ആ​ദ്യ ക​മ്യൂ​ണി​സ്റ്റ് സെ​ൽ; സി.പി.ഐ നേതൃത്വത്തിൽ ആഘോഷം ഇന്ന്​ മുതൽ

വ​ള്ളി​കു​ന്നം: വ​ള്ളി​കു​ന്ന​ത്ത് ആ​ദ്യ ക​മ്യൂ​ണി​സ്റ്റ് സെ​ൽ രൂ​പ​വ​ത്​​ക​രി​ച്ചി​ന്‍റെ 75ാം വാ​ർ​ഷി​കം സി.​പി.​ഐ​യു​ടെ ആ​ഭി​മു​ഖ്യ​ത്തി​ൽ ചൊവ്വാഴ്ച മു​ത​ൽ 14 വ​രെ ന​ട​ക്കും.10ന് ​പ​താ​ക ദി​നാ​ച​ര​ണ​ത്തോ​ടെ​യാ​ണ് തു​ട​ക്കം. 12ന് ​രാ​വി​ലെ 10ന് ​പു​തു​പ്പ​ള്ളി രാ​ഘ​വ​ൻ, തോ​പ്പി​ൽ ഭാ​സി, ടി.​കെ. തേ​വ​ൻ, കെ.​എ​ൻ. ഗോ​പാ​ല​ൻ, കി​ട​ങ്ങി​ൽ മാ​നേ​ജ​ർ എ​ന്നി​വ​രു​ടെ സ്മൃ​തി​കു​ടീ​ര​ത്തി​ൽ​നി​ന്നും ചാ​ലി​ത്ത​റ കു​ഞ്ഞ​ച്ച​ന്‍റെ കു​ടും​ബ​ത്തി​ൽ​നി​ന്നും തു​ട​ങ്ങു​ന്ന പ​താ​ക​ജാ​ഥ ചേ​ല​ക്കോ​ട്ടേ​ത്ത് കു​ഞ്ഞു​രാ​മ​ന്‍റെ വീ​ട്ടു​മു​റ്റ​ത്ത് സം​ഗ​മി​ക്കും.

ഉ​ച്ച​ക്ക് ര​ണ്ടി​ന് സി.​എ. അ​രു​ൺ​കു​മാ​ർ ക്യാ​പ്റ്റ​നാ​യ വി​ളം​ബ​ര ജാ​ഥ തു​ട​ങ്ങും. ജി​ല്ല സെ​ക്ര​ട്ട​റി ടി.​ജെ. ആ​ഞ്ച​ലോ​സ് പ​താ​ക കൈ​മാ​റും. 13ന് ​വൈ​കീ​ട്ട് നാ​ലി​ന് ശൂ​ര​നാ​ട് ര​ക്ത​സാ​ക്ഷി​ക​ളു​ടെ​യും ആ​ദ്യ​കാ​ല സ​ഖാ​ക്ക​ളു​ടെ​യും കു​ടും​ബ​സം​ഗ​മം ചൂ​നാ​ട്ട്​ ബി​നോ​യ് വി​ശ്വം എം.​പി ഉ​ദ്ഘാ​ട​നം ചെ​യ്യും. 14ന് ​വൈ​കീ​ട്ട് നാ​ലി​ന് പൊ​തു​സ​മ്മേ​ള​നം സം​സ്ഥാ​ന സെ​ക്ര​ട്ട​റി കാ​നം രാ​ജേ​ന്ദ്ര​ൻ ഉ​ദ്ഘാ​ട​നം ചെ​യ്യും. തു​ട​ർ​ന്ന് കെ.​പി.​എ.​സി​യു​ടെ നി​ങ്ങ​ളെ​ന്നെ ക​മ്യൂ​ണി​സ്റ്റാ​ക്കി നാ​ട​കം അ​ര​ങ്ങേ​റും. നാ​ടി​ന്‍റെ ച​രി​ത്രം ഓ​ർ​മ​പ്പെ​ടു​ത്തു​ന്ന സു​ഗ​ത​ൻ വ​ട്ട​ക്കാ​ടി​ന്‍റെ ‘50 വ​ർ​ഷ​ങ്ങ​ൾ കാ​മ​റ ക​ണ്ണി​ലൂ​ടെ’ ഫോ​ട്ടോ പ്ര​ദ​ർ​ശ​ന​വും സം​ഘ​ടി​പ്പി​ച്ചി​ട്ടു​ണ്ട്.