ൽ 80 ശ​ത​മാ​നം ആ​ൾ​ക്കാ​രെ ഇ​പ്പോ​ഴും പ്ലാ​സ്റ്റി​ക്​ ശേ​ഖ​ര​ണ പ​ദ്ധ​തി​യു​മാ​യി സ​ഹ​ക​രി​ക്കു​ന്ന​ള്ളു. പ്ര​തി​മാ​സം 60 രൂ​പ ഫീ​സ്​ ന​ൽ​കു​ന്ന​തി​ലു​ള്ള ബു​ദ്ധി​മു​ട്ടാ​ണ്​ 20 ശ​ത​മാ​നം ആ​ൾ​ക്കാ​ർ പി​ന്തി​രി​ഞ്ഞ്​ നി​ൽ​ക്കാ​ൻ ഇ​ട​യാ​ക്കു​ന്ന​ത്. അ​വ​രു​ടെ ഇ​ല്ലാ​യ്മ മ​ന​സി​ലാ​ക്കി പ​ക​രം സം​വി​ധാ​നം ആ​വി​ഷ്ക​രി​ക്കാ​ൻ ന​ഗ​ര​ഭ​സ ത​യാ​റാ​കു​ന്നു​മി​ല്ല. ന​ഗ​ര​ത്തി​ലെ ഹ​രി​ത ക​ർ​മ സേ​ന അം​ഗ​ങ്ങ​ൾ​ക്ക്​​ ഓ​രോ​രു​ത്ത​ർ​ക്കും പ്ര​തി​മാ​സം 15,000 രൂ​പ​യി​ലേ​റെ വ​രു​മാ​നം ല​ഭി​ക്കു​ന്നു​ണ്ട്. ഫെ​ബ്രു​വ​രി മാ​സ​ത്തി​ൽ 110 ട​ൺ പ്ല​സ്റ്റി​കാ​ണ്​ ന​ഗ​ര​സ​ഭ​യി​ൽ നി​ന്ന്​ ക​യ​റ്റി അ​യ​ച്ച​ത്. അ​റ​വു​മാ​ലി​ന്യം പൊ​തു ഇ​ട​ങ്ങ​ളി​ൽ ത​ള്ളു​ന്ന സ്ഥി​തി ന​ഗ​ര​ത്തി​ലി​ല്ല. അ​റ​വു​ശാ​ല സ്ഥാ​പി​ക്കാ​ൻ ന​ഗ​ര​സ​ഭ​ക്ക്​ ക​ഴി​ഞ്ഞി​ട്ടി​ല്ല. മൃ​ഗ​ങ്ങ​ളെ ക​ശാ​പ്പു ചെ​യ്യു​ന്ന കേ​ന്ദ്ര​ങ്ങ​ൾ ന​ഗ​ര​ത്തി​ൽ പ​ല​യി​ട​ത്തു​മു​ണ്ട്.

അ​വ​യെ​ല്ലാം ലൈ​സ​ൻ​സോ​ടു​കൂ​ടി പ്ര​വ​ർ​ത്തി​ക്കു​ന്ന​വ​യാ​ണെ​ന്നാ​ണ്​ ന​ഗ​ര​സ​ഭ അ​ധി​കൃ​ത​ർ പ​റ​യു​ന്ന​ത്. സ​ർ​ക്കാ​ർ അം​ഗീ​കൃ​ത ഏ​ജ​ൻ​സി​ക്ക്​ അ​റ​വു മാ​ലി​ന്യം കൃ​ത്യ​മാ​യി കൈ​മാ​റു​മെ​ന്ന വ്യ​വ​സ്ഥ​യോ​ടെ​യാ​ണ്​ ലൈ​സ​ൻ​സ്​ ന​ൽ​കു​ന്ന​തെ​ന്ന്​ ന​ഗ​ര​സ​ഭ അ​ധി​കൃ​ത​ർ പ​റ​യു​ന്നു. കോ​ഴി ക​ട​ക​ൾ, ഹോ​ട്ട​ലു​ക​ൾ എ​ന്നി​വ​ക്കെ​ല്ലാം ലൈ​സ​ൻ​സ്​ ന​ൽ​കു​ന്ന​തി​ൽ ഈ ​വ്യ​വ​സ്ഥ വ​ച്ചി​ട്ടു​ണ്ട​ത്രെ.

