ആകെ മാറും കരിങ്ങാലി പുഞ്ച

ചാ​രും​മൂ​ട്: പാ​ല​മേ​ൽ പ​ഞ്ചാ​യ​ത്തി​ന്റെ നേ​തൃ​ത്വ​ത്തി​ൽ, പ​ഞ്ചാ​യ​ത്തി​ലെ കു​ട​ശ്ശ​നാ​ട് മു​ക്ക​ത്ത് ക​രി​ങ്ങാ​ലി പു​ഞ്ച​യു​ടെ തീ​ര​ത്ത് ഇ​ക്കോ ടൂ​റി​സം പ​ദ്ധ​തി വ​രു​ന്നു. 100 കോ​ടി രൂ​പ​യാ​ണ്​ ചെ​ല​വ്​ പ്ര​തീ​ക്ഷി​ക്കു​ന്ന​ത്. 10 വ​ർ​ഷ​ത്തി​നു​ള്ളി​ൽ പൂ​ർ​ത്തി​യാ​ക്കാ​നാ​ണ് ല​ക്ഷ്യം. ആ​ല​പ്പു​ഴ, പ​ത്ത​നം​തി​ട്ട ജി​ല്ല​ക​ളു​ടെ അ​തി​ർ​ത്തി പ്ര​ദേ​ശ​മാ​യ​തി​നാ​ൽ ഈ ​ര​ണ്ടു ജി​ല്ല​ക​ളി​ൽ നി​ന്നു​ള്ള​ർ​ക്കും പ്ര​യോ​ജ​നം ല​ഭി​ക്കും.

പ​ദ്ധ​തി​ക്കാ​യി ക​രി​ങ്ങാ​ലി പു​ഞ്ച​യോ​ടു​ചേ​ർ​ന്ന് കു​ട​ശ്ശ​നാ​ട് ഭാ​ഗ​ത്ത് റ​വ​ന്യൂ വ​കു​പ്പി​ന്റെ ത​രി​ശു​കി​ട​ക്കു​ന്ന മൂ​ന്ന​ര​യേ​ക്ക​ർ സ്ഥ​ലം പാ​ട്ട​ത്തി​നെ​ടു​ക്കും. മൂ​ന്നു ഘ​ട്ട​ങ്ങ​ളി​ലാ​യാ​ണ് പ​ദ്ധ​തി ന​ട​പ്പാ​ക്കു​ന്ന​ത്. ആ​ദ്യ​ഘ​ട്ട​മാ​യി 1.15 കോ​ടി രൂ​പ​യു​ടെ പ്ര​വ​ർ​ത്ത​ന​ങ്ങ​ൾ തു​ട​ങ്ങും.ഫി​ഷ​റീ​സ് വ​കു​പ്പി​ൽ​നി​ന്ന് 65 ല​ക്ഷം രൂ​പ അ​നു​വ​ദി​ക്കും. പ​ദ്ധ​തി പ്ര​ദേ​ശ​ത്ത് ഹാ​പ്പി​ന​സ് പാ​ർ​ക്കി​നു​ള്ള സ്ഥ​ല​ത്ത് മ​ണ്ണി​ട്ട് ഒ​ന്ന​ര മീ​റ്റ​ർ ഉ​യ​ർ​ത്താ​നാ​യി 50 ല​ക്ഷം രൂ​പ പ​ഞ്ചാ​യ​ത്തും നീ​ക്കി​വെ​ച്ചു. ആ​ദ്യം ഇ​വി​ടേ​ക്കു​ള്ള റോ​ഡ് വീ​തി​കൂ​ട്ടി ന​വീ​ക​രി​ക്കും.

ഓ​പ്പ​ൺ സ്റ്റേ​ഷ​നും നി​ർ​മി​ക്കും. ര​ണ്ടാം ഘ​ട്ട​ത്തി​ൽ വോ​ളി​ബാ​ൾ കോ​ർ​ട്ട്, ന​ട​വ​ഴി, പ​ക്ഷി​നി​രീ​ക്ഷ​ണ കേ​ന്ദ്രം, ഓ​പ്പ​ൺ ജിം ​എ​ന്നി​വ​യും പു​ഞ്ച​യി​ൽ ബോ​ട്ടി​ങ്ങും വ​രും. മൂ​ന്നാം ഘ​ട്ട​ത്തി​ൽ കേ​ബി​ൾ കാ​ർ വി​ഭാ​വ​നം ചെ​യ്യു​ന്നു. എം.​എ​സ്. അ​രു​ൺ കു​മാ​ർ എം.​എ​ൽ.​എ, ക​ല​ക്ട​ർ അ​ല​ക്സ് വ​ർ​ഗീ​സ്, പാ​ല​മേ​ൽ പ​ഞ്ചാ​യ​ത്ത് പ്ര​സി​ഡ​ന്‍റ്​ ബി. ​വി​നോ​ദ്, ഭ​ര​ണി​ക്കാ​വ് ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ്​ എ​സ്.​ര​ജ​നി, പാ​ല​മേ​ൽ പ​ഞ്ചാ​യ​ത്ത് അം​ഗ​ങ്ങ​ളാ​യ ജ​സ്റ്റി​ൻ ജേ​ക്ക​ബ്, വേ​ണു കാ​വേ​രി തു​ട​ങ്ങി​യ​വ​ർ പ​ദ്ധ​തി സ്ഥ​ലം സ​ന്ദ​ർ​ശി​ച്ചു.