ജി​ല്ല കോ​ട​തി​പ്പാ​ലം ന​വീ​ക​ര​ണം; പൊ​ളി​ക്കു​ന്ന ക​ട​ക​ൾ​ക്ക്​ ന​ഷ്ട​പ​രി​ഹാ​രം ന​ൽ​ക​ണ​മെ​ന്ന്​ ഹൈ​കോ​ട​തി

ആ​ല​പ്പു​ഴ: ജി​ല്ല കോ​ട​തി​പ്പാ​ലം ന​വീ​ക​ര​ണ​ത്തി​നാ​യി പൊ​ളി​ച്ചു​മാ​റ്റു​ന്ന ക​ട​ക​ൾ​ക്ക്​ ന​ഷ്ട​പ​രി​ഹാ​രം ന​ൽ​കാ​ൻ ഹൈ​കോ​ട​തി നി​ർ​ദേ​ശം. പു​ന​ര​ധി​വാ​സ​വും പ​രി​ഗ​ണി​ക്ക​ണ​മെ​ന്നും നി​ർ​ദേ​ശി​ച്ചി​ട്ടു​ണ്ട്. വി​ധി​ന്യാ​യ​ത്തി​ന്റെ പ​ക​ർ​പ്പ് ല​ഭി​ച്ച തീ​യ​തി മു​ത​ൽ മൂ​ന്നാ​ഴ്ച​യ്ക്കു​ള്ളി​ൽ, ഹ​ര​ജി​ക്കാ​ർ ഉ​യ​ർ​ന്ന ന​ഷ്ട​പ​രി​ഹാ​ര പാ​ക്കേ​ജ് ആ​വ​ശ്യ​പ്പെ​ട്ട്​ സ​ർ​ക്കാ​രി​ന് നി​വേ​ദ​നം ന​ൽ​ക​ണം. അ​ത്​ പ​രി​ഗ​ണി​ച്ച്​ ഉ​ചി​ത​മാ​യ പു​ന​ര​ധി​വാ​സ പാ​ക്കേ​ജ് സ​ർ​ക്കാ​ർ നി​ശ്ച​യി​ക്ക​ണം. സ​ർ​ക്കാ​റി​ന്​ പ​രാ​തി ല​ഭി​ച്ച തീ​യ​തി മു​ത​ൽ മൂ​ന്നു മാ​സ​ത്തി​നു​ള്ളി​ൽ തീ​രു​മാ​നം എ​ടു​ക്ക​ണ​മെ​ന്നും കോ​ട​തി നി​ർ​ദേ​ശി​ച്ചി​ട്ടു​ണ്ട്.

ന​ഗ​ര​സ​ഭ​ക​ളു​ടെ വാ​ട​ക​ക്കാ​രെ ഒ​ഴി​പ്പി​ക്കാ​ൻ ര​ണ്ട്​ ല​ക്ഷം രൂ​പ ന​ഷ്ട​പ​രി​ഹാ​രം ന​ൽ​ക​ണ​മെ​ന്ന്​ വ്യ​വ​സ്ഥ​യു​ണ്ടെ​ന്ന്​ ചൂ​ണ്ടി​കാ​ട്ടി​യി​ട്ടു​ണ്ട്. എ​ന്നാ​ൽ ഇ​വി​ടെ സ്വ​ന്ത​മാ​യി കെ​ട്ടി​ടം നി​ർ​മി​ച്ച്​ വ്യാ​പാ​രം ന​ട​ത്തു​ന്ന​വ​രാ​യ​തി​നാ​ൽ വാ​ട​ക​ക്കാ​രു​ടെ ഗ​ണ​ത്തി​ൽ​പെ​ടു​ത്താ​നാ​വി​ല്ല. ഈ ​വി​ധം വ്യാ​പാ​രം ന​ട​ത്തു​ന്ന​വ​രെ കു​റി​ച്ച്​ നി​യ​മ​ത്തി​ൽ പ്ര​തി​പാ​ദി​ച്ചി​ട്ടു​മി​ല്ല. ന​ഗ​ര​സ​ഭ വാ​ഗ്ദാ​നം ചെ​യ്ത അ​ര ല​ക്ഷം ന​ഷ്ട​പ​രി​ഹാ​രം അം​ഗീ​ക​രി​ക്കാ​ൻ കോ​ട​തി​ക്ക്​ ക​ഴി​യി​ല്ല. ര​ണ്ട്​ ല​ക്ഷ​ത്തി​ൽ കു​റ​യാ​ത്ത ന​ഷ്ട​പ​രി​ഹാ​രം ല​ഭി​ക്കു​മെ​ന്നാ​ണ്​ വ്യാ​പാ​രി​ക​ളു​ടെ പ്ര​തീ​ക്ഷ.

