നിറയെ റെയിൽവേ ഗേറ്റുകൾ; ​ഗതാഗതക്കുരുക്കിൽ ചെട്ടികുളങ്ങര

ചെ​ട്ടി​കു​ള​ങ്ങ​ര: പ​ഞ്ചാ​യ​ത്തി​നെ ര​ണ്ടാ​യി കീ​റി​മു​റി​ച്ച്​ ക​ട​ന്നു​പോ​കു​ന്ന റെ​യി​ൽ​പ്പാ​ത... പ്ര​ധാ​ന റോ​ഡു​ക​ളി​ൽ മാ​ർ​ഗ​ത​ട​സ്സ​മാ​യി നി​ൽ​ക്കു​ന്ന അ​ഞ്ച്​ റെ​യി​ൽ​വേ ഗേ​റ്റു​ക​ൾ. ഇ​തി​ൽ ഒ​ന്നി​ലെ​ങ്കി​ലും മേ​ൽ​പാ​ലം വേ​ണ​മെ​ന്ന ചെ​ട്ടി​കു​ള​ങ്ങ​ര​ക്കാ​രു​ടെ ആ​വ​ശ്യം ഇ​നി​യും പ​രി​ഗ​ണി​ച്ചി​ട്ടി​ല്ല. കാ​യം​കു​ളം, മാ​വേ​ലി​ക്ക​ര സ്റ്റേ​ഷ​നു​ക​ൾ​ക്കി​ട​യി​ലു​ള്ള ഈ ​ഭാ​ഗ​ത്ത് ദി​വ​സേ​ന ശ​രാ​ശ​രി 60 പ്രാ​വ​ശ്യ​മെ​ങ്കി​ലും ഗേ​റ്റു​ക​ൾ അ​ട​ക്കേ​ണ്ടി​വ​രു​ന്നു​ണ്ട്.

മാ​വേ​ലി​ക്ക​ര ന​ഗ​രം, റെ​യി​ൽ​വേ സ്റ്റേ​ഷ​ൻ, ബ​സ് സ്റ്റാ​ൻ​ഡ്, സി​വി​ൽ സ്റ്റേ​ഷ​ൻ, കോ​ട​തി, പ​ല്ലാ​രി​മം​ഗ​ലം, ഓ​ല​കെ​ട്ടി എ​ന്നി​വി​ട​ങ്ങ​ളി​ലേ​ക്ക്​ പോ​കേ​ണ്ട​വ​ർ​ക്ക് റെ​യി​ൽ​വേ ഗേ​റ്റു​ക​ൾ​ക്ക്​ മു​ന്നി​ൽ കാ​ത്തു​കി​ട​ക്കു​ക​യേ നി​വൃ​ത്തി​യു​ള്ളൂ. അ​ത്യാ​വ​ശ്യ​ഘ​ട്ട​ത്തി​ൽ മാ​വേ​ലി​ക്ക​ര ജി​ല്ല ആ​ശു​പ​ത്രി​യി​ലേ​ക്ക്​ പോ​കേ​ണ്ടി​വ​രു​ന്ന​വ​രു​ടെ ഗ​തി​യും ഇ​തു​ത​ന്നെ. റെ​യി​ൽ​പ്പാ​ള​ത്തി‍െൻറ കി​ഴ​ക്കു​വ​ശ​ത്തെ ഒ​മ്പ​ത്‌, 11, 12 വാ​ർ​ഡു​ക​ളി​ലെ ജ​ന​ങ്ങ​ൾ​ക്ക് പ​ഞ്ചാ​യ​ത്ത്‌ ഓ​ഫി​സ്, പ​ഞ്ചാ​യ​ത്ത്‌ ആ​ശു​പ​ത്രി, കൃ​ഷി​ഭ​വ​ൻ, മൃ​ഗാ​ശു​പ​ത്രി, ചെ​ട്ടി​കു​ള​ങ്ങ​ര ക്ഷേ​ത്രം എ​ന്നി​വി​ട​ങ്ങ​ളി​ലേ​ക്ക്​ പോ​ക​ണ​മെ​ങ്കി​ലും കാ​ത്തു​കി​ട​ക്കാ​തെ ത​ര​മി​ല്ല.

