വയോധികയുടെ മരണം പീഡനശ്രമത്തിനിടെ

അ​മ്പ​ല​പ്പു​ഴ: ദു​രൂ​ഹ​സാ​ഹ​ച​ര്യ​ത്തി​ല്‍ വീ​ടി​നു​ള്ളി​ൽ മ​രി​ച്ച നി​ല​യി​ൽ കാ​ണ​പ്പെ​ട്ട പു​റ​ക്കാ​ട് പ​ഞ്ചാ​യ​ത്ത് 12ാം വാ​ര്‍ഡി​ല്‍ റം​ല​ത്ത് (58) പീ​ഡ​ന​ശ്ര​മ​ത്തി​നി​ടെ കൊ​ല്ല​പ്പെ​ട്ടതാ​കാ​മെ​ന്ന നി​ഗ​മ​ന​ത്തി​ൽ പൊ​ലീ​സ്. ത​നി​ച്ച് താ​മ​സി​ച്ചി​രു​ന്ന വ​യോ​ധി​ക​യെ വീ​ടി​നു​ള്ളി​ല്‍ മ​രി​ച്ച നി​ല​യി​ല്‍ ക​ണ്ടെ​ത്തു​ക​യാ​യി​രു​ന്നു.

പ​ണ​വും സ്വ​ര്‍ണ​വും ന​ഷ്ട​പ്പെ​ട്ടി​ട്ടി​ല്ല. മോ​ഷ​ണം ആ​യി​രു​ന്നി​ല്ല പ്ര​തി​യു​ടെ ല​ക്ഷ്യ​മെ​ന്നാ​ണ് ഇ​ത്​ ന​ൽ​കു​ന്ന സൂ​ച​ന​യെ​ന്നാ​ണ്​ പൊ​ലീ​സ് വി​ല​യി​രു​ത്തു​ന്ന​ത്. എ​ന്നാ​ല്‍ റം​ല​ത്ത് ഉ​പ​യോ​ഗി​ച്ചി​രു​ന്ന മൊ​ബൈ​ല്‍ ഫോ​ൺ ന​ഷ്ട​പ്പെ​ട്ടി​ട്ടു​ണ്ട്. ഇ​തി​ന്‍റെ വി​വ​ര​ങ്ങ​ള്‍ ശേ​ഖ​രി​ക്കാ​ന്‍ സൈ​ബ​ര്‍ സെ​ല്ലി​ന്‍റെ സ​ഹാ​യം തേ​ടി.

റം​ല​ത്ത് ശ്വാ​സ​ത​ട​സ്സം സം​ബ​ന്ധി​ച്ച ചി​കി​ത്സ ന​ട​ത്തു​ന്നു​ണ്ട്. ഇ​തി​നാ​യി ഇ​ന്‍ഹേ​ല​ർ ഉ​പ​യോ​ഗി​ച്ചി​രു​ന്നു. അ​പ്ര​തീ​ക്ഷി​ത​മാ​യ ക​ട​ന്നാ​ക്ര​മ​ണ​ത്തി​ല്‍ മ​ര​ണം സം​ഭ​വി​ച്ച​താ​കാ​മെ​ന്നും പൊ​ലീ​സ് സം​ശ​യി​ക്കു​ന്നു​ണ്ട്. വീ​ട്ടി​ലെ വൈ​ദ്യു​തി​ബ​ന്ധം ത​ക​രാ​റി​ലാ​ക്കി​യ നി​ല​യി​ലാ​യി​രു​ന്ന​ത്​ പ്ര​തി ക​രു​തി​കൂ​ട്ടി അ​ക​ത്ത് പ്ര​വേ​ശി​ച്ച​താ​ണെ​ന്ന സൂ​ച​ന​യാ​ണ്​ ന​ൽ​കു​ന്ന​ത്. അ​ടു​ക്ക​ള വാ​തി​ലി​ന് ഉ​റ​പ്പി​ല്ലെ​ന്ന് അ​റി​യാ​വു​ന്ന​വ​രാ​കാം അ​ക​ത്ത് പ്ര​വേ​ശി​ച്ചി​ട്ടു​ള്ള​ത്. മ​ര​ണം ഉ​റ​പ്പാ​യ​തി​നു​ശേ​ഷം മു​ള​കു​പൊ​ടി വി​ത​റി​യ​തു​മാ​കാ​മെ​ന്നും പൊ​ലീ​സ് സം​ശ​യി​ക്കു​ന്നു.