പ​ഞ്ചാ​യ​ത്തു​ക​ളും മാ​തൃ​ക

മ​ണ്ണ​ഞ്ചേ​രി, മു​ഹ​മ്മ, ആ​ര്യാ​ട്, ക​ഞ്ഞി​ക്കു​ഴി പ​ഞ്ചാ​യ​ത്തു​ക​ളി​ൽ മാ​ലി​ന്യ സം​സ്ക​ര​ണം മാ​തൃ​ക​പ​ര​മാ​യ രീ​തി​യി​ൽ ന​ട​ക്കു​ന്നു​ണ്ട്. എ​ന്നാ​ലും യൂ​സ​ർ​ഫീ​യു​ടെ പേ​രി​ൽ ചി​ല കോ​ണു​ക​ളി​ൽ നി​ന്ന് ഉ​യ​രു​ന്ന അ​ഭി​പ്രാ​യ​ങ്ങ​ളും ചി​ല വീ​ട്ടു​കാ​ർ മാ​ലി​ന്യം കൈ​മാ​റാ​ത്ത​തും പൂ​ർ​ണ മാ​ലി​ന്യ​മു​ക്ത പ​ദ്ധ​തി​ക്ക് ത​ട​സ​മാ​ണ്. കു​പ്പി​ച്ചി​ല്ല്, പ​ഴ​യ വ​സ്ത്രം തു​ട​ങ്ങി മാ​ലി​ന്യ​ങ്ങ​ൾ ശേ​ഖ​രി​ക്കു​ന്ന​തി​നു​ള്ള ന​ട​പ​ടി​ക​ൾ ഒ​രി​ട​ത്തും പൂ​ർ​ണ​മ​ല്ല.

2018, 2019 വ​ർ​ഷ​ങ്ങ​ളി​ൽ ജി​ല്ല​യി​ലെ മി​ക​ച്ച ഹ​രി​ത ക​ർ​മ​സേ​ന​ക്കു​ള്ള പു​ര​സ്‌​കാ​രം നേ​ടി​യ പ​ഞ്ചാ​യ​ത്താ​ണ് ആ​ര്യാ​ട്. ക​ഞ്ഞി​ക്കു​ഴി പ​ഞ്ചാ​യ​ത്തി​ൽ ഓ​രോ മാ​സ​വും ഏ​ഴു മു​ത​ൽ എ​ട്ടു ട​ൺ വ​രെ പ്ലാ​സ്റ്റി​ക് മാ​ലി​ന്യ​മാ​ണ് ശേ​ഖ​രി​ക്കു​ന്ന​ത്. 90 ശ​ത​മാ​ന​ത്തി​ന്​ മു​ക​ളി​ൽ അ​ജൈ​വ മാ​ലി​ന്യ ശേ​ഖ​ര​ണ​വും സാ​ധ്യ​മാ​കു​ന്നു​​വെ​ന്നാ​ണ്​ പ​ഞ്ചാ​യ​ത്ത്​ അ​ധി​കൃ​ത​രു​ടെ വാ​ദം. ‘അ​ഴു​ക്ക് മാ​റ്റാം അ​ഴ​കാ​ക്കാം’ എ​ന്ന മു​ദ്രാ​വാ​ക്യ​മു​യ​ർ​ത്തി ക​ഞ്ഞി​ക്കു​ഴി​യി​ൽ മെ​ഗാ ക്ലീ​നി​ങും സം​ഘ​ടി​പ്പി​ച്ചു. പ​ഞ്ചാ​യ​ത്തി​ലെ 18 വാ​ർ​ഡു​ക​ളി​ലാ​യി ആ​യി​ര​ക്ക​ണ​ക്കി​ന്​ പേ​ർ അ​ണി​നി​ര​ന്ന​താ​യി​രു​ന്നു പൊ​തു​ഇ​ട ശു​ചീ​ക​ര​ണ പ​രി​പാ​ടി. ജി​ല്ല​യി​ലെ മി​ക​ച്ച ഹ​രി​ത ക​ർ​മ​സേ​ന​ക്കു​ള്ള പു​ര​സ്‌​കാ​രം നേ​ടി​യ ആ​ര്യാ​ട് പ​ഞ്ചാ​യ​ത്തി​ൽ 7,855 വീ​ടു​ക​ളി​ലും 317 സ്ഥാ​പ​ന​ങ്ങ​ളി​ലും ഹ​രി​ത​ക​ർ​മ​സേ​ന സേ​വ​ന​ങ്ങ​ൾ ന​ൽ​കു​ന്നു. മാ​ലി​ന്യ ശേ​ഖ​ര​ണ​വു​മാ​യി ബ​ന്ധ​പ്പെ​ട്ട് പ്ലാ​ശു​കു​ള​ത്ത് പ്ര​ധാ​ന എം.​സി.​എ​ഫ് ഉം, ​ആ​ർ.​ആ​ർ.​എ​ഫും പ്ര​വ​ർ​ത്തി​ക്കു​ന്നു.