ചെ​ട്ടി​കു​ള​ങ്ങ​ര-​ളാ​ഹ റോ​ഡി​ലെ ഗേ​റ്റി​ൽ തി​ര​ക്കേ​റി​യ സ​മ​യ​ങ്ങ​ളി​ൽ വ​ലി​യ ഗ​താ​ഗ​ത​ക്കു​രു​ക്കാ​ണ്. തു​റ​ന്ന് വാ​ഹ​ന​ങ്ങ​ൾ മു​ഴു​വ​ൻ ക​ട​ന്നു​പോ​കു​ന്ന​തി​നു​മു​മ്പ്​ ഗേ​റ്റ് വീ​ണ്ടും അ​ട​യു​ന്ന​തും പ​തി​വാ​ണ്. സ്കൂ​ളു​ക​ളി​ലും കോ​ള​ജു​ക​ളി​ലും പോ​കേ​ണ്ട കു​ട്ടി​ക​ൾ വൈ​കു​ന്ന സ്ഥി​തി​യു​മു​ണ്ട്. വേ​മ്പ​നാ​ട് റെ​യി​ൽ​വേ ഗേ​റ്റ് ചെ​ട്ടി​കു​ള​ങ്ങ​ര-​ആ​ന​യ​ടി​ക്കാ​വ്-​ഓ​ല​കെ​ട്ടി റോ​ഡി​ലാ​ണു​ള്ള​ത്.

കി​ഴ​ക്ക​ൻ​മേ​ഖ​ല​യി​ലു​ള്ള​വ​ർ​ക്ക് പ​ഞ്ചാ​യ​ത്ത് ആ​സ്ഥാ​ന​ത്തേ​ക്കും ക്ഷേ​ത്ര​ത്തി​ലേ​ക്കു​മു​ള്ള പ്ര​ധാ​ന പാ​ത​യു​മാ​ണി​ത്. ചെ​ട്ടി​കു​ള​ങ്ങ​ര,​ ഭ​ഗ​വ​തി​പ്പ​ടി എ​ന്നി​വി​ട​ങ്ങ​ളി​ൽ​നി​ന്നു​ള്ള പ്ര​ധാ​ന റോ​ഡു​ക​ൾ കൂ​ടി​ച്ചേ​രു​ന്ന ഭാ​ഗ​ത്താ​ണ് കോ​യി​ക്ക​ത്ത​റ റെ​യി​ൽ​വേ ഗേ​റ്റ്‌. പ​ല്ലാ​രി​മം​ഗ​ലം, ഓ​ല​കെ​ട്ടി ഭാ​ഗ​ത്തേ​ക്കും കൊ​യ്പ​ള്ളി കാ​രാ​ഴ്മ ഭാ​ഗ​ത്തേ​ക്കു​മു​ള്ള യാ​ത്ര​ക്കാ​ർ​ക്ക് ഗേ​റ്റ​ട​വ് വ​ലി​യ ബു​ദ്ധി​മു​ട്ടാ​ണ്​ സൃ​ഷ്ടി​ക്കു​ന്ന​ത്.

തെ​ക്കു​ഭാ​ഗ​ത്തേ​ക്കും വ​ട​ക്കു​ഭാ​ഗ​ത്തേ​ക്കും ട്രെ​യി​ൻ ക​ട​ന്നു​പോ​കേ​ണ്ടി​വ​രു​ന്ന സ​മ​യ​ങ്ങ​ളി​ൽ പ​ല​പ്പോ​ഴും 15 മി​നി​റ്റി​ല​ധി​കം ​അ​ട​ഞ്ഞു​കി​ട​ക്കും. തീ​ര​ദേ​ശ പാ​ത​യി​ൽ കാ​ക്ക​നാ​ട് ഗേ​റ്റു​കൂ​ടി വ​ന്ന​തോ​ടെ പ്ര​ദേ​ശ​ത്തെ ജ​ന​ങ്ങ​ൾ വി​ഷ​മ​വൃ​ത്ത​ത്തി​ലാ​ണ്.