സം​ഭ​വ​വു​മാ​യി ബ​ന്ധ​പ്പെ​ട്ട് സ​മീ​പ​വാ​സി​ക​ളാ​യ നി​ര​വ​ധി പേ​രെ പൊ​ലീ​സ് ചോ​ദ്യം ചെ​യ്തു. സി.​സി.​ടി.​വി കേ​ന്ദ്രീ​ക​രി​ച്ചും അ​ന്വേ​ഷ​ണം ഊ​ർ​ജി​ത​മാ​ക്കി​യി​ട്ടു​ണ്ട്. ആ​ന്ത​രീ​കാ​വ​യ​വ​ങ്ങ​ളു​ടെ പ​രി​ശോ​ധ​ന ഫ​ലം ല​ഭി​ച്ചാ​ൽ മാ​ത്ര​മേ യ​ഥാ​ർ​ഥ മ​ര​ണ​കാ​ര​ണം അ​റി​യാ​ൻ ക​ഴി​യൂ എ​ന്നാ​ണ് പൊ​ലീ​സ് പ​റ​യു​ന്ന​ത്. ശ​നി​യാ​ഴ്ച രാ​ത്രി 11 മ​ണി​യോ​ടെ വീ​ടി​ന് മു​ന്നി​ല്‍ റം​ല​ത്ത് നി​ല്‍ക്കു​ന്ന​ത് ക​ണ്ട​വ​രു​ണ്ട്. അ​മ്പ​ല​പ്പു​ഴ ഡി​വൈ.​എ​സ്.​പി കെ.​എ​ന്‍. രാ​ജേ​ഷി​ന്‍റെ നേ​തൃ​ത്വ​ത്തി​ലു​ള്ള 15 അം​ഗ സം​ഘ​മാ​ണ് അ​ന്വേ​ഷ​ണം ന​ട​ത്തു​ന്ന​ത്. ജി​ല്ല പൊ​ലീ​സ് മേ​ധാ​വി മോ​ഹ​ന​ച​ന്ദ്ര​ന്‍ അ​മ്പ​ല​പ്പു​ഴ സ്റ്റേ​ഷ​ന്‍ സ​ന്ദ​ര്‍ശി​ച്ച് അ​ന്വേ​ഷ​ണ​പു​രോ​ഗ​തി വി​ല​യി​രു​ത്തി.

വൈദ്യുതിവകുപ്പ് പരിശോധന നടത്തി; ഞാ​യ​റാ​ഴ്ച രാ​ത്രി 12നും 12.30​നും ഇ​ട​യി​ല്‍ 200 വാ​ട്സ് വൈ​ദ്യു​തി ഉ​പ​യോ​ഗി​ച്ച​താ​യി ക​ണ്ടെ​ത്തി

ആ​ല​പ്പു​ഴ: ത​നി​ച്ച് താ​മ​സി​ച്ചി​രു​ന്ന വ​യോ​ധി​ക വീ​ടി​നു​ള്ളി​ല്‍ മ​രി​ച്ച നി​ല​യി​ല്‍ ക​ണ്ടെ​ത്തി​യ സം​ഭ​വ​ത്തി​ല്‍ ആ​ന്‍റി പ​വ​ര്‍ തെ​ഫ്റ്റ് വി​ഭാ​ഗം പ​രി​ശോ​ധ​ന ന​ട​ത്തി. പു​റ​ക്കാ​ട് പ​ഞ്ചാ​യ​ത്ത് 12ാം വാ​ര്‍ഡി​ല്‍ റം​ല​ത്ത് (58) ദു​രൂ​ഹ​സാ​ഹ​ച​ര്യ​ത്തി​ല്‍ മ​രി​ച്ച സം​ഭ​വ​ത്തി​ല്‍ കൂ​ടു​ത​ല്‍ തെ​ളി​വു​ക​ള്‍ ശേ​ഖ​രി​ക്കു​ന്ന​തി​ന്‍റെ ഭാ​ഗ​മാ​യി​ട്ടാ​യി​രു​ന്നു പ​രി​ശോ​ധ​ന.