16 വ്യാ​പാ​രി​ക​ളാ​ണ്​ ഹൈ​കോ​ട​തി​യെ സ​മീ​പി​ച്ചി​രു​ന്ന​ത്. വി​ഷ​യ​ത്തി​ൽ മേ​യ്‌ 29നാ​ണ്​ വി​ധി പു​റ​പ്പെ​ടു​വി​ച്ച​ത്. ക​ട​ക​ൾ ഒ​ഴി​യാ​ൻ ന​ഗ​ര​സ​ഭ ന​ൽ​കി​യ കാ​ലാ​വ​ധി ഒ​മ്പ​തി​ന്‌ അ​വ​സാ​നി​ച്ചു. കൂ​ടു​ത​ൽ സാ​വ​കാ​ശം ആ​വ​ശ്യ​പ്പെ​ട്ട്‌ ക​ച്ച​വ​ട​ക്കാ​ർ വീ​ണ്ടും കോ​ട​തി​യെ സ​മീ​പി​ച്ചി​രു​ന്നു. ശ​നി​യാ​ഴ്‌​ച​വ​രെ കോ​ട​തി സ​മ​യം ന​ൽ​കി​യി​രു​ന്നു. അ​തും അ​വ​സാ​നി​ച്ച​തോ​ടെ ക​ട​ക​ൾ​ പൊ​ളി​ച്ചു തു​ട​ങ്ങി. ന​ഷ്‌​ട​പ​രി​ഹാ​ര​ത്തു​ക കൂ​ട്ട​ണ​മെ​ന്നും പു​ന​ര​ധി​വാ​സം ഉ​റ​പ്പാ​ക്ക​ണ​മെ​ന്നും ആ​വ​ശ്യ​പ്പെ​ട്ടാ​ണ്​ ക​ച്ച​വ​ട​ക്കാ​ർ ഹൈ​കോ​ട​തി​യെ സ​മീ​പി​ച്ച​ത്.

പാ​ല​ത്തി​ന്‌ പ​ടി​ഞ്ഞാ​റു​ഭാ​ഗ​ത്ത്‌ എ​സ്‌.​ഡി.​വി സെ​ന്റി​ന​റി ഹാ​ളി​ന്‌ മു​ന്നി​ലെ മ​ത്സ്യ​ക​ന്യ​ക​യു​ടെ ശി​ൽ​പം മാ​റ്റു​ന്ന​തി​ൽ തീ​രു​മാ​ന​മാ​യി​ല്ല. 50 ട​ണ്ണോ​ളം ഭാ​ര​മു​ള്ള ശി​ൽ​പ​മാ​ണി​ത്‌. വ്യാ​പാ​രി​ക​ൾ​ക്കു​ള്ള ന​ഷ്ട​പ​രി​ഹാ​രം സ​ർ​ക്കാ​ർ ന​ൽ​ക​ണ​മെ​ന്നാ​ണ്​ കോ​ട​തി നി​ർ​ദേ​ശി​ച്ചി​രി​ക്കു​ന്ന​ത്. ഓ​രോ​രു​ത്ത​രു​ടെ​യും ന​ഷ്ടം ക​ണ​ക്കാ​ക്കു​ന്ന​തി​ന്​ വ്യാ​പാ​രി​ക​ളു​മാ​യി ച​ർ​ച്ച ന​ട​ത്തും.

കു​റ​ഞ്ഞ ന​ഷ്ട​പ​രി​ഹാ​രം ര​ണ്ട്​ ല​ക്ഷ​മാ​യി​രി​ക്കും. പു​റ​മ്പോ​ക്കി​ലാ​ണ്​ ക​ട​ക​ൾ എ​ന്നാ​ണ്​ ന​ഗ​ര​സ​ഭ വാ​ദി​ച്ച​ത്. 1995ൽ ​ടൂ​റി​സം വ​കു​പ്പ്​ അ​നു​മ​തി ന​ൽ​കി​യ​തി​നെ തു​ട​ർ​ന്നാ​ണ്​ ക​ട​ക​ൾ നി​ർ​മി​ച്ച​ത്. വാ​ട്ട​ർ, വൈ​ദ്യൂ​തി ക​ണ​ക്​​ഷ​നു​ക​ളും കെ​ട്ടി​ട ന​മ്പ​രും എ​ല്ലാം ഇ​വ​ർ​ക്ക്​ ല​ഭ്യ​മാ​യി​രു​ന്നു. കോ​ട​തി​പാ​ല​ത്തി​ന്​ കി​ഴ​ക്കും പ​ടി​ഞ്ഞാ​റു​മാ​യി ക​നാ​ലി​ന്‍റെ തെ​ക്കേ ക​ര​യി​ലെ വ്യാ​പാ​രി​ക​ളാ​ണ്​ ഒ​ഴി​യാ​ൻ വി​സ​മ്മ​തി​ച്ച്​ കോ​ട​തി​യെ സ​മീ​പി​ച്ച​ത്.