തോട്ടപ്പള്ളിയിലെ കരിമണൽ നീക്കത്തിന് പാരിസ്ഥിതിക ആഘാത പഠനം: വിദഗ്ധ സമിതി രൂപവത്കരിക്കണമെന്ന് ഹൈകോടതി

കൊ​ച്ചി: ആ​ല​പ്പു​ഴ തോ​ട്ട​പ്പ​ള്ളി സ്പി​ൽ​വേ​യി​ൽ നി​ന്ന്​ ക​രി​മ​ണ​ൽ നീ​ക്കു​ന്ന​തി​ന്‍റെ​ മു​ന്നോ​ടി​യാ​യി പാ​രി​സ്ഥി​തി​ക ആ​ഘാ​തം പ​ഠി​ക്കാ​ൻ ര​ണ്ട്​ മാ​സ​ത്തി​ന​കം വി​ദ​ഗ്ധ സ​മി​തി രൂ​പ​വ​ൽ​ക്ക​രി​ക്ക​ണ​മെ​ന്ന്​​ ഹൈ​കോ​ട​തി. പാ​രി​സ്ഥി​തി​ക ആ​ഘാ​തം കൂ​ടി പ​ഠി​ച്ചി​ട്ട്​ വേ​ണം മ​ണ​ൽ നീ​ക്ക​മെ​ന്ന്​ നി​രീ​ക്ഷി​ച്ചാ​ണ്​ ചീ​ഫ് ജ​സ്റ്റി​സ് നി​തി​ൻ ജാം​ദാ​ർ, ജ​സ്റ്റി​സ് വി.​എം. ശ്യാം​കു​മാ​ർ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ചി​ന്റെ ഉ​ത്ത​ര​വ്.

സ​മി​തി​യി​ൽ ക​ല​ക്ട​ർ, ജ​ല​സേ​ച​നം, വ​നം വ​കു​പ്പ്​ പ്ര​തി​നി​ധി​ക​ൾ, തീ​ര​മേ​ഖ​ല മാ​നേ​ജ്മെ​ന്റ് അ​തോ​റി​റ്റി, പു​റ​ക്കാ​ട്, ത​ക​ഴി ഗ്രാ​മ പ​ഞ്ചാ​യ​ത്ത് പ്ര​തി​നി​ധി​ക​ൾ, പ്ര​ദേ​ശ​ത്തെ ഒ​രു എ​ൻ.​ജി.​ഒ പ്ര​തി​നി​ധി എ​ന്നി​വ​രെ ഉ​ൾ​പ്പെ​ടു​ത്ത​ണ​മെ​ന്നാ​ണ്​ ചീ​ഫ് സെ​ക്ര​ട്ട​റി​ക്ക്​ നി​ർ​ദേ​ശം ന​ൽ​കി​യി​രി​ക്കു​ന്ന​ത്. മ​ണ​ൽ ഖ​ന​ന തീ​രു​മാ​നം സ​മി​തി തീ​രു​മാ​ന​ത്തി​ന്‍റെ അ​ടി​സ്ഥാ​ന​ത്തി​ലാ​യി​രി​ക്ക​ണ​മെ​ന്നും കോ​ട​തി പ​റ​ഞ്ഞു.

മ​ഴ​ക്കാ​ല​ത്ത് കു​ട്ട​നാ​ട് പ്ര​ദേ​ശം വെ​ള്ള​ത്തി​ൽ മു​ങ്ങു​ന്ന​ത്​ ഒ​ഴി​വാ​ക്കാ​ൻ തോ​ട്ട​പ്പ​ള്ളി സ്പി​ൽ​വേ​യി​ലെ മ​ണ​ൽ നീ​ക്കാ​ൻ ദു​ര​ന്ത നി​വാ​ര​ണ നി​യ​മ പ്ര​കാ​രം ക​ല​ക്ട​ർ ഉ​ത്ത​ര​വി​റ​ക്കി​യി​രു​ന്നു. എ​ന്നാ​ൽ, ഇ​തി​ന്റെ പേ​രി​ൽ നി​ര​ന്ത​രം ക​രി​മ​ണ​ൽ ഖ​ന​നം ന​ട​ക്കു​ക​യാ​ണെ​ന്നും ഇ​ത് പ​രി​സ്ഥി​തി​ക്ക​ട​ക്കം ഭീ​ഷ​ണി​യാ​ണെ​ന്നും ചൂ​ണ്ടി​ക്കാ​ട്ടി ഗ്രീ​ൻ റൂ​ട്ട്സ് നേ​ച്ച​ർ ക​ൺ​സ​ർ​വേ​ഷ​ൻ ഫോ​റം എ​ന്ന സം​ഘ​ട​ന​യു​ൾ​പ്പെ​ടെ ന​ൽ​കി​യ ഹ​ര​ജി​യി​ലാ​ണ്​ ഉ​ത്ത​ര​വ്. നി​യ​ന്ത്ര​ണ​മി​ല്ലാ​ത്ത ഖ​ന​നം മൂ​ലം 15 ഏ​ക്ക​റോ​ളം സ്ഥ​ല​ത്ത് പ​രി​സ്ഥി​തി ലോ​ല മേ​ഖ​ല​ക്ക്​ നാ​ശ​മു​ണ്ടാ​യെ​ന്ന്​ മാ​ത്ര​മ​ല്ല, വം​ശ​നാ​ശം നേ​രി​ടു​ന്ന ഒ​ലീ​വ് റെ​ഡ്ലി ഇ​ന​ത്തി​ലു​ള്ള ആ​മ​ക​ളു​ടെ നി​ല​നി​ൽ​പ്പി​ന​ട​ക്കം മ​ണ​ൽ ഖ​ന​നം ഭീ​ഷ​ണി​യാ​ണെ​ന്നും ഹ​ര​ജി​യി​ൽ പ​റ​യു​ന്നു. ബ​ന്ധ​പ്പെ​ട്ട വ​കു​പ്പു​ക​ളു​ടെ റി​പ്പോ​ർ​ട്ടു​ക​ൾ കൂ​ടി പ​രി​ശോ​ധി​ച്ചാ​ണ് വി​ദ​ഗ്ധ സ​മി​തി​ക്ക്​ രൂ​പം ന​ൽ​കാ​ൻ കോ​ട​തി ഉ​ത്ത​ര​വി​ട്ട​ത്.