ജി​ല്ല പൊ​ലീ​സ് മേ​ധാ​വി മോ​ഹ​ന​ച​ന്ദ്ര​ന്‍റെ നി​ര്‍ദേ​ശ​പ്ര​കാ​രം ആ​ന്‍റി പ​വ​ര്‍ തെ​ഫ്റ്റ് വി​ഭാ​ഗം അ​സി. എ​ക്സി​ക്യൂ​ട്ടീ​വ് എ​ൻ​ജി​നീ​യ​ര്‍ അ​ജി​ത് കു​മാ​ര്‍, സ​ബ് എ​ൻ​ജി​നീ​യ​ര്‍ ബൈ​ജു, എ.​എ​സ്.​ഐ ഹ​ബീ​ബ് റ​ഹ്മാ​ന്‍, വൈ​ദ്യു​തി വ​കു​പ്പ് അ​മ്പ​ല​പ്പു​ഴ സെ​ക്ഷ​ന്‍ സ​ബ് എ​ൻ​ജി​നീ​യ​ര്‍ വി​ജ​യ​കൃ​ഷ്ണ​ന്‍ എ​ന്നി​വ​രു​ടെ നേ​തൃ​ത്വ​ത്തി​ലാ​യി​രു​ന്നു പ​രി​ശോ​ധ​ന. മീ​റ്റ​ര്‍ ഡൗ​ണ്‍ലോ​ഡ് ചെ​യ്ത് വൈ​ദ്യു​തി വി​ഛേ​ദി​ച്ച സ​മ​യം ക​ണ്ടെ​ത്തു​ന്ന​തി​നാ​യി​രു​ന്നു പ​രി​ശോ​ധ​ന. മീ​റ്റ​റി​ല്‍ നി​ന്നും വീ​ടി​ന് ഉ​ള്ളി​ലേ​ക്കു​ള്ള വൈ​ദ്യു​തി​ബ​ന്ധം വി​ഛേ​ദി​ച്ച നി​ല​യി​ലാ​യി​രു​ന്നു. ഞാ​യ​റാ​ഴ്ച രാ​ത്രി 12നും 12.30​നും ഇ​ട​യി​ല്‍ 200 വാ​ട്സ് വൈ​ദ്യു​തി ഉ​പ​യോ​ഗി​ച്ച​താ​യി ക​ണ്ടെ​ത്തി. ഫ്രി​ഡ്ജും ഫാ​നും പു​റ​ത്തേ​ക്കു​ള്ള ര​ണ്ട് ലൈ​റ്റു​ക​ളു​മാ​ണ് പ്ര​വ​ര്‍ത്തി​ച്ചി​ട്ടു​ള്ള​ത്. ഇ​തി​ന് ശേ​ഷം വൈ​ദ്യു​തി ഉ​പ​യോ​ഗം ന​ട​ന്നി​ട്ടി​ല്ല.

2016 മോ​ഡ​ല്‍ മീ​റ്റ​ര്‍ ആ​യ​തി​നാ​ല്‍ കൂ​ടു​ത​ല്‍ വി​വ​ര​ങ്ങ​ള്‍ ശേ​ഖ​രി​ക്കാ​ന്‍ ക​ഴി​ഞ്ഞി​ട്ടി​ല്ല. ല​ഭ്യ​മാ​യ വി​വ​ര​ങ്ങ​ള്‍ അ​മ്പ​ല​പ്പു​ഴ ഡി​വൈ.​എ​സ്.​പി കെ.​എ​ന്‍. രാ​ജേ​ഷി​ന് കൈ​മാ​റും. പ​ക​ല്‍ ഒ​ന്ന​ര​യോ​ടെ ആ​രം​ഭി​ച്ച പ​രി​ശോ​ധ​ന വൈ​കി​ട്ട് 4.30 ഓ​ടെ​യാ​ണ് സ​മാ​പി​ച്ച​ത്. ഫോ​റ​ന്‍സി​ക് വി​ഭാ​ഗ​വും ചൊ​വ്വാ​ഴ്ച പ​രി​ശോ​ധ​ന ന​ട​ത്തി.