ബണ്ട് റോഡിലെ കലുങ്കിൽ കുഴി; നാട്ടുകാർ വാഴ നട്ടു

മാന്നാർ: മൂർത്തിട്ട-മുക്കാത്താരി ബണ്ട് റോഡിലെ പാവുക്കര ഇടയാടി ഭാഗത്തെ കലുങ്കിൽ വലിയ കുഴി രുപപ്പെട്ടു. അപകടസൂചന നൽകാൻ ഗർത്തത്തിൽ നാട്ടുകാർ വാഴ വെച്ചു. മാന്നാർ-വീയപുരം റോഡിനു സമാന്തരമായുള്ള റോഡിൽ ഇടത്തയിൽ ഭാഗത്തെ കലുങ്കിലാണ് അപകടകരമായ കുഴി.

ഇടയാടി സി.എം.എസ് എൽ.പി.എസ്, പാവുക്കര എം.ഡി എൽ.പി.എസ്, ഹരിജൻ വെൽഫെയർ എൽ.പി.എസ്, കരയോഗം യൂ.പി.എസ് എന്നിവിടങ്ങളിൽ പഠിക്കുന്ന കുട്ടികൾ സഞ്ചരിക്കുന്ന പാതയാണിത്.