18 വാ​ർ​ഡു​ക​ളി​ലും മി​നി എം.​സി.​എ​ഫ് എ​ന്ന രീ​തി​യി​ൽ ആ​കെ 36 മി​നി എം.​സി.​എ​ഫു​ക​ൾ ഹ​രി​ത​ക​ർ​മ​സേ​ന​യു​ടെ പ്ര​വ​ർ​ത്ത​ന​ത്തി​നാ​യു​ണ്ട്. എ​ല്ലാ വീ​ടു​ക​ൾ​ക്കും, സ്ഥാ​പ​ന​ങ്ങ​ൾ​ക്കും ബി​ന്നു​ക​ൾ ന​ൽ​കി​യി​ട്ടു​ണ്ട്. ക്യു.​ആ​ർ കോ​ഡ് സം​വി​ധാ​നം എ​ല്ലാ വാ​ർ​ഡു​ക​ളി​ലും ന​ട​പ്പാ​ക്കി​യി​ട്ടു​ണ്ട്. മ​ണ്ണ​ഞ്ചേ​രി പ​ഞ്ചാ​യ​ത്തി​ൽ 90 ശ​ത​മാ​ന​ത്തി​ന് മു​ക​ളി​ൽ പ്ലാ​സ്റ്റി​ക് ശേ​ഖ​ര​ണം ഉ​ണ്ട്. മു​ഹ​മ്മ​യെ സ​മ്പൂ​ർ​ണ മാ​ലി​ന്യ​മു​ക്ത പ​ഞ്ചാ​യ​ത്താ​യി മാ​റ്റു​ന്ന​തി​നു​ള്ള പ്ര​വ​ർ​ത്ത​ന​ങ്ങ​ൾ ന​ട​ന്നു​വ​രു​ന്നു.

സ​മ്പൂ​ർ​ണ മാ​ലി​ന്യ സംസ്​​ക​ര​ണ എ​ന്ന ല​ക്ഷ്യം കൈ​വ​രി​ക്കു​ന്ന​തി​ന്റെ ഭാ​ഗ​മാ​യി ഫെ​ബ്രു​വ​രി, മാ​ർ​ച്ച് മാ​സ​ങ്ങ​ളി​ൽ 100 ശ​ത​മാ​നം വീ​ടു​ക​ളി​ൽ നി​ന്നും യൂ​സ​ർ​ഫീ പി​രി​ക്കു​വാ​നാ​ണ് തീ​രു​മാ​നം. യൂ​സ​ർ​ഫീ ന​ൽ​കാ​ൻ വി​സ​മ്മ​തി​ക്കു​ന്ന​വ​ർ​ക്ക് കാ​ര​ണം കാ​ണി​ക്ക​ൽ നോ​ട്ടി​സ് ന​ൽ​കു​ന്നു.

യ​ഥാ​സ​മ​യം മ​റു​പ​ടി ത​രാ​ത്ത​വ​ർ​ക്കെ​തി​രെ നി​യ​മ​ന​ട​പ​ടി​ക​ൾ സ്വീ​ക​രി​ക്കു​ന്നു​ണ്ട്. വി​ട്ടു​കി​ട്ടി​യ മു​ഴു​വ​ൻ സ്ഥാ​പ​ന​ങ്ങ​ൾ​ക്കും സ്ക്കൂ​ളു​ക​ൾ​ക്കും ര​ണ്ടു ബി​ന്നു​ക​ൾ വീ​തം ന​ൽ​കി​യി​ട്ടു​ണ്ട്. പ്ര​ധാ​ന റോ​ഡാ​യ ആ​ല​പ്പു​ഴ-​ത​ണ്ണീ​ർ​മു​ക്കം റോ​ഡി​ൽ 500 മീ​റ്റ​ർ ഇ​ട​വി​ട്ട് ബി​ന്നു​ക​ൾ സ്ഥാ​പി​ക്കു​ന്നു​ണ്ട്. തോ​ടു​ക​ളി​ലേ​ക്കും ജ​ലാ​ശ​യ​ങ്ങ​ളി​ലേ​ക്കും സ്ഥാ​പി​ച്ചി​രു​ന്ന മ​ലി​ന​ക്കു​ഴ​ലു​ക​ൾ നീ​ക്കം ചെ​യ്തു.

(അ​വ​സാ​നി​ച്ചു)