ഭ​ര​ണി​ക്കാ​വി​ൽ ആ​ൽ​മ​രം മു​റി​ച്ച​ത്​ വി​വാ​ദ​മാ​കു​ന്നു

ക​റ്റാ​നം: ശി​ഖ​ര​ങ്ങ​ൾ മു​റി​ക്കാ​നു​ള്ള ഉ​ത്ത​ര​വി​ന്‍റെ മ​റ​വി​ൽ ആ​ൽ​മ​രം മു​റി​ച്ചു​ക​ട​ത്തി​യ ന​ട​പ​ടി വി​വാ​ദ​മാ​കു​ന്നു. ഭ​ര​ണി​ക്കാ​വ് പ​ഞ്ചാ​യ​ത്ത് ര​ണ്ടാം വാ​ർ​ഡി​ലെ കോ​യി​ക്ക​ൽ വ​ട​ക്കേ ഭാ​ഗ​ത്ത് റോ​ഡ​രി​കി​ൽ നി​ന്നി​രു​ന്ന കൂ​റ്റ​ൻ ആ​ൽ​മ​ര​മാ​ണ് അ​ന​ധി​കൃ​ത​മാ​യി മു​റി​ച്ചു​മാ​റ്റി​യ​ത്. വീ​ടു​ക​ൾ​ക്കും ക​ട​ക​ൾ​ക്കും മു​ക​ളി​ലേ​ക്ക് ചാ​ഞ്ഞു​കി​ട​ന്നി​രു​ന്ന മ​ര​ക്കൊ​മ്പു​ക​ൾ നീ​ക്ക​ണ​മെ​ന്ന കോ​ട​തി ഉ​ത്ത​ര​വി​ന്‍റെ മ​റ​വി​ലാ​ണ് മ​രം മു​റി​ച്ച​ത്. പ​ഞ്ചാ​യ​ത്തി​ന്‍റെ മേ​ൽ​നോ​ട്ട​ത്തി​ലാ​ണ് മു​റി​ക്കു​ന്ന​വ​രെ ചു​മ​ത​ല​പ്പെ​ടു​ത്തി​യ​ത്. പ​ഞ്ചാ​യ​ത്തും പ​രാ​തി​ക്കാ​രും ചേ​ർ​ന്ന് ഇ​തി​ന് പ​ണ​വും ന​ൽ​കി.

കൂ​ടാ​തെ ലൈ​ൻ അ​ഴി​ച്ചു​മാ​റ്റു​ന്ന​തി​ന് ഭീ​മ​മാ​യ തു​ക വൈ​ദ്യു​തി ഓ​ഫി​സി​ലും പ​ഞ്ചാ​യ​ത്ത് അ​ട​ച്ച ശേ​ഷ​മാ​യി​രു​ന്നു ന​ട​പ​ടി. മു​ക​ളി​ലെ ശി​ഖ​രം മു​റി​ക്കാ​നാ​യി വി​ളി​ച്ചു​വ​രു​ത്തി​യ​വ​ർ അ​വ​സ​രം മു​ത​ലെ​ടു​ത്ത് നൂ​റ്റാ​ണ്ട് പ​ഴ​ക്ക​മു​ള്ള മ​ര​ത്തി​ന്‍റെ മു​ക​ൾ ഭാ​ഗം പൂ​ർ​ണ​മാ​യി വെ​ട്ടി​മാ​റ്റി. ഇ​തി​ൽ പ്ര​തി​ഷേ​ധം ഉ​യ​ർ​ന്ന​തോ​ടെ വെ​ട്ടി​യി​ട്ട ത​ടി​ക​ളു​മാ​യി സം​ഘം മു​ങ്ങു​ക​യാ​യി​രു​ന്നു.

വി​ഷ​യ​ത്തി​ൽ മ​റു​പ​ടി ആ​വ​ശ്യ​പ്പെ​ട്ട് കോ​ൺ​ഗ്ര​സ് പ​ഞ്ചാ​യ​ത്ത് അം​ഗ​ങ്ങ​ൾ ക​ത്ത് ന​ൽ​കി​യ​തോ​ടെ ഭ​ര​ണ നേ​തൃ​ത്വ​വും വെ​ട്ടി​ലാ​യി​രി​ക്കു​ക​യാ​ണ്.